Proverbs 12
1 Whoever loves discipline loves knowledge, but he who hates correction is stupid.
Onye ọbụla na-ahụ ịdọ aka na ntị nʼanya na-ahụ ihe ọmụma nʼanya, ma onye na-akpọ ịba mba asị bụ onye na-enweghị ụbụrụ isi.
2 The good man obtains favor from the LORD, but the LORD condemns a man who devises evil.
Ezi mmadụ na-anata ihuọma site nʼaka Onyenwe anyị, ma onye na-atụpụta atụmatụ ọjọọ ka ọ na-ama ikpe.
3 A man cannot be established through wickedness, but the righteous cannot be uprooted.
Onye ajọ omume agaghị anọgide, ma apụghị ihopu onye ezi omume.
4 A wife of noble character is her husband’s crown, but she who causes shame is like decay in his bones.
Ezi nwanyị bụ ọṅụ na okpueze di ya, ma nwanyị na-eweta ihere dịka ire ure nʼọkpụkpụ di ya.
5 The plans of the righteous are just, but the counsel of the wicked leads to deceit.
Echiche obi niile nke onye ezi omume bụ ihe ziri ezi, ma ndụmọdụ onye ajọ omume jupụtara nʼaghụghọ.
6 The words of the wicked lie in wait for blood, but the speech of the upright rescues them.
Okwu niile nke ndị ajọ omume bụ ihe na-eweta ọnwụ, ma okwu ndị omume ha ziri ezi na-anapụta ha.
7 The wicked are overthrown and perish, but the house of the righteous will stand.
Ndị na-emebi iwu ga-ala nʼiyi, ma ndị ezi omume ga-eguzosi ike.
8 A man is praised according to his wisdom, but a twisted mind is despised.
Onye nwere uche zuruoke ka mmadụ niile na-achọ, ma onye uche ya gbagọrọ agbagọ ka mmadụ na-eleda anya.
9 Better to be lightly esteemed yet have a servant, than to be self-important but lack food.
Ọ ka mma ịbụ onye a na-elelị anya ma i nwere ohu, karịa ịbụ onye a na-asọpụrụ ma bụrụ onye nri na-adịghị nʼụlọ ya.
10 A righteous man regards the life of his animal, but the tender mercies of the wicked are only cruelty.
Onye ezi omume na-elekọta anụ ụlọ ya, ma obi ebere kachasị nro nke onye ajọ omume mere bụ enweghị obi ebere.
11 The one who works his land will have plenty of food, but whoever chases fantasies lacks judgment.
Onye na-arụ ala ubi ya ga-enwe nri nʼebe ọ bara ụba, ma onye na-agbaso ihe efu dị iche iche, amamihe kọrọ.
12 The wicked desire the plunder of evil men, but the root of the righteous flourishes.
Ndị ajọ omume na-enwekwa anya ukwu nʼihe ndị ajọ omume ibe ha nwere, ma mgbọrọgwụ nke ndị ezi omume ga-eto eto.
13 An evil man is trapped by his rebellious speech, but a righteous man escapes from trouble.
A na-ejide onye ajọ omume site nʼokwu ọnụ ya, ma onye ezi omume na-esi na nsogbu wezuga onwe ya.
14 By fruitful speech a man is filled with good things, and the work of his hands returns to him.
Ikwu eziokwu na-enye mmadụ obi ụtọ, inwe mgbalị na-ewetara ya ngọzị.
15 The way of a fool is right in his own eyes, but a wise man listens to counsel.
Ụzọ ndị nzuzu nʼuche ha onwe ha ziri ezi, ma onye maara ihe na-aṅa ntị nye ndụmọdụ.
16 A fool’s anger is known at once, but a prudent man overlooks an insult.
Ndị nzuzu na-egosipụta iwe ha ọsịịsọ, ma onye nwere uche na-elepụrụ mkparị anya.
17 He who speaks the truth declares what is right, but a false witness speaks deceit.
Ezi onye akaebe na-ekwu eziokwu, ma ajọ onye akaebe na-ekwu okwu ụgha.
18 Speaking rashly is like a piercing sword, but the tongue of the wise brings healing.
Okwu ọjọọ na-agbawa obi dịka mma agha, ma ire onye maara ihe na-eweta ọgwụgwọ.
19 Truthful lips endure forever, but a lying tongue lasts only a moment.
Eziokwu na-eguzo ruo mgbe ebighị ebi, ma okwu ụgha anaghị adịgide.
20 Deceit is in the hearts of those who devise evil, but the counselors of peace have joy.
Aghụghọ na-ejupụta nʼobi na-eche ihe ọjọọ; ma ndị na-eme ka udo dị na-enwe ọṅụ.
21 No harm befalls the righteous, but the wicked are filled with trouble.
Ihe ọjọọ anaghị adakwasị onye ezi omume, ma ndị ajọ omume enwetala nsogbu ebe ọ dị ukwuu.
22 Lying lips are detestable to the LORD, but those who deal faithfully are His delight.
Onyenwe anyị kpọrọ egbugbere ọnụ nʼagha ụgha asị, ma ihe ndị kwesiri ntụkwasị obi na-amasị ya.
23 A shrewd man keeps his knowledge to himself, but a foolish heart proclaims its folly.
Onye nwere uche na-edebe ihe ọmụma ha nye onwe ha, ma onye nzuzu na-agbasa enweghị uche ya nʼanwụ.
24 The hand of the diligent will rule, but laziness ends in forced labor.
Aka na-arụsị ọrụ ike ga-achị achị, ma umengwụ ga-akwụsị naanị nʼọrụ mmanye.
25 Anxiety weighs down the heart of a man, but a good word cheers it up.
Obi nke jupụtara na nchegbu na-ada mba, ma okwu ọma na-eme ka obi ṅụrịa.
26 A righteous man is cautious in friendship, but the ways of the wicked lead them astray.
Onye ezi omume na-eduzi onye agbataobi ya, ma onye na-emebi iwu na-eduhie ha.
27 A lazy man does not roast his game, but a diligent man prizes his possession.
Onye umengwụ adịghị ahụ anụ ọ chụtara na nta nʼọkụ, ma ndị na-arụsị ọrụ ike na-eri site nʼakụ ha nwetara nʼịchụ nta.
28 There is life in the path of righteousness, but another path leads to death.
Ụzọ nke onye ezi omume na-eduba na ndụ, nʼụzọ ahụ, ọnwụ adịghị ya.
