Zaburi 29

1 Zaburi mar Daudi. Chiwneuru Jehova Nyasaye, yaye un malaike, chiwneuru Jehova Nyasaye duongʼ kod teko.

A Psalm of David. Give to the LORD, O ye mighty, give to the LORD glory and strength.

2 Chiwneuru Jehova Nyasaye duongʼ mowinjore gi nyinge; lamuru Jehova Nyasaye e dier lerne maduongʼ.

Give to the LORD, the glory due to his name; worship the LORD in the beauty of holiness.

3 Dwond Jehova Nyasaye mor ewi pige; Nyasaye mar duongʼ mor ka polo, Jehova Nyasaye mor ewi pige madongo.

The voice of the LORD [is] upon the waters: the God of glory thundereth: the LORD [is] upon many waters.

4 Dwond Jehova Nyasaye nigi teko, dwond Jehova Nyasaye nigi duongʼ.

The voice of the LORD [is] powerful; the voice of the LORD [is] full of majesty.

5 Dwond Jehova Nyasaye muko yiende mag sida, Jehova Nyasaye turo yiende sida mag Lebanon matindo tindo.

The voice of the LORD breaketh the cedars; yes, the LORD breaketh the cedars of Lebanon.

6 Omiyo Lebanon chikore ka nyaroya, Sirion lengʼore ka jowi ma pod tin.

He maketh them also to skip like a calf; Lebanon and Sirion like a young unicorn.

7 Dwond Jehova Nyasaye mor, omor ka mil polo.

The voice of the LORD divideth the flames of fire.

8 Dwond Jehova Nyasaye yiengo piny motimo ongoro; Jehova Nyasaye yiengo ongoro mar Kadesh.

The voice of the LORD shaketh the wilderness; the LORD shaketh the wilderness of Kadesh.

9 Dwond Jehova Nyasaye ma dolo yiend bungu miyo mwanda nywol kendo omiyo yiend bungu dongʼ kolwerore. Ji duto kok ei hekalu mare kagiwacho niya, “Duongʼ odog ni Jehova Nyasaye!”

The voice of the LORD maketh the hinds to calve, and maketh bare the forests: and in his temple doth every one speak of [his] glory.

10 Jehova Nyasaye obet e kom loch mare ewi ataro; Jehova Nyasaye obet e kom loch kaka Ruoth nyaka chiengʼ.

The LORD sitteth upon the flood; yes, the LORD sitteth king for ever.

11 Jehova Nyasaye miyo joge teko; Jehova Nyasaye gwedho joge gi kwe.

The LORD will give strength to his people; the LORD will bless his people with peace.