Psalms 64

1 Hear my voice, O God, in my complaint. Preserve my life from fear of the enemy.

O Elohim Pathen, ka kiphinna hi neingaipeh tei in. Ka melmaten eigihnauva kon hin neihuh doh in.

2 Hide me from the secret counsel of evildoers, from the tumult of the workers of iniquity,

Hiche engset lungput a tohgon nei mipiho a kon'in neiselmang in, hiche thilse bol hon hoa kon in.

3 who have whet their tongue like a sword, and have aimed their arrows, even bitter words,

Amahon chemjam kinolhem bang'in alei'u anolhem'un thalchang kikap doh bang'in thucheng ngaimo tah tah in mi adoi leleu ve.

4 that they may shoot in secret places at a blameless man. Suddenly do they shoot at him, and fear not.

Themmona neilou miho chu akiselnauva kon in ahin kap un kichatna neilouvin gangtah in anokhum jiuvin ahi.

5 They encourage themselves in an evil purpose. They converse of laying snares secretly. They say, Who will see them?

Thilse bol ding in amaho le amaho akitilkhou un chujongle aguh a iti thang kam ding ham, tichu agong'un ahi. “Hiche hi kon amudoh ding ham?” atiuve.

6 They search out iniquities, saying, We have accomplished a diligent search. And the inward part of man and the heart are deep.

Athilse gonpat'u chun hitin aseijun, “Hiche hi thilgon hoipen ahitai!” atiuve. Henge mihem lunggel le lungthim vang hi aphalou mong ahi.

7 But God will shoot at them. With an arrow they shall suddenly be wounded.

Ahinla Elohim Pathen amatah'in athalchang ahin kap ding gangtah a akaplhuh diu ahi.

8 So they shall be made to stumble, their own tongue being against them. All who see them shall wag the head.

Amaho tah kampao in ahin thagam diu ahi, koi hileh amaho muchan chun alunghan khum uva alu ahihdiu ahi.

9 And all men shall fear. And they shall declare the work of God, and shall wisely consider of his doing.

Chujouteng mijouse kicha diu, Elohim Pathen thil boltheina kidangtah chu aphondoh diu, chuleh athilbol datmo umtahho chu ahin hetchen diu ahi.

10 A righteous man shall be glad in Jehovah, and shall take refuge in him. And all the upright in heart shall glory.

Mi chonphaho Yahweh Pakai a kipah thanom diu chuleh Ama chu kiselna ahin neidiu ahi. Koi hileh thilpha bolho jousen Elohim Pathen ahin vahchoidiu ahi.