Zaburi 33
1 Weruru gimor ni Jehova Nyasaye, un joma kare; en gima owinjore mondo joma kare opake.
| רננו צדיקים ביהוה לישרים נאוה תהלה׃ |
2 Pakuru Jehova Nyasaye gi nyatiti; werneuru wer mamit gi nyatiti.
| הודו ליהוה בכנור בנבל עשור זמרו לו׃ |
3 Werneuru wer manyien; werneuru kugoyone nyiduonge kendo weruru gi ilo.
| שירו לו שיר חדש היטיבו נגן בתרועה׃ |
4 Wach Jehova Nyasaye nikare kendo en adier; en ja-adiera e gik moko duto motimo.
| כי ישר דבר יהוה וכל מעשהו באמונה׃ |
5 Jehova Nyasaye ohero tim makare kod ratiro; piny duto opongʼ gi herane ma ok rem.
| אהב צדקה ומשפט חסד יהוה מלאה הארץ׃ |
6 Polo ne ochwe kuom wach Jehova Nyasaye, i dwe gi nyinyo duto nochweyo gi much dhoge.
| בדבר יהוה שמים נעשו וברוח פיו כל צבאם׃ |
7 Ochoko pige mag nembe madongo e tawo; oketo kut e dere.
| כנס כנד מי הים נתן באצרות תהומות׃ |
8 Piny duto mondo oluor Jehova Nyasaye; ji duto manie e piny mondo okulrene.
| ייראו מיהוה כל הארץ ממנו יגורו כל ישבי תבל׃ |
9 Nikech ne owuoyo mi piny nobetie, nogolo chik mi ochungʼ mongirore.
| כי הוא אמר ויהי הוא צוה ויעמד׃ |
10 Jehova Nyasaye ketho chenro duto mag pinje; othiro dwaro ma ogendini nigo.
| יהוה הפיר עצת גוים הניא מחשבות עמים׃ |
11 To chenro duto mag Jehova Nyasaye to siko kochungʼ nyaka chiengʼ; ochopo dwaro duto manie chunye e tienge duto.
| עצת יהוה לעולם תעמד מחשבות לבו לדר ודר׃ |
12 Piny ma ogeno Jehova Nyasaye ma Nyasache ogwedhi, nikech gin oganda mane oyiero kaka girkeni mare.
| אשרי הגוי אשר יהוה אלהיו העם בחר לנחלה לו׃ |
13 Jehova Nyasaye rango piny gie polo kendo oneno dhano duto;
| משמים הביט יהוה ראה את כל בני האדם׃ |
14 ongʼiyo ji duto modak e piny gie kar dakne e polo,
| ממכון שבתו השגיח אל כל ישבי הארץ׃ |
15 en ema ne ochweyo chunje ji duto, kendo onono gik moko duto ma gitimo.
| היצר יחד לבם המבין אל כל מעשיהם׃ |
16 Onge ruoth minyalo reso nikech en gi jolweny mangʼeny; bende onge jakedo manyalo tony nikech tekone ngʼeny.
| אין המלך נושע ברב חיל גבור לא ינצל ברב כח׃ |
17 Geno yudo resruok kuom faras en gima nono kata obedo ni en giteko mangʼeny to ok onyal reso ngʼato.
| שקר הסוס לתשועה וברב חילו לא ימלט׃ |
18 To wangʼ Jehova Nyasaye neno jogo momiye luor, orango joma geno margi ni kuom herane ma ok rem,
| הנה עין יהוה אל יראיו למיחלים לחסדו׃ |
19 mondo oresgi e tho kendo oritgi gibed mangima e ndalo mag kech.
| להציל ממות נפשם ולחיותם ברעב׃ |
20 Warito Jehova Nyasaye gi geno; en e konyruokwa kendo okumbawa.
| נפשנו חכתה ליהוה עזרנו ומגננו הוא׃ |
21 Chunywa mor kuome, nikech wageno kuom nyinge maler.
| כי בו ישמח לבנו כי בשם קדשו בטחנו׃ |
22 Mad herani ma ok rum osik kuomwa, yaye Jehova Nyasaye, mana kaka waketo genowa kuomi.
| יהי חסדך יהוה עלינו כאשר יחלנו לך׃ |
