Romans 5
1 Being therefore justified by faith, we have peace with God through our Lord Jesus Christ;
Dadꞌi, huu tamahere neu Lamatualain, naa de Ana cap nggita atahori rala ndoos. De rala tara dadꞌi meumareꞌ fee neu Lamatuaꞌ, huu hita Lamatuan Yesus Kristus, fo Lamatuaꞌ haituaꞌ nemaꞌ a, soi dalaꞌ fo ata badꞌame taꞌo naa.
2 through whom we also have our access by faith into this grace in which we stand. We rejoice in hope of the glory of God.
Kristus natudꞌu rala malolen neu nggita onaꞌ naa, huu tamahere neu E ena. Naa de rala tara dadꞌi manggatee. Ma tamahoꞌo, huu ata tahine tae, dei fo Lamatuaꞌ nau soꞌu nggita fo medꞌa tita Eni manaselin.
3 Not only this, but we also rejoice in our sufferings, knowing that suffering produces perseverance;
Mae hita hambu sususaꞌ mataꞌ-mataꞌ, te tamahoꞌo takandooꞌ a. Ata bubꞌuluꞌ tae, tanori mia sususaꞌ, fo bisa taꞌatataaꞌ no maꞌadereꞌ lenaꞌ fai.
4 and perseverance, proven character; and proven character, hope;
Mete ma taꞌatataaꞌ sia sususaꞌ rala, naa tao nggita nda taꞌaloli sa, ma masodꞌa tara tao namahoꞌo Lamatuaꞌ ralan. Mete ma hita tasodꞌa tahereꞌ taꞌo naa, naa tao nemehere tara bau mahereꞌ, ma, Lamatuaꞌ nae natudꞌu rala malolen neu nggita.
5 and hope does not disappoint us, because God’s love has been poured into our hearts through the Holy Spirit who was given to us.
Mete ma nemehere tara bau mahereꞌ taꞌo naa, hita nda mae sa. Huu Lamatuaꞌ fee nggita Dula-dale meumaren, fo tahine sia rala tara tae, Ana sue nala nggita naen seli.
6 For while we were yet weak, at the right time Christ died for the ungodly.
Ana natudꞌu susuen taꞌo ia: leleꞌ hita nda mampo tao ao tara maloleꞌ to Lamatuaꞌ sa, tao-tao te Ana haitua Kristus fo mate nggati hita mana tasodꞌa nda taoafiꞌ neu Lamatuaꞌ sa. Lamatuaꞌ pili fain nandaa taꞌo naa.
7 For one will hardly die for a righteous man. Yet perhaps for a good person someone would even dare to die.
Dꞌuꞌa malolole dei! Matasalaꞌ dei fo hambu atahori nau mate nggati nonoon rala ndoos. Neꞌo hambu atahori ruma rae mate fo tulun atahori rala maloleꞌ.
8 But God commends his own love toward us, in that while we were yet sinners, Christ died for us.
Te Lamatualain natudꞌu rala susuen nae-nae neu nggita ena. Huu, leleꞌ hita feꞌe tao salaꞌ, te Kristus mate nggati hita ena.
9 Much more then, being now justified by his blood, we will be saved from God’s wrath through him.
Lamatualain cap nggita atahori rala ndoos mana maloleꞌ to E, huu Kristus fee raan nandali fo mate soaꞌ neu nggita. Tao-tao te, mete ma atahori tao salaꞌ, Lamatuaꞌ namanasa. Te huu Kristus tataon, de hita mana tao salaꞌ ra nda nenehukun sa.
10 For if while we were enemies, we were reconciled to God through the death of his Son, much more, being reconciled, we will be saved by his life.
Feꞌesaꞌan, hita feꞌe musu to Lamatuaꞌ. Te, Lamatuaꞌ Anan mate fo tao maꞌasufu Lamatuaꞌ ralan, fo no taꞌo naa hita badꞌame baliꞌ to Lamatuaꞌ. Dadꞌi ia naa, hita nda bamusuꞌ sa ena, te maloleꞌ baliꞌ ena. Lelenan fai, huu Kristus nasodꞌa baliꞌ ena, de dei fo sia fai mateteꞌen Ana fee masoi-masodꞌaꞌ neu nggita fo afiꞌ hambu Lamatualain huku-dokin fai.
11 Not only so, but we also rejoice in God through our Lord Jesus Christ, through whom we have now received the reconciliation.
Nda taꞌoꞌ a naa sa! Ata tamahoꞌo tae, “Lamatuaꞌ naa, manaseliꞌ tebꞌeꞌ!” huu hita nenepaꞌaꞌ to E. Hita dadꞌi Eni atahorin, huu hita Lamatuan Yesus Kristus, mate nggati hita ena, fo tao nggita dame to Lamatuaꞌ.
12 Therefore, as sin entered into the world through one man, and death through sin, so death passed to all men because all sinned.
Dadꞌi mia lele uluꞌ a, atahori fefeun, naeni baꞌi Adam, mana tao salaꞌ naꞌahuluꞌ. Naeni de Lamatualain nda fee ne nasodꞌa nakandoo sa. De eniꞌ a mia leleꞌ naa, basa atahori sia raefafoꞌ ia tungga tao salaꞌ onaꞌ baꞌi Adam boe. Ma huu sira tao salaꞌ onaꞌ baꞌi Adam, de basa se musi mate onaꞌ baꞌi Adam boe.
13 For until the law, sin was in the world; but sin is not charged when there is no law.
Maꞌahulun, leleꞌ Lamatualain nda feꞌe naꞌondaꞌ Hohoro-lalane nara sa, atahori sia ndule raefafoꞌ ia tao salaꞌ. Te huu nda feꞌe hambu Hohoro-lalaneꞌ raa sa, de atahori sala-kilu nara nda neneito-reken sa.
