Zaburi 98

1 Zaburi. Weruru ne Jehova Nyasaye wer manyien, nimar osetimo gik miwuoro; lwete korachwich gi bade maler osekelone warruok.

A Melody. Sing to Yahweh, a song that is new, For, wonderful things, hath he done, His own right hand and his holy arm, have brought him salvation.

2 Jehova Nyasaye osemiyo warruokne ongʼere kendo osefwenyone ogendini timne makare.

Yahweh, hath made known, his salvation, Before the eyes of the nations, hath he revealed his righteousness;

3 Oseparo herane kod adierane ne dhood Israel; kuonde duto ma piny ogikie oseneno warruok mar Nyasachwa.

He hath remembered his lovingkindness and his faithfulness towards the house of Israel, —All the ends of the earth, have seen, the salvation of our God.

4 Koguru gi mor ni Jehova Nyasaye, un piny duto, weruru kod ilo gi dwol mamit;

Shout aloud to Yahweh, all the earth, Break forth and make a joyful noise and sweep the strings;

5 weruru mamit ne Jehova Nyasaye kugoyo nyatiti; werneuru mamit kugoyo nyatiti gi dwond wer molungi,

Sweep the strings to Yahweh, With the lyre, With the lyre, and the voice of melody;

6 werneuru gi turumbete kod tung im maywak matek, koguru gi mor e nyim Jehova Nyasaye ma Ruoth.

With trumpets and the sound of a horn, Shout aloud, before the king—Yahweh.

7 Nam mondo owuo, kaachiel gi gik moko duto manie iye, kod piny duto, gi ji duto modak e iye.

Let the sea, roar, and the fulness thereof, The world, and they who dwell therein;

8 Aore mondo opam lwetgi, gode mondo ower kaachiel ka gimor;

Let, the floods, clap their hands, Together, let, the mountains, make a joyful noise,

9 onego giwer e nyim Jehova Nyasaye, nimar obiro mondo ongʼad bura ne piny. Obiro ngʼado bura ne piny e yo makare kendo obiro yalo ji maonge dewo wangʼ.

Before Yahweh, for he is coming—to judge the earth, —He will judge the world, in righteousness, And the peoples, with equity.