Zaburi 20

1 Kuom jatend wer. Zaburi mar Daudi. Mad Jehova Nyasaye dwoki ka in e chandruok; mad nying Nyasach Jakobo riti.

THE Lord hear thee in the day of trouble; the name of the God of Jacob defend thee;

2 Mad oorni kony moa kare maler mar lemo kendo omiyi kony moa Sayun.

Send thee help from the sanctuary, and strengthen thee out of Zion;

3 Mad opar misengni magi duto kendo oyie gi misengini miwangʼo pep magi. (Sela)

Remember all thy offerings, and accept thy burnt sacrifice; (Selah)

4 Mad omiyi gima chunyi gombo kendo omi chenro magi duto odhi maber.

Grant thee according to thine own heart, and fulfil all thy counsel.

5 Wabiro kok gimor ka ilocho kendo wabiro tingʼo bendechwa malo e nying Nyasachwa. Mad Jehova Nyasaye chiw gik moko duto mikwaye.

We will rejoice in thy salvation, and in the name of our God we will set up our banners: the Lord fulfil all thy petitions.

6 Koro angʼeyo ni Jehova Nyasaye reso ngʼate mowir; odwoke gie kare maler mar lemo manie polo, gi teko ma waro ji mar lwete ma korachwich.

Now know I that the Lord saveth his anointed; he will hear him from his holy heaven with the saving strength of his right hand.

7 Jomoko ogeno kuom gechegi to jomoko kuom faresegi, to wan to wageno kuom nying Jehova Nyasaye, ma Nyasachwa.

Some trust in chariots, and some in horses: but we will remember the name of the Lord our God.

8 Gibiro lwar e chonggi mi gipodhi, to wan wabiro aa malo mi wachungʼ motegno.

They are brought down and fallen: but we are risen, and stand upright.

9 Yaye Jehova Nyasaye, reswa ruoth! Dwokwa ka waluongi!

Save, Lord: let the king hear us when we call.