Zaburi 144
1 Mar Daudi. Pak obed ni Jehova Nyasaye ma en Lwandana, pakeuru en motego lwetena ne lweny, kendo en momiyo lith lwetena bedo mongʼith e kedo.
| לדוד ברוך יהוה צורי המלמד ידי לקרב אצבעותי למלחמה׃ |
2 En Nyasacha ma jahera kendo en ohingana, bende en kar pondona kendo en jakonyna. En okumbana ma agengʼorago, kendo en ema oloyona joma ni e bwoya.
| חסדי ומצודתי משגבי ומפלטי לי מגני ובו חסיתי הרודד עמי תחתי׃ |
3 Dhano to en angʼo, yaye Jehova Nyasaye, momiyo iketo chunyi kuome, koso wuod dhano to en angʼo, momiyo isiko ipare?
| יהוה מה אדם ותדעהו בן אנוש ותחשבהו׃ |
4 Dhano chalo gi muya nono kendo ndalone chalo gi tipo makadho piyo.
| אדם להבל דמה ימיו כצל עובר׃ |
5 Wuogi e polo, yaye Jehova Nyasaye, wuogi mondo ilor piny; lor piny imul gode, mondo gidhuol iro.
| יהוה הט שמיך ותרד גע בהרים ויעשנו׃ |
6 Or mil polo, mondo ike wasigu; dir aserni magi, mondo itiekgi.
| ברוק ברק ותפיצם שלח חציך ותהמם׃ |
7 Rie lweti koa e polo nyaka piny, mondo ikonya, kendo igola, e pige ma tekregi ngʼeny, kendo e lwet jopinje mamoko,
| שלח ידיך ממרום פצני והצילני ממים רבים מיד בני נכר׃ |
8 ma dhogi opongʼ gi miriambo kendo ma lwetgi ma korachwich opongʼ gi wuondruok.
| אשר פיהם דבר שוא וימינם ימין שקר׃ |
9 Abiro weroni wer manyien, yaye Nyasaye; abiro weroni wer mamit ka agoyoni thum man-gi tonde apar,
| אלהים שיר חדש אשירה לך בנבל עשור אזמרה לך׃ |
10 abiro werne Jal mamiyo ruodhi locho, kendo makonyo Daudi jatichne e dho ligangla mager.
| הנותן תשועה למלכים הפוצה את דוד עבדו מחרב רעה׃ |
11 Konya kendo gola e lwet jopinje mamoko, ma dhogi opongʼ gi miriambo kendo ma lwetgi ma korachwich opongʼ gi wuondruok.
| פצני והצילני מיד בני נכר אשר פיהם דבר שוא וימינם ימין שקר׃ |
12 Eka yawuotwa biro chalo gi yiende mayudo pi maber, kendo nyiwa biro chalo gi sirni modol maber mondo olich dala ruoth.
| אשר בנינו כנטעים מגדלים בנעוריהם בנותינו כזוית מחטבות תבנית היכל׃ |
13 Dechewa biro pongʼ gi kit mwandu duto. Rombewa biro medore gana gi gana, ee, gibiro bedo gana mathoth e lek magwa,
| מזוינו מלאים מפיקים מזן אל זן צאוננו מאליפות מרבבות בחוצותינו׃ |
14 kendo rwedhi magwa biro ywayo misike mapek. Jokwoge ok nodonj e kundewa, bende ok noterwa e twech, kendo yoreyore ok nogo e gwengʼwa.
| אלופינו מסבלים אין פרץ ואין יוצאת ואין צוחה ברחבתינו׃ |
15 Ogwedh joma gigi gin adier kuomgi; kendo ogwedh jogo ma Nyasachgi en Jehova Nyasaye.
| אשרי העם שככה לו אשרי העם שיהוה אלהיו׃ |
