2 Corinthians 8
1 Moreover, brothers, we make known to you the grace of God which has been given in the assemblies of Macedonia,
୧ହେ ହାଗା ମିଶିକ, ମାକିଦନିଆରେୟାଃ କାଲିସିୟାକରେ ଚିଲ୍କା ପାର୍ମେଶ୍ୱାର୍ଆଃ ସାୟାଦ୍ ନାମାକାଦାକ, ଏନା ଆପେକେ ଉଦୁବ୍ ନାଗେନ୍ତେ ସାନାଙ୍ଗ୍ତାନାଲେ ।
2 how in a severe ordeal of affliction, the abundance of their joy and their deep poverty abounded to the riches of their generosity.
୨ଇନ୍କୁ ପୁରାଃ ଦୁକୁତେ ପୁରାଃଗିକ ବିଡ଼ାଅୟାନା । ଇନ୍କୁ ପୁରାଃଗି ନାରାଦୁରାକ ତାଇକେନ୍ରେୟ, ଆକଆଃ ଏମଃରେ, ଚିମିୟାଙ୍ଗ୍ ଏମ୍ରେୟାଃ କାଜି ଏନାଏତେ ଆଦ୍କା ସୁକୁମନ୍ତେକ ଏମ୍କେଦା ।
3 For according to their power, I testify, yes and beyond their power, they gave of their own accord,
୩ଆଇଙ୍ଗ୍ ସାର୍ତିଗି ଗାୱା ଏମ୍ତାନାଇଙ୍ଗ୍, ଇନ୍କୁ ଆକଆଃ ଇଛାସାନାଙ୍ଗ୍ ଲେକାତେ ଚିମିନାଙ୍ଗ୍ ଏମ୍ ଦାଡ଼ିରେୟାଃ ପେଡ଼େଃ ମେନାଃ ଇମ୍ନାଙ୍ଗ୍ ଏମ୍କେଦାକ ଆଡଃ ଏନାଏତେ ଆଦ୍କାହଁ ଏମ୍କେଦାକ ।
4 begging us with much entreaty to receive this grace and the fellowship in the service to the saints.
୪ଯିହୁଦାରେ ତାଇନ୍ତାନ୍ ପାର୍ମେଶ୍ୱାର୍ଆଃ ହଡ଼କକେ ଦେଙ୍ଗାକ ନାଗେନ୍ତେ ଇନ୍କୁକେ ସୁଯୋଗ୍ ନାମଃକା ମେନ୍ତେ ଇନ୍କୁ ଆଲେକେ ବିନ୍ତିକାଦ୍ଲେ ତାଇକେନାକ ।
5 This was not as we had expected, but first they gave their own selves to the Lord, and to us through the will of God.
୫ଇନ୍କୁତାଃଏତେ ଆଲେ ଇମ୍ନାଙ୍ଗ୍ କାଲେ ଆସ୍ରାକାଦ୍ ତାଇକେନା । ସିଦାତେ ଇନ୍କୁ ଆପାନ୍ ଆପାନ୍କେ ପ୍ରାଭୁତାଃରେକ ଜିମାକାନ୍ ତାଇକେନା ଆଡଃ ତାୟମ୍ତେ ପାର୍ମେଶ୍ୱାର୍ଆଃ ଇଛା ଲେକାତେ ଆପାନ୍ ଆପାନ୍କେ ଆଲେୟାଃ ନାଗେନ୍ତେକ ଜିମାୟାନା ।
6 So we urged Titus, that as he had made a beginning before, so he would also complete in you this grace.
୬ତିତସାଃ ଦେଙ୍ଗାତେ ନେ ସାୟାଦ୍ରାଃ କାମି ଏଟେଦ୍କାନ୍ ତାଇକେନା । ନେ କାମି କାମିଇଦିୟଃକା ଆଡଃ ନେ ଦୁଲାଡ଼୍ରେୟାଃ ସେୱାକାମିରେ ତିତସ୍ ଆପେକେ ଦେଙ୍ଗାପେକା ମେନ୍ତେ ଆଲେ ତିତସ୍କେ ବିନ୍ତିକାଇ ତାଇକେନାଲେ ।
7 But as you abound in everything—in faith, utterance, knowledge, all earnestness, and in your love to us—see that you also abound in this grace.
