Zaburi 146

1 Pak ne Jehova Nyasaye! Yaye chunya, pak Jehova Nyasaye.

Praise ye the LORD! Praise the LORD, O my soul!

2 Abiro pako Jehova Nyasaye e ngimana duto; abiro wero wende pak ne Nyasacha kinde duto ma angima.

I will praise the LORD, as long as I live; I will sing praises to my God, while I have my being.

3 Kik iket genoni kuom ruodhi mag piny, kata kuom dhano matho ma ok nyal waro ngʼato,

Put not your trust in princes, In the son of man, in whom is no help!

4 nikech ka chunygi ochot to gidok e lowo; kendo chiengʼono chenrogi ogik gikanyono.

His breath goeth forth; he returneth to the dust; In that very day his plans perish.

5 Ogwedh ngʼat ma konyruokne en Nyasach Jakobo, ngʼat ma genone ni kuom Jehova Nyasaye ma Nyasache.

Happy is he that hath the God of Jacob for his help; Whose hope is in the LORD, his God;

6 En jachwech mar polo gi piny, gi nam kod gik moko duto manie igi, osiko ka en ja-adiera nyaka chiengʼ.

Who made heaven and earth, The sea, and all that is therein; Who keepeth truth for ever;

7 Ochwako ngʼat misando kendo ochiwo chiemo ne joma odenyo. Jehova Nyasaye gonyo joma otwe mi gibed thuolo,

Who executeth judgment for the oppressed; Who giveth food to the hungry. The LORD setteth free the prisoners;

8 kendo Jehova Nyasaye miyo muofni neno. Jehova Nyasaye miyo joma piny otaro aa malo, kendo ohero joma kare.

The LORD openeth the eyes of the blind; The LORD raiseth up them that are bowed down; The LORD loveth the righteous.

9 Jehova Nyasaye rito jadak kendo okonyo nyathi kich gi dhako ma chwore otho, to yore mag ngʼama timbene richo to orocho.

The LORD preserveth the strangers; He relieveth the fatherless and the widow; But the way of the wicked he maketh crooked.

10 Jehova Nyasaye olocho nyaka chiengʼ yaye Sayun, Nyasachi olocho nyaka tienge duto mabiro. Pakuru Jehova Nyasaye!

The LORD shall reign for ever; Thy God, O Zion! to all generations! Praise ye the LORD!