Zaburi 119
1 Ogwedh joma yoregi ler, mawuotho koluwore gi chik Jehova Nyasaye.
| אשרי תמימי דרך ההלכים בתורת יהוה׃ |
2 Ogwedh joma orito chikene kendo ma manye gi chunygi duto.
| אשרי נצרי עדתיו בכל לב ידרשוהו׃ |
3 Gin joma ok tim gimoro amora marach, to gisiko ka giwuotho e yorene.
| אף לא פעלו עולה בדרכיו הלכו׃ |
4 Iseguro chikeni ni nyaka lu kaka gin.
| אתה צויתה פקדיך לשמר מאד׃ |
5 Yaye, mad ne bed ni yorena ogurore e luwo chikeni!
| אחלי יכנו דרכי לשמר חקיך׃ |
6 Dine ok aneno wichkuot nikech aketo chunya e chikeni duto.
| אז לא אבוש בהביטי אל כל מצותיך׃ |
7 Kaka amedo puonjora chikeni makare e kaka abiro dhi nyime gi paki gi chuny moriere tir.
| אודך בישר לבב בלמדי משפטי צדקך׃ |
8 Abiro rito chikeni; omiyo kik ijwangʼa chuth.
| את חקיך אשמר אל תעזבני עד מאד׃ |
9 Ere kaka ngʼama pod tin nyalo rito ngimane mondo osik ka oler? Onyalo rito mana ka odak moluwore gi wachni.
| במה יזכה נער את ארחו לשמר כדברך׃ |
10 Amanyi gi chunya duto; omiyo kik iwe abar awe chikeni.
| בכל לבי דרשתיך אל תשגני ממצותיך׃ |
11 Asekano wachni ei chunya mondo kik akethi e nyimi.
| בלבי צפנתי אמרתך למען לא אחטא לך׃ |
12 Yaye Jehova Nyasaye, mad iyud pak; yie ipuonja chikeni.
| ברוך אתה יהוה למדני חקיך׃ |
13 Aolo gi dhoga chike duto mowuok e dhogi.
| בשפתי ספרתי כל משפטי פיך׃ |
14 Luwo chikeni mora mana kaka ngʼato bedo mamor kuom mwandu duto.
| בדרך עדותיך ששתי כעל כל הון׃ |
15 Abiro paro matut kuom chikeni kendo abiro tego wengena e yoreni.
| בפקדיך אשיחה ואביטה ארחתיך׃ |
16 Amor ahinya gi chikeni; ok abi jwangʼo wachni.
| בחקתיך אשתעשע לא אשכח דברך׃ |
17 Tim maber ne jatichni, eka abiro bedo mangima kendo abiro rito chikeni.
| גמל על עבדך אחיה ואשמרה דברך׃ |
18 Yaw wengena mondo eka ane gik mabeyo miwuoro manie chikeni.
| גל עיני ואביטה נפלאות מתורתך׃ |
19 An mana wendo e piny omiyo kik ipandna chikeni.
| גר אנכי בארץ אל תסתר ממני מצותיך׃ |
20 Chunya opongʼ kod siso mar chikeni kinde duto.
| גרסה נפשי לתאבה אל משפטיך בכל עת׃ |
21 Ikwero joma ochayo ji, ma gin joma okwongʼ, kendo gin joma osebaro oweyo chikeni.
| גערת זדים ארורים השגים ממצותיך׃ |
22 Gol kuoma ajara gi achaya nimar arito chikeni.
| גל מעלי חרפה ובוז כי עדתיך נצרתי׃ |
23 Kata obedo ni jotelo chokorena kendo giyanya, to jatichni pod biro mana paro matut kuom chikeni.
| גם ישבו שרים בי נדברו עבדך ישיח בחקיך׃ |
