Psalms 2
1 Why do the nations rage, and the peoples meditate vain things?
Poukisa nasyon yo ap boulvèse konsa, e pèp yo fòmante yon vye bagay?
2 The kings of the earth set themselves, and the rulers take counsel together, against Jehovah, and against his anointed, saying,
Wa latè yo pran pòz yo e chèf yo pran konsèy ansanm kont SENYÈ a, e kont onksyone pa Li a:
3 Let us break their bonds apart, and cast away their cords from us.
“Annou chire chenn sa yo, e jete kòd ki mare nou yo!”
4 He who sits in the heavens will laugh. The Lord will have them in derision.
(Sila) ki chita nan syèl la ri; SENYÈ a ap moke yo.
5 Then he will speak to them in his wrath, and vex them in his great displeasure.
Anplis, Li va pale avèk yo nan kòlè Li. Li va fè yo sezi nan kòlè Li.
6 Yet I have set my king upon my holy hill of Zion.
Men pou Mwen menm, Mwen fin plase Wa Mwen an sou Sion, mòn sen Mwen an.
7 I will tell of the decree. Jehovah said to me, Thou are my Son, this day I have begotten thee.
Anverite, Mwen va pale selon deklarasyon SENYÈ a; SENYÈ a te di Mwen: “Ou se Fis Mwen. Se jodi a, Mwen te fè Ou.
8 Ask of me, and I will give thee the nations for thine inheritance, and the outermost parts of the earth for thy possession.
Mande Mwen, e Mwen va bay Ou nasyon yo kon eritaj, jis rive nan dènye pwent latè kon posesyon pa Ou.
9 Thou shall break them with a rod of iron, thou shall dash them in pieces like a potter's vessel.
Ou va kase yo avèk yon baton fè, Ou va kraze yo tankou veso kanari.”
10 Now therefore be wise, O ye kings. Be instructed, ye judges of the earth.
Konsa, O wa yo, sèvi ak sajès. Fè atansyon, O jij sou latè yo.
11 Serve Jehovah with fear, and rejoice with trembling.
Adore SENYÈ a avèk gran respè e rejwi avèk tranbleman.
12 Kiss the Son, lest he be angry, and ye perish in the way, for his wrath will soon be kindled. Blessed are all those who take refuge in him.
Fè omaj a Fis la, pou L pa vin fache, epi ou ta mouri nan chemen an. Paske gwo chalè Li kab limen ase vit. A la beni se tout (sila) ki kache nan Li.
