Zaburi 148
1 Pakuru Jehova Nyasaye! Pakuru Jehova Nyasaye gie polo, ee, pakeuru gi malo kuma bor.
Praise the LORD. Praise the LORD from the heavens. Praise him in the heights.
2 Pakeuru, un malaikane duto, pakeuru, un jopolo duto.
Praise him, all his angels. Praise him, all his army.
3 Wangʼ chiengʼ gi dwe bende opake, kaachiel gi sulwe duto marieny.
Praise him, sun and moon. Praise him, all you shining stars.
4 Un polo man malo mogik, pakeuru, kaachiel gi un, pige manie bwo polo.
Praise him, you heavens of heavens, You waters that are above the heavens.
5 Onego gipak nying Jehova Nyasaye kargi duto nimar nogolo chik mine gibetie.
Let them praise the name of the LORD, For he commanded, and they were created.
6 Ne ogurogi kuondegi nyaka chiengʼ kendo nyaka chiengʼ kaluwore gi chikne mochwere.
He has also established them forever and ever. He has made a decree which will not pass away.
7 Pakuru Jehova Nyasaye gie piny, un gik madongo mag nam kod kude matut duto mag ataro,
Praise the LORD from the earth, you great sea creatures, and all depths.
8 kaachiel gi mil polo gi pe gi theluji gi boche, kod yembe maringo matek mawinjo wachne;
Lightning and hail, snow and clouds; stormy wind, fulfilling his word;
9 kod un gode gi thuche gi yiende manyago olembe gi yiende mag sida duto;
mountains and all hills; fruit trees and all cedars;
10 kod le mager gi jamni duto gi le matindo gi winy mafuyo,
wild animals and all livestock; small creatures and flying birds;
11 kod ruodhi mag piny gi ogendini duto; kod un jotelo gi joloch duto mag piny,
kings of the earth and all peoples; princes and all judges of the earth;
12 kod un yawuowi matindo gi nyiri matindo, gi jodongo kod nyithindo.
both young men and maidens; old men and children:
13 Onego gipak nying Jehova Nyasaye gin duto, nimar nyinge kende ema nigi duongʼ; kendo duongʼne maler oyombo piny gi polo.
let them praise the name of the LORD, for his name alone is exalted. His glory is above the earth and the heavens.
14 Osechungo tung ne joge, tung mosekelo pak ne joge maler duto, joge ma jo-Israel, ma gin joma ni machiegni gi chunye. Pakuru Jehova Nyasaye!
He has lifted up the horn of his people, the praise of all his faithful ones; even of the children of Israel, a people near to him. Praise the LORD.
