Psalms 30

1 I will extol thee, O Jehovah, for thou have raised me up, and have not made my foes to rejoice over me.

Yon Sòm; yon chan nan Dedikasyon Kay La; Yon Sòm David Mwen va leve Ou wo, O SENYÈ, paske Ou te leve mwen. Ou pa t kite lènmi m yo rejwi sou mwen.

2 O Jehovah my God, I cried to thee, and thou have healed me.

O SENYÈ, Bondye mwen an, mwen te kriye a Ou menm, e Ou te geri mwen.

3 O Jehovah, thou have brought up my soul from Sheol. Thou have kept me alive, that I should not go down to the pit. (Sheol h7585)

O SENYÈ, Ou te fè nanm mwen monte kite sejou lanmò yo. Ou te kenbe m vivan, pou m pa t desann nan gwo fòs la. (Sheol h7585)

4 Sing praise to Jehovah, O ye sanctified of his, and give thanks to his holiness.

Chante lwanj a SENYÈ a, nou menm ki fidèl Li yo. Bay remèsiman a sen non Li.

5 For his anger is but for a moment. His favor is for a lifetime. Weeping may tarry for the night, but joy is in the morning.

Paske kòlè Li se sèlman pou yon moman, men Bonte Li se pou tout tan. Kriye a kapab dire pou nwit lan, men kri lajwa a vin parèt nan maten.

6 As for me, I said in my prosperity, I shall never be moved.

Alò, pou mwen, mwen te di nan bon tan mwen, “Mwen p ap janm ebranle.”

7 Thou, Jehovah, of thy favor had made my mountain to stand strong. Thou hid thy face; I was troubled.

O SENYÈ, pa gras Ou, Ou te fè mòn mwen an kanpe fèm. Lè Ou te kache figi Ou, mwen te dekouraje nèt.

8 I cried to thee, O Jehovah, and to Jehovah I made supplication.

A Ou menm, SENYÈ, mwen te rele. A SENYÈ mwen an, mwen te fè siplikasyon mwen yo:

9 What profit is there in my blood when I go down to the pit? Shall the dust praise thee? Shall it declare thy truth?

“Ki benefis ki genyen nan san mwen si mwen desann nan gwo fòs la? Èske pousyè a kab louwe Ou? Èske li va deklare fidelite Ou?

10 Hear, O Jehovah, and have mercy upon me. Jehovah, be thou my helper.

Tande, O SENYÈ e fè m gras. O SENYÈ, ban m soutyen.”

11 Thou have turned for me my mourning into dancing. Thou have loosed my sackcloth, and girded me with gladness,

Ou te chanje doulè mwen, e sa te fè m vin danse ak lajwa; Ou te demare rad twal sak mwen an, e te mare senti m avèk kè kontan.

12 to the end that my glory may sing praise to thee, and not be silent. O Jehovah my God, I will give thanks to thee forever.

Konsa, pou kè m kab chante lwanj Ou, e pa rete an silans. O SENYÈ, Bondye mwen an, mwen va bay Ou glwa pou tout tan, nèt.