24 Chikeni e morna; gin e jongʼad rieko maga.
| גם עדתיך שעשעי אנשי עצתי׃ |
25 Osepiela ei lowo piny; omiyo rit ngimana kaluwore gi wachni.
| דבקה לעפר נפשי חיני כדברך׃ |
26 Kane ahulo yorena to ne idwoka; puonja chikeni.
| דרכי ספרתי ותענני למדני חקיך׃ |
27 Mi awinj tiend gik ma chikegi puonjo; eka abiro paro matut kuom timbegi miwuoro.
| דרך פקודיך הבינני ואשיחה בנפלאותיך׃ |
28 Kuyo onyoso chunya, omiyo meda teko kaluwore gi wachni.
| דלפה נפשי מתוגה קימני כדברך׃ |
29 Gengʼa kik adonji e yore mag miriambo, kendo ngʼwon-na ka ipuonja chikni.
| דרך שקר הסר ממני ותורתך חנני׃ |
30 Aseyiero yor adiera; kendo aseketo chunya e chikeni.
| דרך אמונה בחרתי משפטיך שויתי׃ |
31 Amako chikeni matek, yaye Jehova Nyasaye, omiyo kik iwe ane wichkuot.
| דבקתי בעדותיך יהוה אל תבישני׃ |
32 Yor chikeni ema aringe, nimar isegonyo chunya.
| דרך מצותיך ארוץ כי תרחיב לבי׃ |
33 Puonja mondo alu yoreni, yaye Jehova Nyasaye, eka abiro ritogi nyaka giko.
| הורני יהוה דרך חקיך ואצרנה עקב׃ |
34 Miya rieko mondo eka arit chikeni kendo atim kaka owacho gi chunya duto.
| הבינני ואצרה תורתך ואשמרנה בכל לב׃ |
35 Taya e yo mar chikeni, nimar kanyo ema ayudoe mor.
| הדריכני בנתיב מצותיך כי בו חפצתי׃ |
36 Ket chunya mondo oher chikeni, to ok dwaro maga mag wuoro.
| הט לבי אל עדותיך ואל אל בצע׃ |
37 Gol wangʼa oko kuom gik manono; rit ngimana kaluwore gi wachni.
| העבר עיני מראות שוא בדרכך חיני׃ |
38 Chop singruok mari ne jatichni, mondo ji oluori.
| הקם לעבדך אמרתך אשר ליראתך׃ |
39 Golna achaya ma aluoro, nimar chikeni beyo.
| העבר חרפתי אשר יגרתי כי משפטיך טובים׃ |
40 Mano kaka ahero yoreni! Rit ngimana e timni makare.
| הנה תאבתי לפקדיך בצדקתך חיני׃ |
41 Mad herani ma ok rem bina, yaye Jehova Nyasaye, mad warruokni bina kaluwore gi singruokni.
| ויבאני חסדך יהוה תשועתך כאמרתך׃ |
42 Eka abiro dwokora gi ngʼat ma timona anyali, nimar ageno kuom wachni.
| ואענה חרפי דבר כי בטחתי בדברך׃ |
43 Kik igol wach mar adiera e dhoga chuth, nimar aseketo genona e chikeni.
| ואל תצל מפי דבר אמת עד מאד כי למשפטך יחלתי׃ |
44 Abiro rito chikeni ndalo duto, manyaka chiengʼ.
| ואשמרה תורתך תמיד לעולם ועד׃ |
45 Abiro wuotho ka an thuolo, nimar chikeni ema asebedo ka amanyo.
| ואתהלכה ברחבה כי פקדיך דרשתי׃ |
46 Abiro wuoyo kuom chikeni e nyim ruodhi kendo wiya ok bi kuot,
| ואדברה בעדתיך נגד מלכים ולא אבוש׃ |
47 nimar amor gi chikeni nikech aherogi.
