2 Timothy 2
1 You therefore, my child, be strong in the grace that is in Christ Jesus.
ତିଆସନ୍ ଏ ଡନୁଙ୍ୟମ୍ ଡାଙ୍ଗଡ଼ାଅନ୍ଞେନ୍, କ୍ରିସ୍ଟ ଜିସୁନ୍ ଆ ସନାୟୁମ୍ ବାତ୍ତେ ଅବ୍ବୋର୍ସାନା ।
2 And the things that you have heard me say among many witnesses, entrust these to faithful men who will be qualified to teach others as well.
ଆରି, ଗୋଗୋୟ୍ଡମ୍ ସାକିମରଞ୍ଜି ଆତେମଡ୍ ଞେନ୍ ଅରବ୍ଜନାଲାଞଞ୍ଜି ଆ ବର୍ନେଜି ଆମନ୍ ଅମ୍ଡଙେନ୍, ଅଙ୍ଗା ମନ୍ରାଜି ଆନ୍ନାମରଞ୍ଜିଆଡଙ୍ ଞନଙନ୍ ତିୟ୍ଲେ ରପ୍ତିତଜି, ଏତ୍ତେଗନ୍ ଆ ମନ୍ରାଜି ଆମଙ୍ ତି ଅଡ଼୍କୋନ୍ ସୋରୋପ୍ପାୟାଜି ।
3 Join me in suffering, like a good soldier of Christ Jesus.
ଆମନ୍ କ୍ରିସ୍ଟ ଜିସୁନ୍ ଆ ସିପ୍ପାୟନ୍ ଅନ୍ତମ୍ ଞେନ୍ ସରିନ୍ ଡଣ୍ଡନ୍ ସଏଆ ।
4 A soldier refrains from entangling himself in civilian affairs, in order to please the one who enlisted him.
ଅବୟ୍ ସିପ୍ପାୟନ୍ ଆ ସୋଡ଼ା ସିପ୍ପାୟନ୍ଆଡଙ୍ ଅନବ୍ସର୍ଡାନ୍ ଆସନ୍, ଆନିନ୍ ସିପ୍ପାୟ୍ କାବ୍ବାଡ଼ାନ୍ ଆର୍ଲୁମ୍ତେନ୍ ଆଡିଡ୍ ଅନ୍ନିଙ୍ ଆ କାବ୍ବାଡ଼ା ଆରି ଅଃଲ୍ଲୁମେ ।
5 Likewise, a competitor does not receive the crown unless he competes according to the rules.
ଅବୟ୍ ଅଣ୍ଡିନ୍ନେମରନ୍ ଅଣ୍ଡିନ୍ନେଲୋଙନ୍ ମାୟ୍ଲନ୍ ଅନଗଡଞ୍ଜି ଅଡ଼୍କୋନ୍ ମାନ୍ନେଲେ ଅଃନ୍ନଣ୍ଡିଃଲନ୍ ଡେନ୍ ଆନିନ୍ ରନୁବ୍ବବନ୍ ଅଃଞାଙେ ।
