Zaburi 12

1 Kuom jatend wer. Kaluwore gi sheminith. Zaburi mar Daudi. Kony ji yaye Jehova Nyasaye, nikech joma oluoro Nyasaye koro onge; joma jo-adiera oserumo e dier ji.

For the leader; on the sheminith. A psalm of David. Help, Lord, for the good are all gone, faithful people have vanished.

2 Ngʼato ka ngʼato riambo ne nyawadgi; dhogi mohero jaro ji wuoyo gi wuond.

One lies to another, speaking empty lies, with flattering lips and false hearts they speak.

3 Mad Jehova Nyasaye ongʼad oko lep duto ma jaro ji kod lep duto masungore;

May the Lord cut off all the flattering lips, and the tongue that utters arrogance,

4 mawacho niya, “Wabiro wuoyo kaka wahero; kendo onge ngʼama biro tamowa. Koso en ngʼa ma ruodhwa manyalo tamowa timo kamano?”

they declare, “Our tongue is our strength, our allies our lips: who is lord over us?”

5 “Nikech dich modigo joma ok nyal kod chur ma joma ochando churgo, koro abiro aa malo,” Jehova Nyasaye owacho. “Abiro ritogi e lwet joma sandogi.”

“The poor are despoiled, and the needy are sighing; so now I will act,” the Lord declares “And place them in the safety they long for.”

6 Weche Jehova Nyasaye liw, giliw ka fedha moleny e lowo mowangʼ maliet ha, mopwodhi ndalo abiriyo.

The words of the Lord are words that are pure, silver smelted, seven times refined.

7 Yaye Jehova Nyasaye, yie iritwa maber kik gimoro ohinywa kendo reswa e lwet joma kamago nyaka chiengʼ.

You will keep us, Lord, and guard us from this generation forever,

8 Joma timbegi richo wuotho koni gi koni kendo gima rach ema ji puoyo.

in a world where the wicked prowl, and worthless people exalted.