| ואשתעשע במצותיך אשר אהבתי׃ |
48 Atingʼo bedena malo ne chikeni ma ahero kendo asiko aparo matut kuom yoreni.
| ואשא כפי אל מצותיך אשר אהבתי ואשיחה בחקיך׃ |
49 Par wachni mane iwacho ne jatichni, nimar isemiya geno.
| זכר דבר לעבדך על אשר יחלתני׃ |
50 Gima hoya e chandruokna en ma: ni singruokni rito ngimana.
| זאת נחמתי בעניי כי אמרתך חיתני׃ |
51 Joma ochayo ji jara ma ok obadhogi to kata kamano ok alokra awe chikeni.
| זדים הליצני עד מאד מתורתך לא נטיתי׃ |
52 Asiko aparo chikeni mosebedo ka nitie nyaka nene, yaye Jehova Nyasaye, kendo ayudo hoch kuomgi.
| זכרתי משפטיך מעולם יהוה ואתנחם׃ |
53 Mirima mager omaka nikech joma timbegi richo, mosejwangʼo chikeni.
| זלעפה אחזתני מרשעים עזבי תורתך׃ |
54 Chikeni e thoro mar wenda, kamoro amora ma abwore.
| זמרות היו לי חקיך בבית מגורי׃ |
55 Aparo nyingi gotieno, yaye Jehova Nyasaye, kendo abiro rito chikni.
| זכרתי בלילה שמך יהוה ואשמרה תורתך׃ |
56 Ma osebedo timna, nimar asebedo ka arito yoreni.
| זאת היתה לי כי פקדיך נצרתי׃ |
57 In e pokna, yaye Jehova Nyasaye; asesingora ni abiro rito chikeni.
| חלקי יהוה אמרתי לשמר דבריך׃ |
58 Asemanyo wangʼi gi chunya duto; ngʼwon-na kaluwore gi singruok mari.
| חליתי פניך בכל לב חנני כאמרתך׃ |
59 Asenono yorena kendo asechiko yorena mondo oluw yoreni.
| חשבתי דרכי ואשיבה רגלי אל עדתיך׃ |
60 Abiro reto kendo ok abi deko mar rito chikeni.
| חשתי ולא התמהמהתי לשמר מצותיך׃ |
61 Kata obedo ni joma timbegi richo orida gi tonde, to wiya ok bi wil gi chikeni.
| חבלי רשעים עודני תורתך לא שכחתי׃ |
62 Achiewo dier otieno mondo aduokni erokamano kuom chikeni makare.
| חצות לילה אקום להודות לך על משפטי צדקך׃ |
63 An osiep ji duto moluori, jogo duto moluwo yoreni.
| חבר אני לכל אשר יראוך ולשמרי פקודיך׃ |
64 Piny opongʼ gi herani, yaye Jehova Nyasaye; yie ipuonja chikeni.
| חסדך יהוה מלאה הארץ חקיך למדני׃ |
65 Tim maber ne jatichni kaluwore gi wachni, yaye Jehova Nyasaye.
| טוב עשית עם עבדך יהוה כדברך׃ |
66 Puonja ngʼeyo gi paro maber, nimar ayie kuom chikeni.
| טוב טעם ודעת למדני כי במצותיך האמנתי׃ |
67 Kane pok ayudo masira to ne abayo yo, to sani koro atimo gima wachni owacho.
| טרם אענה אני שגג ועתה אמרתך שמרתי׃ |
68 Iber, kendo gima itimo ber; omiyo puonja chikeni.
| טוב אתה ומטיב למדני חקיך׃ |
69 Kata obedo ni joma ochayo ji osemiena gi miriambo, to pod arito yoreni gi chunya duto.
| טפלו עלי שקר זדים אני בכל לב אצר פקודיך׃ |
70 Chunygi tek kendo ok dew gimoro amora; to an to chikni miya mor.
| טפש כחלב לבם אני תורתך שעשעתי׃ |
71 Ne en gima ber mondo ayud chandruok mondo eka apuonjra chikeni.
| טוב לי כי עניתי למען אלמד חקיך׃ |
72 Chik moa e dhogi berna moloyo ngʼinjo gana gi gana mag fedha gi dhahabu.
| טוב לי תורת פיך מאלפי זהב וכסף׃ |
73 Lweti ema nochweya; miya ngʼeyo mondo apuonjra chikeni.
| ידיך עשוני ויכוננוני הבינני ואלמדה מצותיך׃ |
74 Mad joma oluori bed mamor ka ginena, nimar aseketo genona e wachni.
| יראיך יראוני וישמחו כי לדברך יחלתי׃ |