6 The hardworking farmer should be the first to partake of the crops.
ରଡଙ୍ୟବ୍ ଆକ୍ରାବ୍ବାଡ଼ାତନ୍ ଆ ଅର୍ରମର୍ ଆମ୍ମୁଙ୍ ଅଜନ୍ ଞାଙ୍ତେ ।
7 Consider what I am saying, for the Lord will give you insight into all things.
ଞେନ୍ ଇନିଜି ବର୍ତନାୟ୍, ଆମନ୍ ମନଙ୍ ଇୟମା, ଏତ୍ତେଲ୍ଡେନ୍ କେନ୍ ଅଡ଼୍କୋନ୍ ଆ ବର୍ନେଜି ଗନନ୍ଲୁଡନ୍ ଆସନ୍ ପ୍ରବୁନ୍ ଆମନ୍ଆଡଙ୍ ବୋର୍ସାନ୍ ତିୟ୍ତମ୍ ।
8 Remember Jesus Christ, raised from the dead, descended from David, as proclaimed by my gospel,
ଞେନ୍ ମନଙ୍ବରନ୍ ଆରପ୍ପୁଙ୍ବର୍ତାଞନ୍ ଅନ୍ତମ୍ ଅଙ୍ଗା ଜିସୁ କ୍ରିସ୍ଟ ଆରବୁମରଞ୍ଜି ଆମଙ୍ଲୋଙ୍ ସିଲଡ୍ ୟର୍ମେଙ୍ଲେ ଡୋଲନ୍, ତି ଦାଉଦନ୍ ଆ କେଜ୍ଜାମର୍ ଆନିନ୍ଆଡଙ୍ ମନ୍ନେଆ ।
9 for which I suffer to the extent of being chained like a criminal. But the word of God cannot be chained!
କେନ୍ ଆ ମନଙ୍ବର୍ ଅନବ୍ଜନାନ୍ ଆସନ୍ ଞେନ୍ ଡୋସାମରନ୍ ଅନ୍ତମ୍ ସିଙ୍କୁଡ଼ିନ୍ ବାତ୍ତେ ଜିଲେ ଡଣ୍ଡନ୍ ଞାଙ୍ତାୟ୍ । ବନ୍ଡ ଇସ୍ୱରନ୍ ଆ ବର୍ନେ ଆନ୍ନିଙ୍ଜା ଜିଲେ ଅଃର୍ରପ୍ତିଏ ।
10 For this reason I endure all things for the sake of the elect, so that they too may obtain the salvation that is in Christ Jesus, with eternal glory. (aiōnios g166)
ଇସ୍ୱରନ୍ ଆସ୍ରେଡାଏଞ୍ଜି ଆ ମନ୍ରାଜି ନିୟ୍ କ୍ରିସ୍ଟ ଜିସୁନ୍ ଆମଙ୍ ସିଲଡ୍ ଅଃନ୍ନଞିଡେନ୍ ଆ ଗନୁଗୁ ପନେମେଙ୍ ଡ ଅନୁରନ୍ ଞାଙେତଜି ଗାମ୍ଲେ ଞେନ୍ ଅଡ଼୍କୋନ୍ ଡଣ୍ଡନ୍ ସଏଲେ ଡକୋତନାୟ୍ । (aiōnios g166)
11 This is a trustworthy saying: If we died with Him, we will also live with Him;
କେନ୍ ଆ ବର୍ନେଜି ଆଜାଡ଼ିଡମ୍; “ଇନ୍ଲେନ୍ ଆନିନ୍ ସରିନ୍ ରବୁଲଙ୍ଲନ୍, ଇନ୍ଲେଞ୍ଜି ଆନିନ୍ ସରିନ୍ ନିୟ୍ ଆମେଙ୍ ଡକୋତନ୍ବୋ ।
12 if we endure, we will also reign with Him; if we deny Him, He will also deny us;
ଆରି ଇନ୍ଲେନ୍ ଡଣ୍ଡନ୍ ସଏଲବୋ ଡେନ୍, ଏତ୍ତେଲ୍ଡେନ୍ ଇନ୍ଲେନ୍ ଆନିନ୍ ସରିନ୍ ସାସନତବୋ, ଇନ୍ଲେନ୍ ଆନିନ୍ଆଡଙ୍ ଅଃଜ୍ଜାଲବୋ ଡେନ୍, ଆନିନ୍ ଇନ୍ଲେନ୍ଆଡଙ୍ ଅଃଜ୍ଜାଜାଲଙ୍ନେ ।
13 if we are faithless, He remains faithful, for He cannot deny Himself.
ଇନ୍ଲେନ୍ ଆମଙନ୍ ଅଃଡ୍ଡର୍ରନ୍ବୋ ଜନଙ୍ଡେନ୍, ଆନିନ୍ ଡିତାନ୍ ଅରାସାନେଡମ୍, ଇନିଆସନ୍ଗାମେଣ୍ଡେନ୍ ଆନିନ୍ ଆନିନ୍ଡମ୍ ଅଃକ୍କଣ୍ଡାୟ୍ଡମ୍ନେ ।”
14 Remind the believers of these things, charging them before God to avoid quarreling over words, which succeeds only in leading the listeners to ruin.
