Psalms 129

1 Many a time they have afflicted me from my youth up. Let Israel now say,

Thaburi ya Agendi Maanahinyĩrĩria mũno kuuma ũnini-inĩ wakwa, Isiraeli nĩmakiuge ũguo,

2 Many a time they have afflicted me from my youth up, yet they have not prevailed against me.

maanahinyĩrĩria mũno kuuma ũnini-inĩ wakwa, no rĩrĩ, matirĩ maahota kũndooria.

3 The plowers plowed upon my back. They made long their furrows.

Andũ arĩa marĩmaga na mũraũ marĩmĩte ngʼongʼo wakwa, magatema mĩtaro mĩraihu.

4 Jehovah is righteous. He has cut apart the cords of the wicked.

No rĩrĩ, Jehova nĩ mũthingu; nĩanjohorithĩtie harĩ mĩhĩndo ya andũ arĩa aaganu.

5 Let them be put to shame and turned backward, all those who hate Zion.

Andũ arĩa othe mathũire Zayuni marocookio na thuutha maconokete.

6 Let them be as the grass upon the housetops, which withers before it grows up,

Marohaana ta nyeki ĩrĩ nyũmba igũrũ, ĩrĩa ĩhoohaga ĩtanamera;

7 with which the reaper fills not his hand, nor he who binds sheaves, his bosom.

mũmĩtui ndangĩmĩiyũria hĩ-inĩ ciake, o na kana ũrĩa ũmĩũnganagia amĩiyũrie moko-inĩ make.

8 Neither do those who go by say, The blessing of Jehovah be upon you. We bless you in the name of Jehovah.

Andũ arĩa mahĩtũkagĩra kuo maroaga kuuga atĩrĩ, “Kĩrathimo kĩa Jehova kĩrogĩa igũrũ rĩanyu; nĩtwamũrathima thĩinĩ wa rĩĩtwa rĩa Jehova.”