Zaburi 99

1 Jehova Nyasaye e Ruoth, ogendini mondo okirni; obet e kom lochne e kind kerubi, piny mondo oyiengni.

Yahweh reigns; let the nations tremble. He sits enthroned above the cherubim; the earth quakes.

2 Jehova Nyasaye duongʼ miwuoro e Sayun; otingʼe malo moyombo ogendini duto.

Yahweh is great in Zion; he is exalted above all the nations.

3 Owinjore gipak nyingi maduongʼ kendo miwuoro, nyinge ler.

Let them praise your great and awesome name; he is holy.

4 Ruoth nyalo, ohero bura makare, isechungo adiera; isetimo ne joka Jakobo gima adier kendo makare.

The king is strong, and he loves justice. You have established fairness; you have done righteousness and justice in Jacob.

5 Dhialuru Jehova Nyasaye ma Nyasachwa kendo lameuru, e tiend kome mobetie nikech oler.

Praise Yahweh our God and worship at his footstool. He is holy.

6 Musa gi Harun ne gin jodolo mage e dier jodolo mamoko, Samuel ne en achiel kuom joma ne luongo nyinge; negiluongo Jehova Nyasaye kendo nodwokogi.

Moses and Aaron were among his priests, and Samuel was among those who called on his name. They called to Yahweh, and he answered them.

7 Ne owuoyo kodgi e siro mar bor polo; negirito chikene gi buche mane omiyogi.

He spoke to them from the pillar of cloud. They kept his solemn commands and the statutes that he gave them.

8 Yaye Jehova Nyasaye ma Nyasachwa, ne idwokogi; ne in Nyasaye maweyo richo ne jo-Israel, kata obedo ni ne ikumo timbegi mobam.

You answered them, Yahweh our God. A forgiving God you were to them, but one who punished their sinful deeds.

9 Tingʼuru nying Jehova Nyasaye ma Nyasachwa kendo lamuru e gode maler, nimar Jehova Nyasaye ma Nyasachwa ler.

Praise Yahweh our God, and worship at his holy hill, for Yahweh our God is holy.