୭ମେନ୍ଦ ଆପେ ସବେନ୍ ବିଷାଏରେ କିସାଁଣ୍କାନାପେ, ବିଶ୍ୱାସ୍ରେ, ଜାଗାର୍ରେ ପକ୍ତା, ସେଣାଁଁନ୍ରେ, ଦେଙ୍ଗାରେ ଚିହୁଲାକାନାପେ, ଆଡଃ ଆଲେ ନାଗେନ୍ତେ ଆପେୟାଃ ଦୁଲାଡ଼୍ ପୁରାଃତେ ଉଦୁବ୍କାଦାପେ । ଏନ୍ତେ ନେ ସାୟାଦ୍ରେୟାଃ ସେୱାକାମିରେୟ ଦାନ୍ ଏମ୍କେଦ୍ତେ ଦୁଲାଡ଼୍ରେୟାଃ ପାରିଚାଏ ଏମେପେ, ଏନା ଆଇଁୟାଃ ସାନାଙ୍ଗ୍ତାନାଃ ।
8 I speak not by way of commandment, but as proving through the earnestness of others the sincerity also of your love.
୮ଆଇଙ୍ଗ୍ ଆପେକେ ହୁକୁମ୍ ଏମ୍ତାନ୍ ଲେକା କାଇଙ୍ଗ୍ କାଜିତାନା, ମେନ୍ଦ ସେୱାକାମିରେ ଏଟାଃକଆଃ ଇଛାସାନାଙ୍ଗ୍ରେୟାଃ ନାମୁନା ଏମ୍କେଦ୍ତେ ଆପେୟାଃ ଦୁଲାଡ଼୍ରେୟାଃ ସାର୍ତିତେୟାଃ ଆଟ୍କାର୍ଉରୁମ୍ ନାଗେନ୍ତେଇଙ୍ଗ୍ ସାନାଙ୍ଗ୍ତାନା ।
9 For you know the grace of our Lord Jesus Christ, that though he was rich, yet for your sakes he became poor, that you through his poverty might become rich.
୯ଆପେ ଆବୁଆଃ ପ୍ରାଭୁ ୟୀଶୁ ଖ୍ରୀଷ୍ଟ୍ଆଃ ସାୟାଦ୍କେପେ ସାରିତାନା । ଆପେକେ କିସାଁଣ୍ ବାଇପେ ନାଗେନ୍ତେ, ଇନିଃ କିସାଁଣ୍ ତାଇକେନ୍ରେୟ, ଆପେୟାଃ ନାଗେନ୍ତେ ଆଇଃକ୍ଗି ନାରାଦୁରାୟାନା ।
10 I give advice in this: it is expedient for you who were the first to start a year ago, not only to do, but also to be willing.
୧୦ନେ ବିଷାଏରେ ଆଇଁୟାଃ ବିଚାର୍ ହବାଅଃତାନା, ସେନଃୟାନ୍ ସିର୍ମା ଆପେ ଅକ୍ନାଃ ଏଟେଦ୍କାଦ୍ ତାଇକେନାପେ, ଏନା ନାହାଁଃ ଟୁଣ୍ଡୁ ରିକା ନାଗେନ୍ତେ ଆପେକେ ଲାଗାତିଙ୍ଗ୍ୟାଁଃ । କାମି ରିକାରେ ଏସ୍କାର୍ କାହାଗି, ମେନ୍ଦ ଏନ୍ କାମି ରିକା ନାଗେନ୍ତେ ସାନାଙ୍ଗ୍ତେୟାଃରେ ଆପେ ହବାଅଃତାନାପେ ପାହିଲା ।
11 But now complete the doing also, that as there was the readiness to be willing, so there may be the completion also out of your ability.
୧୧ଏନାତେ କାମି ରିକାଇଦିକାତେପେ ଆଡଃ ଆପେୟାଃ ନେଡାଲେକା ଏନ୍ କାମିକେ ଚାବାଏପେ । ଉହାଟ୍ତାନ୍ ତାଇକେନ୍ ଇମ୍ତା ଆପେୟାଃ ଅକନ୍ ଇଛାସାନାଙ୍ଗ୍ ତାଇକେନା, ଏନ୍ ଲେକାଗି କାମି ଚାବାଏ ଜାକେଦ୍ କାମିକାତେପେ ।
