Job 15
1 Then Eliphaz the Temanite answered, and said,
Ket simmungbat ni Elifaz a Temanita ket kinunana,
2 Should a wise man make answer with vain knowledge, and fill himself with the east wind?
“Sumungbat aya ti masirib a tao babaen iti awan serserbina a pannakaammo ken punoenna ti bagina iti angin ti daya?
3 Should he reason with unprofitable talk, or with speeches with which he can do no good?
Agkalintegan aya isuna babaen iti awan serserbina a sasao wenno kadagiti panagsasao nga awan ti nasayaat a maibungana?
4 Yea, thou do away with fear, and hinder devotion before God.
Pudno, kiskissayam ti panagraem iti Dios; laplapdam ti panangutob kenkuana,
5 For thine iniquity teaches thy mouth. And thou choose the tongue of the crafty.
ta isursuro ti kinadangkesmo ti ngiwatmo; pilpiliem ti maaddaan iti dila ti tao a nasikap.
6 Thine own mouth condemns thee, and not I. Yes, thine own lips testify against thee.
Uk-ukomennaka ti bukodmo a ngiwat, saan a siak; wen, agsaksi dagiti bukodmo a bibig a maibusor kenka.
7 Are thou the first man who was born? Or were thou brought forth before the hills?
Sika kadi ti umuna a tao a naiyanak? Napaaddaka kadi sakbay dagiti turturod?
8 Have thou heard the secret counsel of God? And do thou limit wisdom to thyself?
Nangngegmo kadi ti nalimed a pannakaammo ti Dios? Sika laeng kadi ti tao a masirib?
9 What do thou know, that we do not know? What do thou understand, which is not in us?
Ania ti ammom a saanmi nga ammo? Ania ti maawatam nga awan met kadakami?
10 With us are both the gray-headed and the very aged men, much older than thy father.
Kaduami dagiti ubanan ken dagiti nataengan unayen a tattao a laklakay ngem ti amam.
11 Are the consolations of God too small for thee, even the word that is gentle toward thee?
Bassit kadi unay dagiti pangliwliwa ti Dios para kenka, dagiti sasao a naalumamay a para kenka?
12 Why does thy heart carry thee away? And why do thine eyes flash,
Apay nga ipanawnaka ti pusom? Apay nga agkusilap dagiti matam,
13 that against God thou turn thy spirit, and let words go out of thy mouth?
tapno iturongmo ti espiritum a maibusor iti Dios ken iruarmo dagiti kasta a sasao manipud iti ngiwatmo?
14 What is man, that he should be clean? And he who is born of a woman, that he should be righteous?
Ania ti tao a nadalus koma isuna? Ania isuna a naiyanak iti babai a nalinteg koma isuna?
15 Behold, he puts no trust in his holy ones. Yea, the heavens are not clean in his sight.
Adtoy, saan nga agtaltalek ti Dios uray kadagiti sasantona; wen, saan a nadalus dagiti langit iti imatangna;
16 How much less one who is abominable and corrupt, a man who drinks iniquity like water!
ad-adda pay a narugit ti maysa a makarimon ken nakillo, ti maysa a tao nga umin-inom iti kinadangkes a kasla danum!
17 I will show thee. Hear thou me, and that which I have seen I will declare,
Ipakitak kenka; dumngegka kaniak; Ibagakto kenka dagiti banbanag a nakitak,
18 which wise men have told from their fathers, and have not hid it,
dagiti banbanag nga imbaga met dagiti mamasirib a lallaki manipud kadagiti ammada, dagiti banbanag a saan nga inlemmeng dagiti kapuonanda.
19 to whom alone the land was given, and no stranger passed among them:
Dagitoy dagiti kapuonanda, nga isu laeng ti nakaitedan ti daga, ken awan a pulos ti gangganaet a limmabas kadakuada.
20 The wicked man travails with pain all his days, even the number of years that are laid up for the oppressor.
Agtiritir ti ut-ot ti nadangkes a tao kadagiti amin nga al-aldawna, ti bilang dagiti tawtawen a naisagana a maipaay iti panagsagaba ti mangparparigat.
21 A sound of terrors is in his ears. In prosperity the destroyer shall come upon him.
Adda kadagiti lapayagna ti uni dagiti pamutbuteng; bayat iti kinarang-ayna, umayto kenkuana ti managdadael.
22 He does not believe that he shall return out of darkness. And he is awaited by the sword.
Saanna a panpanunoten nga agsublinto isuna manipud iti kinasipnget; agur-uray ti kampilan kenkuana.
23 He wanders abroad for bread, saying, Where is it? He knows that the day of darkness is ready at his hand.
Mapan isuna iti nadumaduma a disso para iti tinapay, a kunkunana, “Sadinno ti ayanna daytoy?' Ammona a dandanin umay ti aldaw ti kinasipnget.
24 Distress and anguish make him afraid. They prevail against him as a king ready to the battle.
Butbutngen isuna ti rigat ken ut-ot; agballigi dagitoy a maibusor kenkuana, a kas ti ari a nakasagana a makigubat.
25 Because he has stretched out his hand against God, and behaves himself proudly against the Almighty.
Gapu ta inyunnatna ti imana a maibusor iti Dios ken sitatangsit a maibusor iti Mannakabalin amin,
26 He runs upon him with a stiff neck, with the thick studs of his bucklers,
daytoy a nadangkes a tao ket agtaray a mapan iti Dios a sisisikkel ti tengngedna, nga addaan ti napuskol a kalasag.
27 because he has covered his face with his fatness, and gathered fat upon his loins.
Pudno daytoy, uray no kinallubanna ti rupana babaen ti kinalukmegna ken nagurnong ti taba kadagiti lomlomona,
28 And he has dwelt in desolate cities, in houses which no man inhabited, which were ready to become heaps.
ken nagnaed kadagiti nabaybay-an a siudad; kadagiti balbalay nga awan ti agnanaed ita ken nakasagana nga agbalin a gabsuon.
29 He shall not be rich, neither shall his substance continue, neither shall their possessions be extended on the earth.
Saanto a bumaknang isuna; saanto nga agpaut ti kinabaknangna; saanto pay nga agpaut uray ti aniniwanna iti daga.
30 He shall not depart out of darkness. The flame shall dry up his branches, and by the breath of God's mouth he shall go away.
Saanto isuna a makapanaw iti kinasipnget; pagangngoento ti apuy dagiti sangsangana; pumanawto isuna gapu iti anges ti ngiwat ti Dios.
31 Let him not trust in vanity, deceiving himself. For vanity shall be his recompense.
Saan koma nga agtalek isuna kadagiti awan serserbina a banbanag, nga al-allilawenna ti bagina; ta ti kinaawan-mammaayna ket isunto ti gungonana.
32 It shall be accomplished before his time, and his branch shall not be green.
Mapasamakto daytoy sakbay nga umay ti tiempo ti ipapatayna; saanto a lumangto ti sangana.
33 He shall shake off his unripe grape as the vine, and shall cast off his flower as the olive tree.
Iregregnanto dagiti naganus nga ubasna a kas iti lanut ti ubas; itinnagnanto dagiti sabsabongna a kas iti kayo ti olibo.
34 For the company of the hypocrites shall be barren, and fire shall consume the tents of bribery.
Ta malupesto dagiti bunggoy dagiti awan diosna a tattao; uramento ti apuy dagiti toldada ti pannakapasuksok.
35 They conceive mischief, and bring forth iniquity, and their heart prepares deceit.
Agsikugda ti kinaranggas ken ipasngayda ti kinadangkes; agsikug ti aanakanda iti panangallilaw.”