ମଣ୍ଡଡ଼ିନମ୍ ଆ ମନ୍ରାଜିଆଡଙ୍ କେନ୍ ଅଡ଼୍କୋନ୍ ଆ ବର୍ନେ ଞନଙନ୍ ତିୟାଜି, ଆରି ସାସ୍ତ୍ରନ୍ ଆ ବର୍ନେଲୋଙ୍ ଆନିଞ୍ଜି ଗୋଡ଼େଡଙ୍ନେଜି ତଡ୍, କେନ୍ଆତେ ମନଙ୍ ତଡ୍, କେନ୍ଆତେଜି ବୟନ୍ ମନ୍ରାନ୍ ସେଏଡ୍ତେ, କେନ୍ ଆ ବର୍ନେଜି ଇସ୍ୱରନ୍ ଆତେମଡ୍ଲୋଙ୍ ଆନିଞ୍ଜିଆଡଙ୍ ବରାଜି ।
15 Make every effort to present yourself approved to God, an unashamed workman who accurately handles the word of truth.
ଆମନ୍ ଏର୍ଗନ୍ରଜନ୍ ରନପ୍ତିନମ୍ ଜାୟ୍ ରେୟ୍ଲଙ୍ ଇସ୍ୱରନ୍ ଆ ବର୍ନେ ଞନଙନ୍ ତିୟା, ଏତ୍ତେଲ୍ଡେନ୍ ଆମନ୍ ଇସ୍ୱରନ୍ ଆଗନିୟ୍ଗିୟ୍ଲୋଙ୍ ଅବୟ୍ ମନଙ୍ କାବ୍ବାଡ଼ାମର୍ ଡେତମ୍ ।
16 But avoid irreverent, empty chatter, which will only lead to more ungodliness,
ବନ୍ଡ ପରାନ୍ସାତ୍ତିନ୍ ଆ ବର୍ନେଜି ସିଲଡ୍ ସବ୍ଙାୟ୍ଲନ୍ ଡକୋନା, ଆନାଜି ଏତ୍ତେଗୋଲୋଙନ୍ ମଗାଡ୍ଲନ୍ ଡକୋତଞ୍ଜି, ଆନିଞ୍ଜି ଇସ୍ୱରନ୍ ଆମଙ୍ ସିଲଡ୍ ସଙାୟ୍ତଜି ।
17 and the talk of such men will spread like gangrene. Among them are Hymenaeus and Philetus,
ଆନାଜି ଏନ୍ନେଗନ୍ ଆ ବର୍ନେଜି କଡାଡ଼ିତଞ୍ଜି, ଆ ଞନଙଞ୍ଜି ଆସ୍ରଅତେନ୍ ଆମ୍ପସୁ ଅନ୍ତମ୍ ଗୁରୁଙ୍ଲେ ପାଙ୍ତେ; ଉମନାୟନ୍ ଡ ପିଲିତନ୍ ଏତ୍ତେଗନ୍ ଆ ମନ୍ରାଜି ଡକୋଜି ।
18 who have deviated from the truth. They say that the resurrection has already occurred, and they undermine the faith of some.
ଆନିଞ୍ଜି ଆଜାଡ଼ି ତଙରନ୍ ସିଲଡ୍ ଆନ୍ନା ତଙର୍ଗଡ୍ ଜିରେଞ୍ଜି, ୟନର୍ମେଙନ୍ ଡେଏନ୍ନି ଗାମ୍ଲେ ଆନିଞ୍ଜି ଞନଙନ୍ ତିୟ୍ଲେ ଡର୍ନେମରଞ୍ଜିଆଡଙ୍ ଅବ୍ସେଡ୍ତଜି ।
19 Nevertheless, God’s firm foundation stands, bearing this seal: “The Lord knows those who are His,” and, “Everyone who calls on the name of the Lord must turn away from iniquity.”