12 For if the readiness is there, it is acceptable according to what you have, not according to what you do not have.
୧୨ଏମ୍ ନାଗେନ୍ତେ ଇଛାସାନାଙ୍ଗ୍ ମେନାଃରେଦ, ଆପେ ଅକ୍ନାଃ ଏମ୍ ନାଗେନ୍ତେ ଦାଡ଼ିୟାପେ, ଏନାକେ ପାର୍ମେଶ୍ୱାର୍ ତେଲାଏୟାଏ । ଆପେତାଃରେ ମେନାତେୟାଃଏତେ ଆଦ୍କା ଏମେପେ ମେନ୍ତେ ପାର୍ମେଶ୍ୱାର୍ କାଏ ସାନାଙ୍ଗ୍ଆଃ ।
13 For this is not that others may be eased and you distressed,
୧୩ଆପେୟାଃ ଚେତାନ୍ରେ ବାହାରମ୍ ଲାଦିକେଦ୍ତେ, ଏଟାଃକ ସୁକୁ ନାମେକାକ ମେନ୍ତେ ଆଇଙ୍ଗ୍ କାଇଙ୍ଗ୍ ସାନାଙ୍ଗ୍ତାନା ।
14 but for equality. Your abundance at this present time supplies their lack, that their abundance also may become a supply for your lack, that there may be equality.
୧୪ମେନ୍ଦ ନାହାଁଃ ଆପେୟାଃ ପୁରାଃଗି ମେନାଃ ହରାତେ, ଜାଞ୍ଜିଆକାନ୍ ହଡ଼କକେ ଆପେକେ ଦେଙ୍ଗା ଲାଗାତିଙ୍ଗ୍ୟାଁଃ । ନେଡା ସେଟେରା, ଆପେ ଜାଞ୍ଜିଆକାନ୍ ତାଇନଃ ଇମ୍ତା, ଇନ୍କୁତାଃରେ ପୁରାଃଗି ତାଇନଃରେ ଆପେୟାଃ ଲାଗାତିଙ୍ଗ୍ତେୟାଃ ପୁରାଏ ନାଗେନ୍ତେକ ଦେଙ୍ଗାପେୟା । ନେ ଲେକାତେ ଆପେ, ଆପେୟାଃ ଥାଲାରେ ମିଦ୍ଜକାଗି ଦେଙ୍ଗା ହବାଅଃଆ ।
15 As it is written, “He who gathered much had nothing left over, and he who gathered little had no lack.”
୧୫ଧାରାମ୍ପୁଥିରେ ଅଲାକାନା, “ଜେତାଏ ପୁରାଃଗି ହୁଣ୍ଡିକେଦା, ଇନିୟାଃ କା ବାଚାଅୟାନା, ଆଡଃ ଜେତାଏ କାଟିଃଗି ହୁଣ୍ଡିକେଦା, ଇନିୟାଃ କା ଜାଞ୍ଜିୟାନା ।”
16 But thanks be to God, who puts the same earnest care for you into the heart of Titus.
୧୬ପାର୍ମେଶ୍ୱାର୍ଆଃ ଧାନ୍ୟାବାଦ୍ ହବାଅଃକା, ଚିୟାଃଚି ଆବୁଆଃ ଲେକା ତିତସ୍ଆଃ ମନ୍ସୁରୁଦ୍ରେ ହଗି ଆପେକେ ଦେଙ୍ଗା ନାଗେନ୍ତେ ଇଛାସାନାଙ୍ଗ୍ ହବାକାନା ।
17 For he indeed accepted our exhortation, but being himself very earnest, he went out to you of his own accord.
୧୭ଇନିଃ ଆଲେୟାଃ ବିନ୍ତିକେ ଏସ୍କାର୍ ଦାରମ୍କେଦାଏ ମେନ୍ତେଦ କାହାଗି, ମେନ୍ଦ ଆପେକେ ଦେଙ୍ଗାପେ ନାଗେନ୍ତେ ନିମିନାଙ୍ଗ୍ ଇଛାସାନାଙ୍ଗ୍ କେଦାଏ ଯେ, ଇନିଃ ଆଇଃକ୍ଗି ଆପେତାଃତେ ସେନ୍ ନାଗେନ୍ତେ ମନେକେଦାଏ ।
18 We have sent together with him the brother whose praise in the Good News is known throughout all the assemblies.
୧୮ଆଲେ ଆୟାଃଲଃ ଆଡଃମିଆଁଦ୍ ହାଗାକେଲେ କୁଲିତାନା । ଇନିଃ ସୁକୁକାଜି ଉଦୁବ୍ରେ ସବେନ୍ କାଲିସିୟାରେ ପୁରାଃଗି ମାଇନ୍ ନାମାକାଦାଏ ।
19 Not only so, but he was also appointed by the assemblies to travel with us in this grace, which is served by us to the glory of the Lord himself, and to show our readiness.
