Zaburi 34
1 Zaburi mar Daudi. Kane owuondore ni in janeko e nyim Abimelek, mane oriembe mi oa odhi. Abiro miyo Jehova Nyasaye duongʼ kinde duto; dhoga biro siko kapake.
| לדוד-- בשנותו את-טעמו לפני אבימלך ויגרשהו וילך ב אברכה את-יהוה בכל-עת תמיד תהלתו בפי |
2 Chunya biro sungore kuom Jehova Nyasaye, joma nigi rem mondo owinji kendo obed mamor.
| ביהוה תתהלל נפשי ישמעו ענוים וישמחו |
3 Miuru Jehova Nyasaye duongʼ kaachiel koda; watingʼuru nyinge malo kaachiel.
| גדלו ליהוה אתי ונרוממה שמו יחדו |
4 Ne amanyo Jehova Nyasaye ka alamo, kendo nodwoka; ne oresa e luoro duto ma an-go.
| דרשתי את-יהוה וענני ומכל-מגורותי הצילני |
5 Joma oketo genogi kuome rieny; ok gi bi neno wichkuot.
| הביטו אליו ונהרו ופניהם אל-יחפרו |
6 Ngʼat ma odhierni noluongo Jehova Nyasaye, kendo Jehova Nyasaye nowinje; ne orese mogole e chandruokne duto.
| זה עני קרא ויהוה שמע ומכל-צרותיו הושיעו |
7 Malaika mar Jehova Nyasaye oumo alwora mar jogo momiye luor kendo oresogi.
| חנה מלאך-יהוה סביב ליראיו ויחלצם |
8 Bi mondo ine ni Jehova Nyasaye ber; ngʼat ma pondo kuome ogwedhi.
| טעמו וראו כי-טוב יהוה אשרי הגבר יחסה-בו |
9 Luoruru Jehova Nyasaye, un joge maler, nikech joma omiye luor ok chand gimoro amora.
| יראו את-יהוה קדשיו כי-אין מחסור ליראיו |
10 Sibuoche nyalo ool kendo kech nyalo kayogi, to joma manyo Jehova Nyasaye ok ochando gima ber moro amora.
| כפירים רשו ורעבו ודרשי יהוה לא-יחסרו כל-טוב |
11 Biuru nyithinda kendo winjauru. Abiro puonjou luoro Jehova Nyasaye.
| לכו-בנים שמעו-לי יראת יהוה אלמדכם |
12 Ngʼato angʼata kuomu mohero ngima kendo nigi geno kuom ndalo mabiro mangʼeny mabeyo,
| מי-האיש החפץ חיים אהב ימים לראות טוב |
13 nyaka ogengʼ lewe kik wuo marach kendo ogengʼ dhoge kuom wacho miriambo.
| נצר לשונך מרע ושפתיך מדבר מרמה |
14 Lokri iwe timbe maricho kendo itim tim maber; many kwe kendo iluwe.
| סור מרע ועשה-טוב בקש שלום ורדפהו |
15 Wangʼ Jehova Nyasaye ni kuom joma kare kendo ite winjo ywakgi;
| עיני יהוה אל-צדיקים ואזניו אל-שועתם |
16 to Jehova Nyasaye mon gi joma timo gik maricho, kendo omiyo wich wil kodgi e piny.
| פני יהוה בעשי רע להכרית מארץ זכרם |
17 Joma kare koywak to Jehova Nyasaye winjogi; oresogi e chandruokgi duto.
| צעקו ויהוה שמע ומכל-צרותם הצילם |
18 Jehova Nyasaye chiegni gi joma chunygi otur kendo oreso joma chunygi muol.
| קרוב יהוה לנשברי-לב ואת-דכאי-רוח יושיע |
19 Ngʼat makare nyalo bedo gi chandruok mangʼeny, to Jehova Nyasaye rese kuomgi duto;
| רבות רעות צדיק ומכלם יצילנו יהוה |
20 orito chokene duto, ma kata achiel kuomgi ok notur.
| שמר כל-עצמותיו אחת מהנה לא נשברה |
21 Timbe maricho biro nego ngʼama timbene rach, to jowasik joma kare, bura biro loyo.
| תמותת רשע רעה ושנאי צדיק יאשמו |
22 Jehova Nyasaye reso jotichne; onge ngʼato kata achiel mopondo kuome ma bura biro loyo.
| פדה יהוה נפש עבדיו ולא יאשמו כל-החסים בו |
