Proverbs 7
1 My son, keep my words, and lay up my commandments with thee.
Wuoda, rit wechena kendo ipand chikena e chunyi.
2 Keep my commandments and live, and my law as the apple of thine eye.
Rit chikena to ibiro bedo mangima; rit puonjna mana kaka dirit tong wangʼi.
3 Bind them upon thy fingers. Write them upon the tablet of thy heart.
Twegi e lith lweti kendo ndikgi e chunyi maiye.
4 Say to wisdom, Thou are my sister, and call understanding thy kinswoman,
Wach ne rieko niya, “In e nyaminwa,” to luong ngʼeyo tiend wach ni watni;
5 that they may keep thee from the interloping woman, from the stranger who flatters with her words.
ginimi itangʼ ni dhako ma jachode, inibed mabor gi dhako mabayo kaachiel, kod wechene malombo ji.
6 For at the window of my house I looked forth through my lattice,
Ka nangʼicho oko gie dirisa mar oda,
7 and I beheld among the simple ones, I discerned among the youths, a young man void of understanding
ne aneno e dier joma ngʼeyogi tin, ne afwenyo e dier yawuowi matindo, rawera maonge gi rieko.
8 passing through the street near her corner. And he went the way to her house,
Ne owuotho e wangʼ yo makadho but od dhakono, kowuotho kochiko od dhakono,
9 in the twilight, in the evening of the day, in the middle of the night and in the darkness.
ka piny ngʼiringʼiri, ka piny dwaro yuso, e kindeno ma mudho mako piny.
10 And, behold, there met him a woman attired like a harlot, and wily of heart.
Eka apoya nono dhakono nowuok mondo oromne, korwakore kaka ochot mopongʼ gi paro marach.
11 She is loud and headstrong. Her feet abide not in her house.
En dhako ma wangʼe tek kendo maonge wichkuot, tiendene susni ma ok obed e ot;
12 Now she is in the streets, now in the broad places, and lies in wait at every corner.
sani onene e yo, to bangʼ sa matin en kuonde chokruok, kendo e kuonde mopondo duto oyudore.
13 So she caught him, and kissed him. With an impudent face she said to him,
Omiyo nokwake mi onyodhe, gi wangʼ matek, nowachone niya:
14 Sacrifices of peace offerings are with me. I have paid my vows this day.
“An gi misango mar lalruok e oda, kawuononi asechopo singruok maga.
15 Therefore I came forth to meet thee, diligently to seek thy face, and I have found thee.
Omiyo ne abiro mondo arom kodi, asemanyi to koro aseyudi!
16 I have spread my couch with carpets of tapestry, with striped cloths of the yarn of Egypt.
Asepedho kitandana gi suke mokikokiko moa Misri.
17 I have perfumed my bed With myrrh, aloes, and cinnamon.
Asekiro moo e kitandana, gin modhi mangʼeny mangʼwe ngʼar gi mane-mane kod obala ndago.
18 Come, let us take our fill of love until the morning. Let us solace ourselves with love.
Bi, wadhi wayud mor mar hera nyaka piny ru, mondo wabed mamor ka wawinjo maber e hera!
19 For the man is not at home. He has gone a long journey.
Chwora ok nitiere dala; osedhiyo e wuoth mabor.
20 He has taken a bag of money with him. He will come home at the full moon.
Nokawo mifukone mopongʼ gi pesa, kendo ok obi duogo dala nyaka bangʼ ndalo mogwarore.”
21 With her much fair speech she causes him to yield. With the flattering of her lips she forces him along.
Kamano, dhakono nowuonde gi weche mamit; mi nohoye kendo odhi kode.
22 He goes after her straightaway, as an ox goes to the slaughter, or as a fool to the correction of the stocks,
Gikanyono noluwe kodhi kode mana ka rwadh bwoch mitero kar yengʼo, kata ka mwanda madonjo e obeto
23 till an arrow strikes through his liver, as a bird hastens to the snare. And he does not know that it is for his life.
nyaka asere chwowe mahob chunye, kata ka winyo madhiyo e obadho ma ochikne, ka ok ongʼeyo ni ngimane ni e tho!
24 Now therefore, ye sons, hearken to me, and attend to the words of my mouth.
Koro un yawuota winjauru, chikuru itu ne gima awacho.
25 Let not thy heart decline to her ways. Go not astray in her paths.
Kik uyie mondo chunyu odhi e yorene, kata bayo e yorene.
26 For she has cast down many wounded. Yea, all her slain are a mighty host.
Oseketho ngima ji mangʼeny, kendo osemiyo ji mathoth mak kwanre otho.
