Zaburi 99

1 Jehova Nyasaye e Ruoth, ogendini mondo okirni; obet e kom lochne e kind kerubi, piny mondo oyiengni.

The Lord is king; let the nations tremble: he is throned upon cherubs; let earth quake.

2 Jehova Nyasaye duongʼ miwuoro e Sayun; otingʼe malo moyombo ogendini duto.

The Lord is great in Zion, he is high over all the nations.

3 Owinjore gipak nyingi maduongʼ kendo miwuoro, nyinge ler.

Let them praise your great and terrible name. Holy is he.

4 Ruoth nyalo, ohero bura makare, isechungo adiera; isetimo ne joka Jakobo gima adier kendo makare.

You are a king who loves justice, equity you have established: justice and right you have wrought for Jacob.

5 Dhialuru Jehova Nyasaye ma Nyasachwa kendo lameuru, e tiend kome mobetie nikech oler.

Exalt the Lord our God, bow down at his footstool. Holy is he.

6 Musa gi Harun ne gin jodolo mage e dier jodolo mamoko, Samuel ne en achiel kuom joma ne luongo nyinge; negiluongo Jehova Nyasaye kendo nodwokogi.

Among his priests were Moses and Aaron, Samuel among those who called on his name. They called to the Lord, and he gave them answer.

7 Ne owuoyo kodgi e siro mar bor polo; negirito chikene gi buche mane omiyogi.

He spoke to them in the pillar of cloud, they kept his commands and the statute he gave them.

8 Yaye Jehova Nyasaye ma Nyasachwa, ne idwokogi; ne in Nyasaye maweyo richo ne jo-Israel, kata obedo ni ne ikumo timbegi mobam.

Lord our God, you gave them answer. A God of forgiveness were you to them, who suffered their deeds to go unpunished.

9 Tingʼuru nying Jehova Nyasaye ma Nyasachwa kendo lamuru e gode maler, nimar Jehova Nyasaye ma Nyasachwa ler.

Exalt the Lord our God; bow down at his holy mountain. For holy is the Lord our God.