Zaburi 20

1 Kuom jatend wer. Zaburi mar Daudi. Mad Jehova Nyasaye dwoki ka in e chandruok; mad nying Nyasach Jakobo riti.

[For the Chief Musician. A Psalm by David.] May the LORD answer you in the day of trouble. May the name of the God of Jacob set you up on high.

2 Mad oorni kony moa kare maler mar lemo kendo omiyi kony moa Sayun.

He will send you help from the sanctuary, and give you support from Zion.

3 Mad opar misengni magi duto kendo oyie gi misengini miwangʼo pep magi. (Sela)

He will remember all your offerings, and accept your burnt sacrifice. (Selah)

4 Mad omiyi gima chunyi gombo kendo omi chenro magi duto odhi maber.

He will grant you your heart's desire, and fulfill all your plans.

5 Wabiro kok gimor ka ilocho kendo wabiro tingʼo bendechwa malo e nying Nyasachwa. Mad Jehova Nyasaye chiw gik moko duto mikwaye.

We will triumph in your salvation. In the name of our God, we will set up our banners. May the LORD grant all your requests.

6 Koro angʼeyo ni Jehova Nyasaye reso ngʼate mowir; odwoke gie kare maler mar lemo manie polo, gi teko ma waro ji mar lwete ma korachwich.

Now I know that the LORD saves his anointed. He will answer him from his holy heaven, with a mighty act of deliverance by his right hand.

7 Jomoko ogeno kuom gechegi to jomoko kuom faresegi, to wan to wageno kuom nying Jehova Nyasaye, ma Nyasachwa.

Some [trust] in chariots, and some in horses, but we trust the name of the LORD our God.

8 Gibiro lwar e chonggi mi gipodhi, to wan wabiro aa malo mi wachungʼ motegno.

They are bowed down and fallen, but we rise up, and stand upright.

9 Yaye Jehova Nyasaye, reswa ruoth! Dwokwa ka waluongi!

Save, LORD. Let the King answer us when we call.