Zaburi 84

1 Kuom jatend wer. Kaluwore gi gitith. Zaburi mar Yawuot Kora. Mano kaka hekalu mari ber miwuoro, yaye Jehova Nyasaye Maratego!

למנצח על הגתית לבני קרח מזמור מה ידידות משכנותיך יהוה צבאות׃

2 Chunya gombo kendo njawni ka agombo bedo e od Jehova Nyasaye; Chunya gi denda duto wer gi mor ne Nyasaye mangima.

נכספה וגם כלתה נפשי לחצרות יהוה לבי ובשרי ירננו אל אל חי׃

3 Nyaka winj oyundi oseloso kar dakne, kendo opija bende osegero ode, kama onyalo nywole nyithinde, but kendoni mar misango, yaye Jehova Nyasaye Maratego, ma Ruodha kendo Nyasacha.

גם צפור מצאה בית ודרור קן לה אשר שתה אפרחיה את מזבחותיך יהוה צבאות מלכי ואלהי׃

4 Ogwedh joma odak e odi; mosiko ka paki. (Sela)

אשרי יושבי ביתך עוד יהללוך סלה׃

5 Ogwedh joma tekregi ni kuomi jogo moketo chunygi e luwo yori maler.

אשרי אדם עוז לו בך מסלות בלבבם׃

6 Ka gikadho e Holo mar Baka to gimiyo obedo kama opongʼ gi sokni; kendo kodh opon bende pongʼe gi yewni.

עברי בעמק הבכא מעין ישיתוהו גם ברכות יעטה מורה׃

7 Tekreni osiko medore ameda, nyaka chop moro ka moro kuomgi chop Sayun e nyim Nyasaye.

ילכו מחיל אל חיל יראה אל אלהים בציון׃

8 Yie iwinj lemona, yaye Jehova Nyasaye, ma Nyasaye Maratego; chikna iti, yaye Nyasach Jakobo. (Sela)

יהוה אלהים צבאות שמעה תפלתי האזינה אלהי יעקב סלה׃

9 Tingʼ wangʼi ine okumbawa, yaye Nyasaye; rang ngʼati miwiro gi ngʼwono.

מגננו ראה אלהים והבט פני משיחך׃

10 Bet e laru mari kuom odiechiengʼ achiel ber moloyo bet kamachielo kuom higni alufu achiel; daher bedo jarit dhoot e od Nyasacha, moloyo dak e hembe joma timbegi richo.

כי טוב יום בחצריך מאלף בחרתי הסתופף בבית אלהי מדור באהלי רשע׃

11 Nimar Jehova Nyasaye en chiengʼ kendo en okumba; Jehova Nyasaye chiwo ngʼwono gi duongʼ; ok otuon joma wuodhgi oriere tir gimoro amora maber.

כי שמש ומגן יהוה אלהים חן וכבוד יתן יהוה לא ימנע טוב להלכים בתמים׃

12 Yaye Jehova Nyasaye Maratego, ngʼama ogeno kuomi ogwedhi.

יהוה צבאות אשרי אדם בטח בך׃