Zaburi 73
1 Zaburi mar Asaf. Adier Nyasaye timo maber ni jo-Israel, otimo maber ne jogo maler ei chunygi.
| מזמור לאסף אך טוב לישראל אלהים לברי לבב׃ |
2 Anto tiendena nodwaro kier. Ne achiegni aa kama ne anyono.
| ואני כמעט נטוי רגלי כאין שפכה אשרי׃ |
3 Nimar ne agombo timbe joma ochayo ji kane aneno kaka joma timbegi richo dhi maber.
| כי קנאתי בהוללים שלום רשעים אראה׃ |
4 Gionge gi pek moro amora kendo dendgi ber kendo otegno.
| כי אין חרצבות למותם ובריא אולם׃ |
5 Chandruok mamako ji gin ok yudgi kendo ok githagre kaka ji mamoko thagore.
| בעמל אנוש אינמו ועם אדם לא ינגעו׃ |
6 Emomiyo sunga chalonegi thiwni mar ngʼut, kendo girwako mahundu ka law.
| לכן ענקתמו גאוה יעטף שית חמס למו׃ |
7 Wengegi onyiedhore gi bor kendo miriambo maricho mopongʼo pachgi onge gikogi.
| יצא מחלב עינמו עברו משכיות לבב׃ |
8 Gijaro ji kendo giwuoyo ka gihimo ji, nikech gichayo ji gisiko gibwogo ji ni ji biro wuoro.
| ימיקו וידברו ברע עשק ממרום ידברו׃ |
9 Giwacho weche polo gi dhogi to lewgi to gimakogo mwandu mag piny.
| שתו בשמים פיהם ולשונם תהלך בארץ׃ |
10 Emomiyo jogegi doknegi kendo pakogi kendo ok giyud rach moro amora kuomgi.
| לכן ישיב עמו הלם ומי מלא ימצו למו׃ |
11 Giwacho niya, “Ere kaka Nyasaye nyalo ngʼeyo? Nyasaye Man Malo Moloyo to ongʼeyo angʼo?”
| ואמרו איכה ידע אל ויש דעה בעליון׃ |
12 Kama e kaka joma timbegi richo chalo, ok gidew gimoro amora kendo mwandugi osiko medore ameda.
| הנה אלה רשעים ושלוי עולם השגו חיל׃ |
13 Kare asetemo ritora mondo chunya osik kaler kayiem, kendo asetemo gengʼo lwetena ni kik omul richo kayiem.
| אך ריק זכיתי לבבי וארחץ בנקיון כפי׃ |
14 Nimar asiko achandora seche duto, kendo ayudo kum okinyi kokinyi.
| ואהי נגוע כל היום ותוכחתי לבקרים׃ |
15 Ka dine bed ni awacho kamano, to dine andhogo nyithindi.
| אם אמרתי אספרה כמו הנה דור בניך בגדתי׃ |
16 To kane atemo winjo tiend gigi duto, to ne opek mohinga;
| ואחשבה לדעת זאת עמל היא בעיני׃ |
17 nyaka ne adonjo kama ler mar lemo mar Nyasaye; eka nawinjo kaka gikogi nobedi.
| עד אבוא אל מקדשי אל אבינה לאחריתם׃ |
18 Chutho iketogi kama poth-poth, kendo idwokogi piny mi gikethre.
| אך בחלקות תשית למו הפלתם למשואות׃ |
19 Mano kaka itiekogi apoya nono, mi masiche malich lal kodgi nono!
| איך היו לשמה כרגע ספו תמו מן בלהות׃ |
20 Gilal nono ka lek ma ngʼato oleko gokinyi, omiyo e kinde ma ia malo, yaye Ruoth Nyasaye, to ok ibi dewogi mana ka kido maonge.
| כחלום מהקיץ אדני בעיר צלמם תבזה׃ |
21 Kane iya owangʼ, kendo chunya winjo lit,
| כי יתחמץ לבבי וכליותי אשתונן׃ |
22 to pacha nolal kendo ne abedo mofuwo, ne achalo le maonge rieko e nyimi.
| ואני בער ולא אדע בהמות הייתי עמך׃ |
23 Kata kamano an kodi ndalo duto, kendo imaka gi bada korachwich.
| ואני תמיד עמך אחזת ביד ימיני׃ |
24 Itaya gi rieko mingʼadona kendo bangʼe ibiro tera kar duongʼ.
| בעצתך תנחני ואחר כבוד תקחני׃ |
25 En ngʼa ma an-go e polo makmana in? Piny bende onge gi gimoro amora madwaro moloyi.
| מי לי בשמים ועמך לא חפצתי בארץ׃ |
26 Ringra gi chunya nyalo doko manyap, to Nyasaye ema miyo chunya teko, kendo en e girkeni mara nyaka chiengʼ.
| כלה שארי ולבבי צור לבבי וחלקי אלהים לעולם׃ |
27 Joma ni mabor kodi biro lal nono kendo ibiro tieko ji duto ma ok jo-adiera ne in.
| כי הנה רחקיך יאבדו הצמתה כל זונה ממך׃ |
28 An to berna ka an but Nyasaye. Aseketo Jehova Nyasaye Manyalo Gik Moko Duto kar pondona, kendo abiro lando gik moko duto mitimo.
| ואני קרבת אלהים לי טוב שתי באדני יהוה מחסי לספר כל מלאכותיך׃ |
