Zaburi 80
1 Kuom jatend wer. E dwol mar “Ondanyo mar Singruok.” Mar Asaf. Zaburi. Chiknwa iti, yaye Jakwadh jo-Israel, in mitelo ne Josef ka kweth mar dhok. In mibet e kom loch e kind kerubi, koro rieny ane
| למנצח אל-ששנים עדות לאסף מזמור ב רעה ישראל האזינה-- נהג כצאן יוסף ישב הכרובים הופיעה |
2 e nyim Efraim, gi Benjamin gi Manase. Nyis tekri, kendo bi mondo ireswa.
| לפני אפרים ובנימן ומנשה-- עוררה את-גבורתך ולכה לישעתה לנו |
3 Dwogwa iri, yaye Nyasaye; mi wangʼi orienynwa, eka mondo wayud warruok.
| אלהים השיבנו והאר פניך ונושעה |
4 Yaye Jehova Nyasaye, ma Nyasaye Maratego, mirimbi biro siko koyienyo, gi lamo mar jogi nyaka karangʼo?
| יהוה אלהים צבאות-- עד-מתי עשנת בתפלת עמך |
5 Isemiyo gichamo pi wangʼ ka kuon kendo isemiyo gimodho pi wangʼ agwetni modhuro.
| האכלתם לחם דמעה ותשקמו בדמעות שליש |
6 Isemiyo wadoko rachwany ne jobutwa, kendo wasikwa jarowa.
| תשימנו מדון לשכנינו ואיבינו ילעגו-למו |
7 Dwogwa iri, yaye Nyasaye Maratego; mi wangʼi orienynwa, eka mondo wayud warruok.
| אלהים צבאות השיבנו והאר פניך ונושעה |
8 Ne igolo mzabibu moro e piny Misri, kendo ne iriembo ogendini mi ipidhe kargi.
| גפן ממצרים תסיע תגרש גוים ותטעה |
9 Ne ilosone lowo maber, kendo nochwoyo tiendene piny mi opongʼo piny.
| פנית לפניה ותשרש שרשיה ותמלא-ארץ |
10 Tipo Nyasaye noimo gode duto, mana ka yiende sida ma odongo ma bedene olak.
| כסו הרים צלה וענפיה ארזי-אל |
11 Noyaro bedene madongo nyaka e Nam Mediterania kendo noloth mochweyo nyaka e Aora Yufrate.
| תשלח קצירה עד-ים ואל-נהר יונקותיה |
12 Koro angʼo momiyo isemuko ohinga mage, momiyo ji duto makadho pone ka olemo.
| למה פרצת גדריה וארוה כל-עברי דרך |
13 Mbithe moa e bungu kethe, kendo le mag bungu chame.
| יכרסמנה חזיר מיער וזיז שדי ירענה |
14 Duog irwa, yaye Nyasaye Maratego! Ngʼi piny gie polo mondo ine! Ngʼi mzabibu maber,
| אלהים צבאות שוב-נא הבט משמים וראה ופקד גפן זאת |
15 yien ma lweti ma korachwich ema nopidho gi tiende, ma en wuodi misepidho in iwuon.
| וכנה אשר-נטעה ימינך ועל-בן אמצתה לך |
16 Mzabibu mari osetongʼ mi owangʼ gi mach, jogi lal nono nikech isekwerogi.
| שרפה באש כסוחה מגערת פניך יאבדו |
17 Mad lweti bed kuom ngʼat mobet e bathi korachwich, ma en wuod dhano misemiyo teko in iwuon.
| תהי-ידך על-איש ימינך על-בן-אדם אמצת לך |
18 Eka ok wanachak walokre waweyi; konywa wabed mangima, kendo wabiro pako nyingi.
| ולא-נסוג ממך תחינו ובשמך נקרא |
19 Dwogwa iri, yaye Jehova Nyasaye, ma Nyasaye Maratego; mi wangʼi orienynwa, eka mondo wayud warruok.
| יהוה אלהים צבאות השיבנו האר פניך ונושעה |