75 Angʼeyo, yaye Jehova Nyasaye, ni chikeni nikare, kendo angʼeyo ni chwat misechwadago nikare.
| ידעתי יהוה כי צדק משפטיך ואמונה עניתני׃ |
76 Mad ihoya gi herani ma ok rem, kaluwore gi singruok mane imiyo jatichni.
| יהי נא חסדך לנחמני כאמרתך לעבדך׃ |
77 Orna kechni mondo abed mangima, nimar chikni e morna.
| יבאוני רחמיך ואחיה כי תורתך שעשעי׃ |
78 Mad joma ochayo ji ne wichkuot kuom kwinya maonge gima omiyo, an to abiro paro matut kuom yoreni.
| יבשו זדים כי שקר עותוני אני אשיח בפקודיך׃ |
79 Mad joma oluori dog jokora, kaachiel gi joma ongʼeyo bucheni.
| ישובו לי יראיך וידעו עדתיך׃ |
80 Mad chunya bed maonge ketho, kuom rito chikeni, mondo kik ane wichkuot.
| יהי לבי תמים בחקיך למען לא אבוש׃ |
81 Riyo mar dwaro warruokni oloyo chunya, kata kamano aseketo genona e wachni.
| כלתה לתשועתך נפשי לדברך יחלתי׃ |
82 Wengena ool kamanyo singruokni; apenjora niya, “Ibiro hoya karangʼo?”
| כלו עיני לאמרתך לאמר מתי תנחמני׃ |
83 Kata obedo ni achalo pien tingʼo divai molier e iro, to wiya pok owil gi chikeni.
| כי הייתי כנאד בקיטור חקיך לא שכחתי׃ |
84 Jatichni biro rito nyaka karangʼo? Ibiro kumo joma sanda karangʼo?
| כמה ימי עבדך מתי תעשה ברדפי משפט׃ |
85 Joma ochayo ji osekunyona buche mondo apodhie, gitimo gima chikni okwedo.
| כרו לי זדים שיחות אשר לא כתורתך׃ |
86 Chikeni duto inyalo geno; omiyo yie ikonya, nikech ji sanda maonge gima omiyo.
| כל מצותיך אמונה שקר רדפוני עזרני׃ |
87 Ne gichiegni yweya oko e piny, to kata kamano pok aweyo chikeni.
| כמעט כלוני בארץ ואני לא עזבתי פקודיך׃ |
88 Rit ngimana kaluwore gi herani, mondo alu chike mowuok e dhogi.
| כחסדך חיני ואשמרה עדות פיך׃ |
89 Wachni ochwere, yaye Jehova Nyasaye; ochungʼ mogurore e polo.
| לעולם יהוה דברך נצב בשמים׃ |
90 Adiera mari ochwere e tienge duto; mana kaka ne iguro piny mi piny osiko.
| לדר ודר אמונתך כוננת ארץ ותעמד׃ |
91 Chikeni osiko nyaka kawuono, nimar gik moko duto tiyoni.
| למשפטיך עמדו היום כי הכל עבדיך׃ |
92 Ka dine bed ni chikeni ok ema miya mor, to dikoro aselal nono nikech masichena.
| לולי תורתך שעשעי אז אבדתי בעניי׃ |
93 Wiya ok bi wil gi bucheni, nimar gin ema iseritogo ngimana.
| לעולם לא אשכח פקודיך כי בם חייתני׃ |
94 Resa nimar an mari; nikech asiko amanyo chikeni ndalo duto.
| לך אני הושיעני כי פקודיך דרשתי׃ |
95 Joma timbegi richo obutona mondo gitieka, to abiro bet mos ka aparo kuom chikeni.
| לי קוו רשעים לאבדני עדתיך אתבונן׃ |
96 Angʼeyo ni koda ka gik malongʼo chuth nigi gikogi, to chikeni onge gikogi.
| לכל תכלה ראיתי קץ רחבה מצותך מאד׃ |
97 Yaye, mano kaka ahero chikni! Aparo kuome odiechiengʼ duto.
| מה אהבתי תורתך כל היום היא שיחתי׃ |
98 Chikeni miyo abedo mariek moloyo wasika, nimar gisiko gin koda seche duto.
| מאיבי תחכמני מצותך כי לעולם היא לי׃ |
99 An gi winjo moloyo jopuonjna duto, nimar arito chikeni.
| מכל מלמדי השכלתי כי עדותיך שיחה לי׃ |
100 Wach donjona moloyo jodongo machon nimar arito chikeni.
| מזקנים אתבונן כי פקודיך נצרתי׃ |
101 Asetamo tiendena ni kik wuothi e yore maricho, mondo eka atim gima wachni ochiko.
