Zaburi 98

1 Zaburi. Weruru ne Jehova Nyasaye wer manyien, nimar osetimo gik miwuoro; lwete korachwich gi bade maler osekelone warruok.

“A psalm.” Oh sing unto the Lord a new song; for he hath done wonderful things: his right hand and his holy arm have gotten him the victory.

2 Jehova Nyasaye osemiyo warruokne ongʼere kendo osefwenyone ogendini timne makare.

The Lord hath made known his salvation: before the eyes of the nations hath he revealed his righteousness.

3 Oseparo herane kod adierane ne dhood Israel; kuonde duto ma piny ogikie oseneno warruok mar Nyasachwa.

He hath remembered his kindness and his truth toward the house of Israel: all the ends of the earth have seen the salvation of our God.

4 Koguru gi mor ni Jehova Nyasaye, un piny duto, weruru kod ilo gi dwol mamit;

Shout joyfully unto the Lord, all the lands: break forth, and rejoice, and sing praises.

5 weruru mamit ne Jehova Nyasaye kugoyo nyatiti; werneuru mamit kugoyo nyatiti gi dwond wer molungi,

Sing praises unto the Lord with the harp, —with the harp, and the voice of psalmody.

6 werneuru gi turumbete kod tung im maywak matek, koguru gi mor e nyim Jehova Nyasaye ma Ruoth.

With trumpets and the sound of cornet shout joyfully before the King, the Lord.

7 Nam mondo owuo, kaachiel gi gik moko duto manie iye, kod piny duto, gi ji duto modak e iye.

Let the sea roar, with all that filleth it; the world, with those that dwell therein.

8 Aore mondo opam lwetgi, gode mondo ower kaachiel ka gimor;

Let the rivers clap their hands; let the mountains be joyful together,

9 onego giwer e nyim Jehova Nyasaye, nimar obiro mondo ongʼad bura ne piny. Obiro ngʼado bura ne piny e yo makare kendo obiro yalo ji maonge dewo wangʼ.

Before the Lord; for he cometh to judge the earth: he will judge the world with righteousness, and people with equity.