Zaburi 141

1 Zaburi Mar Daudi. Aluongi, yaye Jehova Nyasaye, yie ibi ira piyo. Yie iwinj dwonda ka aluongi.

מזמור לדוד יהוה קראתיך חושה לי האזינה קולי בקראי-לך

2 Mad lamona osiki e nyimi mana ka ubani miwangʼo, kendo bedena osik koriere kochomo malo mana ka misango mitimoni godhiambo.

תכון תפלתי קטרת לפניך משאת כפי מנחת-ערב

3 Yaye Jehova Nyasaye, ket jarit e dhoga; ketna jarit mondo okonya umo dhoga.

שיתה יהוה שמרה לפי נצרה על-דל שפתי

4 Kik iyie gimoro amora marach ywa chunya, ma dimi an bende atim timbe maricho, kaachiel gi joma timbe gi richo; rita mondo kik acham chiembgi mabeyonegi.

אל-תט-לבי לדבר רע להתעולל עללות ברשע-- את-אישים פעלי-און ובל-אלחם במנעמיהם

5 Onego ngʼat makare ema ogoya, nikech mano chalo tim ngʼwono motimona; onego en ema okwera, nikech mano chalo mo mool e wiya; ok anyal dagi mondo ngʼama kare otimna kamano. To kata kamano obiro kwedo timbe joma richo e lemona;

יהלמני צדיק חסד ויוכיחני-- שמן ראש אל-יני ראשי כי-עוד ותפלתי ברעותיהם

6 chiengʼ ma nowit ruodhigi piny koa ewi got mabor, eka joma timbegi richo nongʼe ni kare wechena ne gin adier.

נשמטו בידי-סלע שפטיהם ושמעו אמרי כי נעמו

7 Giniwach niya, “Mana kaka ngʼato puro kendo toyo lowo, e kaka chokewa osekere e dho bur liel.” (Sheol h7585)

כמו פלח ובקע בארץ-- נפזרו עצמינו לפי שאול (Sheol h7585)

8 Anto atego wangʼa kuomi, yaye Jehova Nyasaye Manyalo Gik Moko Duto; In e kar pondona, omiyo kik iwe atho.

כי אליך יהוה אדני עיני בכה חסיתי אל-תער נפשי

9 Kik iwe obadho ma gisechikona maka, ee, resa kuom otegu ma joma timbegi richo ochikona.

שמרני--מידי פח יקשו לי ומקשות פעלי און

10 Mad joma timbegi richogo moki e gokegi giwegi ka anto akadho maber mak gimoro otima.

יפלו במכמריו רשעים יחד אנכי עד-אעבור