Zaburi 50
1 Zaburi mar Asaf. Jal Manyalo Duto, Nyasaye ma en Jehova Nyasaye, wuoyo kendo luongo ji duto modak e piny mondo ochokrene kaachiel, chakre wuok chiengʼ nyaka podho chiengʼ.
| מזמור לאסף אל אלהים יהוה-- דבר ויקרא-ארץ ממזרח-שמש עד-מבאו |
2 Nyasaye rieny gie Sayun, dala ma berne longʼo chuth.
| מציון מכלל-יפי-- אלהים הופיע |
3 Nyasachwa biro kendo ok obi lingʼ mach ni e nyime mawangʼo gik moko pep, kendo ahiti mager olwore.
| יבא אלהינו ואל-יחרש אש-לפניו תאכל וסביביו נשערה מאד |
4 Oluongo joma odak e polo malo kaachiel gi joma odak e piny, mondo oyal joge:
| יקרא אל-השמים מעל ואל-הארץ לדין עמו |
5 “Choknauru joga maler, mane otimo koda singruok e yor misango.”
| אספו-לי חסידי-- כרתי בריתי עלי-זבח |
6 Kendo polo hulo timne makare, nikech Nyasaye owuon e jangʼad bura. (Sela)
| ויגידו שמים צדקו כי-אלהים שפט הוא סלה |
7 “Winjuru, yaye joga, mondo awuo kodu, yaye jo-Israel, chiknauru itu mondo atim neno ma akwedougo: An Nyasaye ma Nyasachu.
| שמעה עמי ואדברה-- ישראל ואעידה בך אלהים אלהיך אנכי |
8 Ok akweru nikech wach misengini mutimona, kata nikech misango miwangʼo pep, mosiko ka nitie e nyima.
| לא על-זבחיך אוכיחך ועולתיך לנגדי תמיד |
9 Ok agomb rwath moro amora moa e kundeu kata diek moa e abilni magu,
| לא-אקח מביתך פר ממכלאתיך עתודים |
10 nikech le moro amora manie bungu en mara, kaachiel gi jamni makwayo ewi gode gana achiel.
| כי-לי כל-חיתו-יער בהמות בהררי-אלף |
11 Angʼeyo nying winyo ka winyo manie wi gode, kendo gik mochwe duto manie pewe gin maga.
| ידעתי כל-עוף הרים וזיז שדי עמדי |
12 Ka dine bed ni kech kaya to ok dak anyisu, nikech piny en mara, kaachiel gi gik moko duto manie iye.
| אם-ארעב לא-אמר לך כי-לי תבל ומלאה |
13 Uparo ni achamo ring rwedhi kata ni amadho remb diek?
| האוכל בשר אבירים ודם עתודים אשתה |
14 Chiwuru misango mar goyo erokamano ni Nyasaye, chopuru singruok mau ne Nyasaye Man Malo Moloyo,
| זבח לאלהים תודה ושלם לעליון נדריך |
15 kendo luongauru e kinde ma un e chandruok; to abiro resou e chandruokugo, eka ubiro miya duongʼ.”
| וקראני ביום צרה אחלצך ותכבדני |
16 Joma timbegi richo to Nyasaye wachonegi ni: “Ngʼa momiyou thuolo mar olo chikena kata mondo ukaw singruok maga kaka mau?
| ולרשע אמר אלהים מה-לך לספר חקי ותשא בריתי עלי-פיך |
17 Ere kaka dutim kamano to uchayo puonjna kendo udiro wechena katoku!
| ואתה שנאת מוסר ותשלך דברי אחריך |
18 Ka uneno jakuo to uriworu kode kendo uchodo mana kaka joma moko timo.
| אם-ראית גנב ותרץ עמו ועם מנאפים חלקך |
19 Utiyo gi dhou kuom timo richo kendo lewu oikore ne wuond.
| פיך שלחת ברעה ולשונך תצמיד מרמה |
20 Usiko uwuoyo marach kuom joweteu kendo ukuotho koda ka oweteu mahie ma uago e ich achiel.
| תשב באחיך תדבר בבן-אמך תתן-דפי |
21 Gigi duto usetimo ka an to alingʼ; useparo ni an bende achalo kodu. To koro akwerou kendo anyisou e wangʼu ni useketho kuom timo gigo duto.
| אלה עשית והחרשתי-- דמית היות-אהיה כמוך אוכיחך ואערכה לעיניך |
22 “Paruru matut kuom wachni, un joma wigi wil gi Nyasaye, nono to abiro kidhou matindo tindo, maonge ngʼama diresu:
| בינו-נא זאת שכחי אלוה פן-אטרף ואין מציל |
23 Ngʼat ma timona misango mar erokamano miya duongʼ mondo olos yo moriere tir, kendo anyise kaka warruok mar Nyasaye chalo.”
| זבח תודה יכבדנני ושם דרך--אראנו בישע אלהים |
