Zaburi 38
1 Zaburi mar Daudi. Lemo mar kwayo kony. Yaye Jehova Nyasaye, kik ikwera ka in gi mirima bende kik ikuma ka mirima mager omaki.
| מזמור לדוד להזכיר ב יהוה--אל-בקצפך תוכיחני ובחמתך תיסרני |
2 Nikech aserni magi osechwoya, kendo lweti osebet kuoma.
| כי-חציך נחתו בי ותנחת עלי ידך |
3 Mirimbi mager osemiyo ringra obedo maonge ngima maber; chokena ok winj maber nikech richona.
| אין-מתם בבשרי מפני זעמך אין-שלום בעצמי מפני חטאתי |
4 Ketho ma asekethogo oima mana ka lodi mapek mohinga tingʼo.
| כי עונתי עברו ראשי כמשא כבד יכבדו ממני |
5 Adhondena otimo tutu kendo dungʼ marach nikech fupa mar timo richo.
| הבאישו נמקו חבורתי מפני אולתי |
6 Adolora kendo akulora piny chuth odiechiengʼ duto, awuotho koni gi koni, ka akuyo.
| נעויתי שחתי עד-מאד כל-היום קדר הלכתי |
7 Ondingʼa rama gi rem malich; ringra onge gi ngima maber.
| כי-כסלי מלאו נקלה ואין מתם בבשרי |
8 Denda ool kendo tekra orumo chuth; achur nikech chunya lit.
| נפוגותי ונדכיתי עד-מאד שאגתי מנהמת לבי |
9 Gik ma chunya dwaro duto ongʼereni maber, yaye Jehova Nyasaye; chur ma achurgo ok opondoni.
| אדני נגדך כל-תאותי ואנחתי ממך לא-נסתרה |
10 Chunya gwecho, tekra orumo; wengena otimo mudho.
| לבי סחרחר עזבני כחי ואור-עיני גם-הם אין אתי |
11 Osiepena gi anywolana ok dwar nena nikech adhondena; joma odak buta otangʼ koda.
| אהבי ורעי--מנגד נגעי יעמדו וקרובי מרחק עמדו |
12 Joma dwaro kawo ngimana ochiko obadhogi, joma dwaro hinya chano kaka ginyalo tieka chuth. Gichano miriambo odiechiengʼ duto.
| וינקשו מבקשי נפשי ודרשי רעתי דברו הוות ומרמות כל-היום יהגו |
13 Achalo ngʼama ite odino, ma ok nyal winjo wach, mana ka momo ma ok nyal yawo dhoge;
| ואני כחרש לא אשמע וכאלם לא יפתח-פיו |
14 Achalo gi ngʼat ma ok winj wach, ma dhoge ok nyal dwoko wach.
| ואהי--כאיש אשר לא-שמע ואין בפיו תוכחות |
15 To in ema ariti, yaye Jehova Nyasaye, kendo angʼeyo ni ibiro dwoka, yaye Ruoth Nyasacha.
| כי-לך יהוה הוחלתי אתה תענה אדני אלהי |
16 Nimar ne awacho niya, “Kik iyie mondo gisungrena, kata gigona siboi ni tienda okier.”
| כי-אמרתי פן-ישמחו-לי במוט רגלי עלי הגדילו |
17 Nimar achiegni podho, kendo rem ma an-go osiko koda.
| כי-אני לצלע נכון ומכאובי נגדי תמיד |
18 Ahulo kethona; richona chando chunya.
| כי-עוני אגיד אדאג מחטאתי |
19 Wasika molwora ngʼeny; joma ochaya maonge gima omiyo thoth mokalo akwana.
| ואיבי חיים עצמו ורבו שנאי שקר |
20 Joma chulo rach kuom ber ma asetimonegi kuodho nyinga ka an to alawo gima ber.
| ומשלמי רעה תחת טובה-- ישטנוני תחת רדופי- (רדפי-) טוב |
21 Yaye Jehova Nyasaye, kik ijwangʼa; kik ibed mabor koda, yaye Nyasacha.
| אל-תעזבני יהוה אלהי אל-תרחק ממני |
22 Bi piyo mondo ikonya, yaye Ruoth Nyasaye kendo Jawarna.
| חושה לעזרתי אדני תשועתי |