| מכל ארח רע כלאתי רגלי למען אשמר דברך׃ |
102 Pok abaro aweyo chikeni, nimar in iwuon ema isepuonja.
| ממשפטיך לא סרתי כי אתה הורתני׃ |
103 Mano kaka wechegi mit ka abilogi, gimit e dhoga moloyo mor kich!
| מה נמלצו לחכי אמרתך מדבש לפי׃ |
104 Chikeni miyo abedo gi winjo; emomiyo achayo yo moro amora marach.
| מפקודיך אתבונן על כן שנאתי כל ארח שקר׃ |
105 Wachni e taya mar tienda kendo en ler mamenyona yo.
| נר לרגלי דברך ואור לנתיבתי׃ |
106 Asekwongʼora mi aketo sei ni abiro siko kaluwo chikeni makare.
| נשבעתי ואקימה לשמר משפטי צדקך׃ |
107 Asechandora moloyo; omiyo rit ngimana, yaye Jehova Nyasaye, kaluwore gi wachni.
| נעניתי עד מאד יהוה חיני כדברך׃ |
108 Rwak pak ma achiwoni gi dhoga ka ahero, yaye Jehova Nyasaye, kendo puonja chikeni.
| נדבות פי רצה נא יהוה ומשפטיך למדני׃ |
109 Kata obedo ni atingʼo ngimana e lweta kinde duto, to wiya ok bi wil gi chikeni.
| נפשי בכפי תמיד ותורתך לא שכחתי׃ |
110 Joma timbegi richo osechikona obadho; to kata kamano pok abaro aweyo bucheni.
| נתנו רשעים פח לי ומפקודיך לא תעיתי׃ |
111 Chikeni e girkeni mara manyaka chiengʼ; gin e mor mar chunya.
| נחלתי עדותיך לעולם כי ששון לבי המה׃ |
112 Aketo chunya kuom rito chikeni ma ok aweyo nyaka giko.
| נטיתי לבי לעשות חקיך לעולם עקב׃ |
113 Achayo joma pachgi ariyo, to ahero chikni.
| סעפים שנאתי ותורתך אהבתי׃ |
114 In e ohingana kendo okumbana; omiyo aseketo genona e wachni.
| סתרי ומגני אתה לדברך יחלתי׃ |
115 Ayiuru buta, un jorichogi, mondo arit chike mag Nyasacha!
| סורו ממני מרעים ואצרה מצות אלהי׃ |
116 Maka motegno kaluwore gi singruokni, eka anabed mangima; kik iwe geno ma an-go lalna.
| סמכני כאמרתך ואחיה ואל תבישני משברי׃ |
117 Sira eka ananwangʼ konyruok; abiro siko ka ahero chikeni.
| סעדני ואושעה ואשעה בחקיך תמיד׃ |
118 Idagi ji duto mabaro weyo chikeni, nimar wuondruok ma giwuondorego en kayiem.
| סלית כל שוגים מחקיך כי שקר תרמיתם׃ |
119 Joma timbegi richo duto modak e piny ipuko oko ka yugi; emomiyo ahero chikeni.
| סגים השבת כל רשעי ארץ לכן אהבתי עדתיך׃ |
120 Denda tetni nikech oluori, kihondko omaka nikech chikeni.
| סמר מפחדך בשרי וממשפטיך יראתי׃ |
121 asetimo gima kare kendo madier, omiyo kik iweya e lwet joma sanda.
| עשיתי משפט וצדק בל תניחני לעשקי׃ |
122 Ne ni jatichni dhi maber, kendo kik iyie joma ochayo ji osanda.
| ערב עבדך לטוב אל יעשקני זדים׃ |
123 Wengena ool karango resruok mikelo, kendo kamanyo gima kare mane isingona.
| עיני כלו לישועתך ולאמרת צדקך׃ |
124 Timne jatichni kaluwore gi herani, kendo puonja chikeni.
| עשה עם עבדך כחסדך וחקיך למדני׃ |
125 An jatichni, omiyo yie imiya nyalo mar ngʼeyo gik mopondo eka awinj tiend chikeni.
| עבדך אני הבינני ואדעה עדתיך׃ |
126 Sa oromo mondo koro itim gimoro, yaye Jehova Nyasaye, nikech iketho chikni.
| עת לעשות ליהוה הפרו תורתך׃ |
127 Nikech ahero chikeni moloyo dhahabu, kendo moloyo dhahabu maler mogik,
| על כן אהבתי מצותיך מזהב ומפז׃ |
128 kendo nikech akawo bucheni duto ni nikare, omiyo achayo yo moro amora marach.