୧୯ଏନା ଏସ୍କାର୍ କାହାଗି, ଇନିଃ ହଗି ଆବୁଆଃ ସୁନୁସାର୍ ହରାତେ ହବାକାନ୍ ନେ ପ୍ରାଭୁଆଃ ମାନାରାଙ୍ଗ୍ ଆଡଃ ଆଲେୟାଃ ଜହାର୍ ଉଦୁବ୍ ନାଗେନ୍ତେ ଅକନ୍ ସାୟାଦ୍ରେୟାଃ କାମି ଆଲେ ନାମାକାଦାଲେ, ଏନାରେ ଆଲେଲଃ ହରାସେନ୍ ନାଗେନ୍ତେ କାଲିସିୟା ଇନିଃକେ ସାଲାକାଇଜା ।
20 We are avoiding this, that any man should blame us concerning this abundance which is administered by us.
୨୦ଲେବେଃ ମନ୍ତେ ଏମାକାନ୍ ନେ ସୁନୁସାର୍ରେୟାଃ ବାର୍ଦାନ୍କେ ଆଲେ ପୁରାଃ ଚିର୍ଗାଲ୍ତେ ବାଉରାଅ ତାନାଲେ, ଜେ'ଲେକାଚି ଜେତାଏ ଆଲେକେ କାକ ଚିଟା ଦାଡ଼ିୟା ।
21 Having regard for honorable things, not only in the sight of the Lord, but also in the sight of men.
୨୧ଚିୟାଃଚି ଆଲେ ପ୍ରାଭୁଆଃ ସାମ୍ନାଙ୍ଗ୍ରେ ଏସ୍କାର୍ କାହାଗି ମେନ୍ଦ ହଡ଼କଆଃ ସାମ୍ନାଙ୍ଗ୍ରେହ ବୁଗିନାଃଲେ ଉଡ଼ୁଃତାନା ।
22 We have sent with them our brother whom we have many times proved earnest in many things, but now much more earnest, by reason of the great confidence which he has in you.
୨୨ଏନାତେ ଆଲେ ଇନ୍କୁଲଃ ଆଲେୟାଃ ହାଗାକେଲେ କୁଲିତାନା । ଆଲେ ଇନିଃକେ ପୁରାଃଗି ବିଡ଼ାଅକେଦ୍ତେ ଇନିଃକେ ପାତିୟାର୍ରଃ ଲେକାଲେ ନାମ୍କିୟା । ଆପେୟାଃ ଚେତାନ୍ରେ ଆୟାଃ ପୁରାଃ ଆସ୍ରା ତାଇନ୍ ହରାତେ, ଇନିଃ ଆପେକେ ଦେଙ୍ଗାପେ ନାଗେନ୍ତେ ପୁରାଃଗି ମନେକାଦା ।
23 As for Titus, he is my partner and fellow worker for you. As for our brothers, they are the apostles of the assemblies, the glory of Christ.
୨୩ତିତସ୍ଆଃ ପାରିଚାଏ ନେଆଁଁତାନାଃ, ଇନିଃ ଆଇଁୟାଃ ଗାତିରେ କାମିତାନ୍ନିଃ ତାନିଃ ଆଡଃ ଆପେକେ ଦେଙ୍ଗାରେ ଆଇଁୟାଃଲଃ ମେସାକାନ୍ନିଃ ତାନିଃ । ଆଡଃ ଆଇଁୟାଃଲଃ ସେନ୍ତାନ୍ ଏଟାଃ ବିଶ୍ୱାସୀ ହାଗାକ ହବାଅଃତାନାକ: କାଲିସିୟା ହରାତେ କୁଲାକାନ୍କ ଆଡଃ ଖ୍ରୀଷ୍ଟ୍ଆଃ ମାନାରାଙ୍ଗ୍ ଆଉୱେ ଲେକାନ୍କ ତାନ୍କ ।
24 Therefore show the proof of your love to them before the assemblies, and of our boasting on your behalf.
୨୪ଏନାମେନ୍ତେ, ଇନ୍କୁକେ ଆପେୟାଃ ଦୁଲାଡ଼୍ ଉଦୁବ୍କପେ । ଏନାରେ ସବେନ୍ କାଲିସିୟାକ ନେ ବିଷାଏରେ ଠାଉକା ହବାଅଃଆ ଆଡଃ ଆପେ ନାଗେନ୍ତେ ଆଲେ ଆପାନ୍କେ ମାରାଙ୍ଗ୍ ମେନ୍ତେ କାଜିନ୍ତାନ୍ତେୟାଃ ସାର୍ତି ମେନ୍ତେକ ଆଟ୍କାର୍ ଦାଡ଼ିୟା ।