ବନ୍ଡ ଇସ୍ୱରନ୍ ଅଙ୍ଗା ଜିମ୍ମି ରବ୍ଡୋଲେ ତୁବେନ୍ ତିଆତେ ଆନ୍ନିଙ୍ ମୋମୋଲେ ଅଃର୍ରପ୍ତିଏ, ଆରି ତି ଆ ଜିମ୍ମିଲୋଙ୍ ଏନ୍ନେଲେ ଆଇଡିଡ୍, “ପ୍ରବୁନ୍ ଆ ମନ୍ରାଞ୍ଜିଆଡଙ୍ ଜନାତେ, ଆରି ଆନା ପ୍ରବୁନ୍ ଆଞୁମ୍ ଞମ୍ତେ ଆନିନ୍ ପରାନ୍ସାତ୍ତିନ୍ ଆ କାବ୍ବାଡ଼ାଲୋଙ୍ ସିଲଡ୍ ସବ୍ଙାଲନ୍ ଡକୋଏତୋ ।”
20 A large house contains not only vessels of gold and silver, but also of wood and clay. Some indeed are for honorable use, but others are for common use.
ଅବୟ୍ ଗମାଙ୍ମରନ୍ ଆସିଂଲୋଙ୍ ସତ୍ତର୍ ସୁନାନ୍ ଡ ରୁପାନ୍ ବାତ୍ତେ ଆତୁବ୍ତୁବନ୍ ଆ ସିମ୍ମାଜି ତୁମ୍ ଅଃଡ୍ଡକୋଏ, ବନ୍ଡ ଅରାନ୍ ଡ ଲବନ୍ ବାତ୍ତେ ଆତୁବ୍ତୁବନ୍ ଆ ସିମ୍ମାଜି ନିୟ୍ ଡକୋତେ, ଲାଙ୍ଲେଡ୍ ସିମ୍ମାନ୍ ପୁର୍ପୁରିଙନ୍ ଞଣ୍ଡ୍ରମ୍ନେନ୍ ଡେତେ, ଆରି ଲାଙ୍ଲେଡ୍ ଡିତାନ୍ ଞଣ୍ଡ୍ରମ୍ନେନ୍ ଡେତେ ।
21 So if anyone cleanses himself of what is unfit, he will be a vessel for honor: sanctified, useful to the Master, and prepared for every good work.
ତିଆସନ୍, ଆନା ତି ଅଡ଼୍କୋନ୍ ପରାନ୍ସାତ୍ତିନ୍ ଆ କାବ୍ବାଡ଼ା ସିଲଡ୍ ଆନିନ୍ଡମ୍ ସବ୍ଙାୟ୍ଲନ୍ ମବ୍ଡ଼ିର୍ଲନ୍ ଡକୋତନ୍, ଆନିନ୍ ପ୍ରବୁନ୍ ଆ କାବ୍ବାଡ଼ା ଆସନ୍ ଞନଣ୍ଡ୍ରମନ୍ ଡେତେ, ଇନିଆସନ୍ଗାମେଣ୍ଡେନ୍ ଆନିନ୍ ପ୍ରବୁନ୍ ଆମଙ୍ ତିୟ୍ଡମ୍ଲନ୍ ଆରି ପ୍ରବୁନ୍ ଆସନ୍ ଆନିନ୍ ସନାୟ୍ସାୟ୍, ଇନି ଜନଙ୍ ମନଙ୍ କାବ୍ବାଡ଼ାନ୍ ଆସନ୍ ଆନିନ୍ ଅବ୍ଜାଡାଲନ୍ ଡକୋତନ୍ ।
22 Flee from youthful passions and pursue righteousness, faith, love, and peace, together with those who call on the Lord out of a pure heart.