| על כן כל פקודי כל ישרתי כל ארח שקר שנאתי׃ |
129 Chikeni lich miwuoro; emomiyo aritogi.
| פלאות עדותיך על כן נצרתם נפשי׃ |
130 Wachni koler tiende to kelo ler, omiyo joma riekogi tin bedo gi winjo.
| פתח דבריך יאיר מבין פתיים׃ |
131 Ayawo dhoga kendo agamo yweyo, ka agombo chikeni.
| פי פערתי ואשאפה כי למצותיך יאבתי׃ |
132 Lokri iranga mondo ikecha, kaka ijatimo ndalo duto ne joma ohero nyingi.
| פנה אלי וחנני כמשפט לאהבי שמך׃ |
133 Ket okangega mondo gilure gi wachni; kik iwe richo moro amora loya.
| פעמי הכן באמרתך ואל תשלט בי כל און׃ |
134 Resa e dicho ma ji diyogo jowetegi, mondo eka arit bucheni.
| פדני מעשק אדם ואשמרה פקודיך׃ |
135 Ngʼi jatichni gi wangʼ maber kendo puonja chikeni.
| פניך האר בעבדך ולמדני את חקיך׃ |
136 Pi wangʼ bubni kawuok e wengena, nimar chikni ok ji orito.
| פלגי מים ירדו עיני על לא שמרו תורתך׃ |
137 In ngʼat makare, yaye Jehova Nyasaye, kendo chikeni nikare.
| צדיק אתה יהוה וישר משפטיך׃ |
138 Chike misendiko nikare, inyalo genogi chuth.
| צוית צדק עדתיך ואמונה מאד׃ |
139 (Hera) matut ma aherogo wachni tieka, nimar wasika ok dew wachni.