14 Nevertheless death reigned from Adam until Moses, even over those whose sins were not like Adam’s disobedience, who is a foreshadowing of him who was to come.
Mia baꞌi Adam losa baꞌi Musa simbo Lamatuaꞌ Hohoro-lalanen, basa atahori dei fo mate. Mae ara nda ralena-langga neu Lamatua parendan fo Ana fee neu baꞌi Adam a sa, te ara feꞌe tao sala-kiluꞌ mataꞌ-mataꞌ. Naa de ara musi mate onaꞌ Adam. Naa! Mete ma taꞌasasamaꞌ baꞌi Adam no Lamatuaꞌ Yesus, hambu mana naeꞌ a ona esaꞌ, ma hambu manafeaꞌ boe. Huu Adam onaꞌ nggambar esa mana natudꞌu Yesus mata aon, mana sangga sou nema.
15 But the free gift is not like the trespass. For if by the trespass of the one the many died, much more did the grace of God and the gift by the grace of the one man, Jesus Christ, abound to the many.
Te Adam ue-tao salan esa, nda onaꞌ Yesus ue-tao malolen esa soaꞌ neu nggita sa. Te atahori esa, naeni Adam, nalena-langga Lamatuaꞌ parendan. Naa de basa atahori musi mate. Te atahori esa fai, naeni Yesus Kristus, tao malole manaseliꞌ esa, ma nda nahani atahori bala-bꞌae malolen sa. Atahori sa tataon esa, dai ena soaꞌ neu basa atahori, huu Lamatuaꞌ rala malolen, de Ana hiiꞌ a tao maloleꞌ fee nggita.
16 The gift is not as through one who sinned; for the judgment came by one to condemnation, but the free gift followed many trespasses to justification.
Lamatualain fee neu nggitaꞌ naa, manafeaꞌ no salaꞌ fo atahori ka esaꞌ naa, Adam, taoꞌ a. Leleꞌ ana tao salaꞌ, Lamatualain naꞌetuꞌ nae, “Ho sala. Dadꞌi musi hambu huku-dꞌokiꞌ!” Te mae atahori tao salaꞌ naen seli o, Lamatualain, mana paresaꞌ basa atahori masodꞌan, feꞌe nau natudꞌu rala malolen, ma naꞌetuꞌ nae, “Au cap nggo nda sala sa. Dadꞌi ia naa ho nenemboꞌit ma nda hambu huku-dꞌokiꞌ sa ena. Uma fo maloleꞌ baliꞌ mo Au!”
17 For if by the trespass of the one, death reigned through the one; so much more will those who receive the abundance of grace and of the gift of righteousness reign in life through the one, Jesus Christ.
Dadꞌi atahori esa, Adam, tao salaꞌ, ma nalena-langga Lamatuaꞌ parendan. Naa de, ia naa, basa e musi mate. Te, Atahori esa fai, naeni Yesus Kristus, Ana tao maloleꞌ. Huu tatao malolen naa, naa de hita malolole to Lamatuaꞌ. Naa onaꞌ saa esa fo Ana fee hieꞌ nema nggita. Ana nau fee nggita tasodꞌa ndoo-tetuꞌ, onaꞌ hita Maneꞌ nonoo nara.
18 So then as through one trespass, all men were condemned; even so through one act of righteousness, all men were justified to life.
Dadꞌi atahori sa salan esa, soi dalaꞌ fo basa atahori musi neneoiꞌ mia Lamatuaꞌ matan. Ma Atahori sa tatao ndoo-tetun esa, soi dalaꞌ fo basa atahori maloleꞌ baliꞌ ro Lamatuaꞌ, fo rasodꞌa ndoo-tetuꞌ ro E.
19 For as through the one man’s disobedience many were made sinners, even so through the obedience of the one, many will be made righteous.
Au masud ngga taꞌo ia: Adam naa, atahori sa nda mana nau rena Lamatuaꞌ sa, ma nalena-langga parendan. De atahori hetar o tungga tao salaꞌ, onaꞌ e boe. Ma, Yesus naa, Atahori sa mana rena neu Lamatuaꞌ, ma tao tungga hihii-nanaun. Eni mana soi dalaꞌ fo atahori hetar maloleꞌ baliꞌ ro Lamatuaꞌ.
20 The law came in that the trespass might abound; but where sin abounded, grace abounded more exceedingly,
Lamatualain naꞌondaꞌ Hohoro-lalanen neu baꞌi Musa, fo basa atahori rahine tebꞌe, bee sala. Ma sia bee-bꞌee atahori sala nara boe fua-fuaꞌ, sia naa Lamatuaꞌ natudꞌu Rala malolen naeꞌ neu se.
21 that as sin reigned in death, even so grace might reign through righteousness to consummate (aiōnios g166) life through Jesus Christ our Lord.
Feꞌesaꞌan, deꞌulakaꞌ mana sia atahori ra ralan naꞌena koasa fo nalalao se, losa ara tao salaꞌ mana nendi huku-dꞌoki mamates. Te ia naa, dꞌala maloleꞌ fo hita Lamatuan Yesus Kristus taoꞌ naa, Lamatualain pake fo natudꞌu rala malolen neu nggita. Ma dꞌala maloleꞌ naa naꞌena koasa fo nalalao nggita, ma ata bisa maloleꞌ to Lamatuaꞌ, ma tasodꞌa ndoo-tetuꞌ to E takandooꞌ a. (aiōnios g166)
