Wer Mamit 1
1 Wer mamit moloyo wende moko nondiki gi ruoth Solomon.
| שיר השירים אשר לשלמה |
2 Bi mondo inyodha gi dhogi, nikech herani kelo mor moloyo divai.
| ישקני מנשיקות פיהו כי טובים דדיך מיין |
3 Modhi miwirorigo dungʼ mamit; kendo nyingi chalo gi mo mangʼwe ngʼar ma pukore oko. Kare mano emomiyo nyiri duto oheri!
| לריח שמניך טובים שמן תורק שמך על כן עלמות אהבוך |
4 Kawa idhi koda, waret piyo waa kae! Ruoth mondo odhi koda nyaka ei ode maiye. Osiepe Wail kendo chunywa mor kodi; wabiro pako herani moloyo divai. Nyako Gitimo gima kare ka gipuoyi!
| משכני אחריך נרוצה הביאני המלך חדריו נגילה ונשמחה בך--נזכירה דדיך מיין מישרים אהבוך |
5 An nyako ma dichol kendo ma jaber, yaye nyi Jerusalem, an dichol mana ka hembe mag Kedar, kendo mana ka pasia molier e hembe Solomon.
| שחורה אני ונאוה בנות ירושלם כאהלי קדר כיריעות שלמה |
6 Kik uchaya nikech an dichol, nimar chiengʼ ema oseloko denda kamano. Yawuot minwa nokecho koda, mine giketa jarit puothegi mag mzabibu; to puotha awuon mar mzabibu to ne ajwangʼo.
| אל תראוני שאני שחרחרת ששזפתני השמש בני אמי נחרו בי שמני נטרה את הכרמים--כרמי שלי לא נטרתי |
7 Yaye jaherana, nyisane kuma ikwayoe jambi kod kuma iweye rombi mondo oyweyee odiechiengʼ tir. Angʼo momiyo dachal mana gi dhako moumo wangʼe e dier jamb osiepeni?
| הגידה לי שאהבה נפשי איכה תרעה איכה תרביץ בצהרים שלמה אהיה כעטיה על עדרי חבריך |
8 Ka ok ingʼeyo, yaye jaber moloyo mon mamoko, lu bangʼ rombe kuonde ma gikwayoe, mondo ikwa nyidiek ma pod tindo e bath hembe mag jokwath.
| אם לא תדעי לך היפה בנשים צאי לך בעקבי הצאן ורעי את גדיתיך על משכנות הרעים |
9 Jaherana, apimi mana gi faras madhako motwe but achiel kuom geche Farao.
| לססתי ברכבי פרעה דמיתיך רעיתי |
10 Lembi nenore maber ka sitadi olierie; ngʼuti bende nenore maber ka olierie tigo ma nengogi tek.
| נאוו לחייך בתרים צוארך בחרוזים |
11 Wabiro losoni thiwni mag dhahabu, kod tigo mag fedha.
| תורי זהב נעשה לך עם נקדות הכסף |
12 Kane ruoth chiemo e mesane, mo mangʼwe ngʼar man-gi tik mamit nopongʼo ot kadonjo.
| עד שהמלך במסבו נרדי נתן ריחו |
13 Jaherana chalona gi mo mane-mane mobo matin ma nengone tek, mantie e kind thundena.
| צרור המר דודי לי בין שדי ילין |
14 Jaherana chalona maua maber mothiewo, moa e puoth mzabibu man En Gedi.
| אשכל הכפר דודי לי בכרמי עין גדי |
15 Mano kaka ijaber, jaherana! Yaye, mano kaka ijaber! Wengeni neno mamuol ka akuru.
| הנך יפה רעיתי הנך יפה עיניך יונים |
16 Mano kaka iber, jaherana! Yaye, mano kaka berni olomba! Kendo kitandawa bende yom ka lum mangʼich.
| הנך יפה דודי אף נעים אף ערשנו רעננה |
17 Bepe mag tat odwa gin mag sida; kendo bede yien mokar mag obudo nobednwa tado.
| קרות בתינו ארזים רחיטנו (רהיטנו) ברותים |