ବନ୍ଡ ବନେଣ୍ଡିଆ ଇଙନ୍ ଡଅଙ୍ଡାଗୋ ପରାନ୍ସାତ୍ତିନ୍ ଆ କାବ୍ବାଡ଼ାଜି ସିଲଡ୍ ଆମନ୍ ସବ୍ଙାଲନ୍ ଡକୋନା, ଆନାଜି ମଡ଼ିର୍ ଉଗରନ୍ ବାତ୍ତେ ପ୍ରବୁନ୍ ଆମଙ୍ ପାର୍ତନାତଞ୍ଜି, ଆନିଞ୍ଜି ବୟନ୍ ଡରମ୍ମଗଡନ୍, ଡର୍ନେନ୍, ଡନୁଙ୍ୟମନ୍ ଡ ସନୟୁନ୍ ବାତ୍ତେ ଡକୋନାବା ।
23 But reject foolish and ignorant speculation, for you know that it breeds quarreling.
ଆରି ଞେନ୍ ବର୍ତମ୍ କାଜ୍ଜାନ୍ ଆ ବର୍ନେଜି ଡ ବୁଡ୍ଡିତଡନ୍ ଅଲ୍ବାଡ୍ଡବରଞ୍ଜି ସିଲଡ୍ ସବ୍ଙାୟ୍ଲନ୍ ଡକୋନା, କେନ୍ ଆ ବର୍ନେଲୋଙ୍ ଗୋଡ଼େନ୍ ଡ ଅଲ୍ସଙ୍ଗତ୍ତାନ୍ ଡୁଙ୍ତନାୟ୍ ଗାମ୍ଲେ ଆମନ୍ ଜନା ।
24 And a servant of the Lord must not be quarrelsome, but must be kind to everyone, able to teach, and forbearing.
ଆରି ଇସ୍ୱରନ୍ ଆ କାବ୍ବାଡ଼ାମର୍ ଗୋଡ଼େନ୍ ଅମ୍ଡୁଙ୍ଡଙାୟ୍ ତଡ୍, ଆନିନ୍ ଅବୟ୍ ମନଙ୍ ଞନଙ୍ତିୟ୍ମର୍ ଡେଏତୋ, ଆନିନ୍ ଅଡ଼୍କୋନ୍ ଆ ମନ୍ରାଜି ସରିନ୍ ମାୟ୍ଲନ୍ ଡକୋନେତୋ, ଆରି ଅଡ଼୍କୋନ୍ ଆ ବର୍ନେଜି ସଏଲେ ଡକୋନେତୋ;
25 He must gently reprove those who oppose him, in the hope that God may grant them repentance leading to a knowledge of the truth.
ଏତ୍ତେଲ୍ଡେନ୍ ଆନିନ୍ଆଡଙ୍ ଆସ୍ରଙ୍ଗତ୍ତାତେଞ୍ଜି ଆ ମନ୍ରାଜି ଆଜାଡ଼ିବରନ୍ ଜନାଡାଲେ ଆବ୍ୟର୍ବୁଡ୍ଡିନେନ୍ ଆସନ୍ ଅସମୟ୍ ଇସ୍ୱରନ୍ ଆନିଞ୍ଜିଆଡଙ୍ ରୟଙନ୍ ତିୟ୍ତଜି ।
26 Then they will come to their senses and escape the snare of the devil, who has taken them captive to his will.
ଆରି, ସନୁମ୍ ଆ ଇସ୍ସୁମନ୍ ବାତ୍ତେ ଆନିଞ୍ଜିଆଡଙ୍ ଞଣ୍ଡ୍ରମ୍ନେନ୍ ଆସନ୍ ଆନିଞ୍ଜିଆଡଙ୍ ଜିଲେ ଡକ୍କୋଏଞ୍ଜି, ଆନିଞ୍ଜି ଆବ୍ୟର୍ବୁଡ୍ଡିଲନ୍ ତି ଆ ଜନିବାଡ୍ ସିଲଡ୍ ଅଡ଼ୁର୍ତଜି ।