| צמתתני קנאתי כי שכחו דבריך צרי׃ |
140 Singruok magi osetem maber chuth, omiyo jatichni oherogi.
| צרופה אמרתך מאד ועבדך אהבה׃ |
141 Kata obedo ni an chien kendo ji ochaya, to wiya ok nyal wil gi bucheni.
| צעיר אנכי ונבזה פקדיך לא שכחתי׃ |
142 Timni makare osiko kendo chikni en adier,
| צדקתך צדק לעולם ותורתך אמת׃ |
143 Chandruok kod malit osebirona, kata kamano chikeni e morna.
| צר ומצוק מצאוני מצותיך שעשעי׃ |
144 Chikeni nikare nyaka chiengʼ, omiyo miya ngʼeyo mondo abed mangima.
| צדק עדותיך לעולם הבינני ואחיה׃ |
145 Yie idwoka, yaye Jehova Nyasaye, nikech aywakni gi chunya duto kendo abiro timo kaka chikni dwaro.
| קראתי בכל לב ענני יהוה חקיך אצרה׃ |
146 Aywakni, yie ikonya, eka abiro rito chikeni.
| קראתיך הושיעני ואשמרה עדתיך׃ |
147 Achiewo kogwen ka piny pok oyawore kendo aywagora mondo ayud kony; aseketo genona e wachni.
| קדמתי בנשף ואשועה לדבריך יחלתי׃ |
148 Wengena neno otieno duto, mondo omi apar matut kuom singruok magi.
| קדמו עיני אשמרות לשיח באמרתך׃ |
149 Winj dwonda kaluwore gi herani; rit ngimana, yaye Jehova Nyasaye, kaluwore gi chikeni.
| קולי שמעה כחסדך יהוה כמשפטך חיני׃ |
150 Joma chanona gik maricho ni koda machiegni, kata kamano gin mabor gi chikni.
| קרבו רדפי זמה מתורתך רחקו׃ |
151 In to in machiegni, yaye Jehova Nyasaye, kendo chikeni duto gin adier.
| קרוב אתה יהוה וכל מצותיך אמת׃ |
152 Ne apuonjora kuom chikeni chon gi lala, ni ne igurogi mondo gisiki nyaka chiengʼ.
| קדם ידעתי מעדתיך כי לעולם יסדתם׃ |
153 Ne chandruokna mondo ikonya, nimar pok wiya owil gi chikni.
| ראה עניי וחלצני כי תורתך לא שכחתי׃ |
154 Dog jakora mondo iresa, rit ngimana kaluwore gi singruokni.
| ריבה ריבי וגאלני לאמרתך חיני׃ |
155 Warruok ni mabor gi joma timbegi richo, nimar ok giket chunygi kuom dwaro chikeni.
| רחוק מרשעים ישועה כי חקיך לא דרשו׃ |
156 Ngʼwononi duongʼ, yaye Jehova Nyasaye; rit ngimana kaluwore gi chikeni.
| רחמיך רבים יהוה כמשפטיך חיני׃ |
157 Wasigu masanda thoth adier, to kata kamano pok abaro aweyo chikeni.
| רבים רדפי וצרי מעדותיך לא נטיתי׃ |
158 Arango joma onge yie ka chunya ochido kodgi, nimar ok girit chikni.
| ראיתי בגדים ואתקוטטה אשר אמרתך לא שמרו׃ |
159 Neye kaka ahero bucheni; omiyo rit ngimana, yaye Jehova Nyasaye, kaluwore gi herani.
| ראה כי פקודיך אהבתי יהוה כחסדך חיני׃ |
160 Wechegi duto gin adier; kendo chikegi makare duto ochwere.
| ראש דברך אמת ולעולם כל משפט צדקך׃ |
161 Jotelo sanda maonge gima omiyo, to kata kamano chunya oluoro wachni.
| שרים רדפוני חנם ומדבריך פחד לבי׃ |
162 Singruokni miya mor, mana ka ngʼama oyudo mwandu maduongʼ mope wasigu.
| שש אנכי על אמרתך כמוצא שלל רב׃ |
163 Asin kendo ajok gi miriambo, to ahero chikni.
| שקר שנאתי ואתעבה תורתך אהבתי׃ |
164 Apaki ndalo abiriyo e odiechiengʼ achiel kuom chikegi makare.
| שבע ביום הללתיך על משפטי צדקך׃ |
165 Joma ohero chikeni nigi kwe maduongʼ kendo onge gima nyalo miyo gichwanyre.
| שלום רב לאהבי תורתך ואין למו מכשול׃ |
166 Arito warruokni, yaye Jehova Nyasaye, kendo aluwo chikeni.
| שברתי לישועתך יהוה ומצותיך עשיתי׃ |
167 Atimo gima chikeni dwaro, nimar aherogi gihera maduongʼ.
| שמרה נפשי עדתיך ואהבם מאד׃ |
168 Arito bucheni gi chikeni, nimar yorega duto ongʼereni maber.
| שמרתי פקודיך ועדתיך כי כל דרכי נגדך׃ |
169 Mad ywakna chopi e nyimi, yaye Jehova Nyasaye; mi abed gi winjo kaluwore gi wachni.
| תקרב רנתי לפניך יהוה כדברך הבינני׃ |
170 Mad kwayona chopi e nyimi, resa kaluwore gi singruokni.
| תבוא תחנתי לפניך כאמרתך הצילני׃ |
171 Mad dhoga pongʼ gi pak, nimar isepuonja chikeni.
| תבענה שפתי תהלה כי תלמדני חקיך׃ |
172 Mad lewa wer kuom wachni, nimar chikegi duto nikare.
| תען לשוני אמרתך כי כל מצותיך צדק׃ |
173 Mad lweti ikre mar konya, nimar aseyiero bucheni.
| תהי ידך לעזרני כי פקודיך בחרתי׃ |
174 Asedwaro resruok mari matek, yaye Jehova Nyasaye; kendo chikni e morna.
| תאבתי לישועתך יהוה ותורתך שעשעי׃ |
175 We amed bedo mangima mondo apaki, kendo mad chikeni okonya.
| תחי נפשי ותהללך ומשפטך יעזרני׃ |
176 Aserwenyo ka rombo molal, omiyo yie imany jatichni, nimar wiya pok owil gi chikeni.
| תעיתי כשה אבד בקש עבדך כי מצותיך לא שכחתי׃ |
