Zaburi 90
1 Lamo mar Musa ngʼat Nyasaye. Yaye Jehova Nyasaye, isebedo kar dak marwa nyaka nene e tienge duto.
| תפלה למשה איש האלהים אדני מעון אתה היית לנו בדר ודר׃ |
2 Kane pok gode obetie kata kane pok ichweyo piny gi ji modak e iye, to isebedo ka in Nyasaye nyaka nene kendo manyaka chiengʼ.
| בטרם הרים ילדו ותחולל ארץ ותבל ומעולם עד עולם אתה אל׃ |
3 Idwoko dhano e lowo, kiwacho niya, “Doguru e lowo un koth dhano.”
| תשב אנוש עד דכא ותאמר שובו בני אדם׃ |
4 Nimar higni alufu achiel e nyimi chalo gi odiechiengʼ manyoro mosekalo, kata gi sa mar otieno.
| כי אלף שנים בעיניך כיום אתמול כי יעבר ואשמורה בלילה׃ |
5 Iywoyo dhano ilalgo nono ka nindo mar tho terogi; gichalo gi lum mangʼich mar okinyi,
| זרמתם שנה יהיו בבקר כחציר יחלף׃ |
6 ma kata obedo ni loth ka ngʼich gokinyi to godhiambo to ner kendo two.
| בבקר יציץ וחלף לערב ימולל ויבש׃ |
7 Mirimbi tiekowa kendo kecho mikechogo kodwa bwogowa.
| כי כלינו באפך ובחמתך נבהלנו׃ |
8 Iseketo richowa e nyimi, ee, richowa ma watimo lingʼ-lingʼ ineno seche duto.
| שת עונתינו לנגדך עלמנו למאור פניך׃ |
9 Ndalowa kadho piyo nikech mirimbi; hikwa rumo piyo gi chir.
| כי כל ימינו פנו בעברתך כלינו שנינו כמו הגה׃ |
10 Ndalowa en piero abiriyo kata piero aboro, ka ringrewa otegno; to kata kamano ndalogo duto opongʼ gi chandruok kod kuyo, nimar gikalo piyo, kendo gilal nono.
| ימי שנותינו בהם שבעים שנה ואם בגבורת שמונים שנה ורהבם עמל ואון כי גז חיש ונעפה׃ |
11 En ngʼa mongʼeyo teko mar mirimbi? Nimar gero mari nigi teko machalo gi teko ma luori kelo.
| מי יודע עז אפך וכיראתך עברתך׃ |
12 Omiyo puonjwa kwano ndalowa kare, mondo wabed gi chuny mariek.
| למנות ימינו כן הודע ונבא לבב חכמה׃ |
13 Ibiro siko kikecho nyaka karangʼo, yaye Jehova Nyasaye? Lokri, kech jatichni.
| שובה יהוה עד מתי והנחם על עבדיך׃ |
14 Romwa gokinyi gi herani ma ok rem, mondo wawer gi ilo kendo wabed mamor ndalowa duto.
| שבענו בבקר חסדך ונרננה ונשמחה בכל ימינו׃ |
15 Mi wabed mamor amingʼa mana kaka isemiyo waneno malit, marom gi higni ma wasenene chandruok.
| שמחנו כימות עניתנו שנות ראינו רעה׃ |
16 Mad tijeni nere gi jotichni, mad duongʼni nyisre ne nyithindi.
| יראה אל עבדיך פעלך והדרך על בניהם׃ |
17 Mad ngʼwono mar Ruoth Nyasachwa obed kodwa; yie igurnwa tich mar lwetwa, ee gurnwa tich mar lwetwa.
| ויהי נעם אדני אלהינו עלינו ומעשה ידינו כוננה עלינו ומעשה ידינו כוננהו׃ |
