Psalms 41
1 Blessed is he who considers a poor man. Jehovah will deliver him in the day of evil.
Dura buʼaa faarfattootaatiif. Faarfannaa Daawit. Namni hiyyeessaaf yaadu eebbifamaa dha; guyyaa rakkinaatti Waaqayyo isa ni oolcha.
2 Jehovah will preserve him, and keep him alive, and he shall be blessed upon the earth. And thou do not deliver him to the will of his enemies.
Waaqayyo isa ni eega; bara jireenya isaas ni dheeressa; lafa irratti isa eebbisa; hawwii diinota isaattis dabarsee isa hin kennu.
3 Jehovah will support him upon the bed of languishing. Thou will make all his bed in his sickness.
Waaqayyo siree inni dhukkubsatee irra ciisu irratti isa kunuunsa; fayyisees siree dhukkubaa irraa isa ni kaasa.
4 I said, O Jehovah, have mercy upon me. Heal my soul, for I have sinned against thee.
Anis, “Yaa Waaqayyo na maari; ani cubbuu sitti hojjedheeraatii na fayyisi” nan jedhe.
5 My enemies speak evil against me, saying, When will he die, and his name perish?
Diinonni koo hamminaan, “Inni yoom duʼee maqaan isaa lafa irraa bada?” jedhanii waaʼee koo dubbatu.
6 And if he comes to see me, he speaks falsehood. His heart gathers iniquity to itself. When he goes abroad, he tells it.
Namni tokko yeroo na gaafachuu dhufutti, utuma garaa isaatti hammina kuufatee qabuu, sobee dubbata; gad baʼees iddoo hundumatti odeessa.
7 All who hate me whisper together against me. Against me they devise my hurt.
Warri na jibban hundinuu waaʼee koo walitti hasaasu; waan akka malee hamaa taʼes natti mariʼatu.
8 An evil disease, they say, clings firm to him. And now that he lies he shall rise up no more.
Isaanis, “Dhukkubni hamaan isa qabateera; inni siʼachi iddoo ciisu sanaa hin kaʼu” jedhu.
9 Yea, my own familiar friend, in whom I trusted, who ate of my bread, has lifted up his heel against me.
Michuun koo inni natti dhiʼaatu, inni ani amanadhe, inni buddeena koo nyaate koomee isaa natti ol fudhate.
10 But thou, O Jehovah, have mercy upon me, and raise me up that I may requite them.
Ati garuu yaa Waaqayyo na baasi; akka ani haaloo baafadhuufis ol na kaasi.
11 By this I know that thou delight in me, because my enemy does not triumph over me.
Akka ati natti gammaddu ani beeka; diinni koo narra hin aanuutii.
12 And as for me, thou uphold me in my integrity, and set me before thy face forever.
Ati sababii amanamummaa kootiitiif utubdee na qabda; baruma baraanis fuula kee dura na dhaabda.
13 Blessed be Jehovah, the God of Israel, from everlasting and to everlasting. Truly, and Truly.
Waaqayyo Waaqni Israaʼel, bara baraa hamma bara baraatti haa eebbifamu.
