Zaburi 24

1 Zaburi mar Daudi. Piny kaachiel gi gik moko duto manie iye gin mag Jehova Nyasaye, bende ji duto modakie piny gin mage;

לדוד מזמור ליהוה הארץ ומלואה תבל וישבי בה׃

2 nikech ne omiyo piny obet ewi nembe kendo noguro misene ewi pige.

כי הוא על ימים יסדה ועל נהרות יכוננה׃

3 En ngʼa manyalo idho wi got mar Jehova Nyasaye? En ngʼa manyalo chungʼ e ode maler?

מי יעלה בהר יהוה ומי יקום במקום קדשו׃

4 En mana ngʼat ma lwete ler kendo chunye bende ler, ngʼat ma ok lam nyiseche ma dhano oloso, kata kwongʼre gi miriambo.

נקי כפים ובר לבב אשר לא נשא לשוא נפשי ולא נשבע למרמה׃

5 Ngʼat ma kamano Jehova Nyasaye biro gwedho kendo obiro yudo ber moa kuom Nyasaye ma Jawarne.

ישא ברכה מאת יהוה וצדקה מאלהי ישעו׃

6 Kamano e kaka tiengʼ mar joma dware chalo, mamanyo wangʼi, yaye Nyasach Jakobo. (Sela)

זה דור דרשו מבקשי פניך יעקב סלה׃

7 tingʼuru lodiu malo, yaye dhorangeye; tingʼreuru malo, yaye rangeye machon, mondo Ruodh duongʼ odonji.

שאו שערים ראשיכם והנשאו פתחי עולם ויבוא מלך הכבוד׃

8 Ruoth man-gi duongʼni to en ngʼa? En Jehova Nyasaye Maratego kendo manyalo duto, En Jehova Nyasaye maloyo lweny.

מי זה מלך הכבוד יהוה עזוז וגבור יהוה גבור מלחמה׃

9 Tingʼuru lodiu malo, yaye un dhorangeye; tingʼ-giuru malo, un dhorangeye machon, mondo Ruodh duongʼ odonji.

שאו שערים ראשיכם ושאו פתחי עולם ויבא מלך הכבוד׃

10 Ruodh duongʼni en ngʼa? Jehova Nyasaye Maratego, En e Ruodh Duongʼ. (Sela)

מי הוא זה מלך הכבוד יהוה צבאות הוא מלך הכבוד סלה׃