Zaburi 104
1 Pak Jehova Nyasaye, yaye chunya. Yaye Jehova Nyasaye Nyasacha, mano kaka iduongʼ, irwakori gi luor kod duongʼ.
| ברכי נפשי את-יהוה יהוה אלהי גדלת מאד הוד והדר לבשת |
2 Oumore gi ler mana kaka nanga; oyaro polo mana kaka hema
| עטה-אור כשלמה נוטה שמים כיריעה |
3 kendo ogero ode moluore ewi pi. Oidho boche polo kaka gache mar lweny kendo yamo e ndike moriembo.
| המקרה במים עליותיו השם-עבים רכובו המהלך על-כנפי-רוח |
4 Omiyo yembe bedo kaka jootene, kendo jotichne kaka ligek mach.
| עשה מלאכיו רוחות משרתיו אש להט |
5 Iseguro piny e mise mage; ma ok onyal yiengni kata matin.
| יסד-ארץ על-מכוניה בל-תמוט עולם ועד |
6 Ne iume gi kut mana kaka nanga mi pige obiwore moyombo gode.
| תהום כלבוש כסיתו על-הרים יעמדו מים |
7 To kane ikwero pigego to ne gileny nono, kane giwinji kimor to ne giwalore gia;
| מן-גערתך ינוסון מן-קול רעמך יחפזון |
8 ne gimol ewi gode, ka giridore gidhi e holni, kuonde mane ochan-negi.
| יעלו הרים ירדו בקעות-- אל-מקום זה יסדת להם |
9 Ne iketonegi tongʼ ma ok ginyal kadho; mondo kik gichak giim piny kendo.
| גבול-שמת בל-יעברון בל-ישבון לכסות הארץ |
10 Jehova Nyasaye miyo sokni olo pi e bugni ka gimol e kind gode.
| המשלח מעינים בנחלים בין הרים יהלכון |
11 Gichiwo pi ne le mag bungu duto; kanyna mag bungu tieko riyo ma gin-go.
| ישקו כל-חיתו שדי ישברו פראים צמאם |
12 Winy mafuyo e kor polo ogero utegi e bath pigego, kendo giwer ewi yiende.
| עליהם עוף-השמים ישכון מבין עפאים יתנו-קול |
13 Omiyo koth chue ewi gode koa e dalane manie polo; piny nyago olembe moromo nikech tijene.
| משקה הרים מעליותיו מפרי מעשיך תשבע הארץ |
14 Omiyo lum loth ne jamni, kod cham ma dhano doyo, mamiyo chiemo yudore e piny;
| מצמיח חציר לבהמה ועשב לעבדת האדם להוציא לחם מן-הארץ |
15 kaachiel gi divai mamoro chuny dhano, gi mo mamiyo lela wangʼe leny, kod makati molerogo chunye.
| ויין ישמח לבב-אנוש-- להצהיל פנים משמן ולחם לבב-אנוש יסעד |
16 Yiende Jehova Nyasaye yudo pi moromogi, yiendego gin sida mag Lebanon mane opidho.
| ישבעו עצי יהוה-- ארזי לבנון אשר נטע |
17 Kanyo ema winy geroe utegi, winj nyamnaha nigi utegi ewi yiende mag obudo.
| אשר-שם צפרים יקננו חסידה ברושים ביתה |
18 Diek mag bungu odak e gode maboyo, to lwendni morokore gin kuonde pondo mag aidha.
| הרים הגבהים ליעלים סלעים מחסה לשפנים |
19 Dwe pogo kinde mag chwiri gi kinde mag opon kendo wangʼ chiengʼ ongʼeyo sa monego opodhie.
| עשה ירח למועדים שמש ידע מבואו |
20 Ikelo mudho mi piny lokre otieno, kendo le mag bungu duto lak oko.
| תשת-חשך ויהי לילה-- בו-תרמש כל-חיתו-יער |
21 Sibuoche ruto ka gimanyo chiemo; gimanyo chiembgi kuom Jehova Nyasaye.
| הכפירים שאגים לטרף ולבקש מאל אכלם |
22 To ka chiengʼ wuok to gidok e bungu; gidok kendo ginindo e gondegi.
| תזרח השמש יאספון ואל-מעונתם ירבצון |
23 Eka dhano wuok oko chako tijene, kendo nyagore gi tich nyaka odhiambo.
| יצא אדם לפעלו ולעבדתו עדי-ערב |
24 Mano kaka gik michweyo ngʼeny, yaye Jehova Nyasaye! Ne ichweyogi duto gi rieko miwuoro; piny opongʼ gi gik michweyo.
| מה-רבו מעשיך יהוה-- כלם בחכמה עשית מלאה הארץ קנינך |
25 Isechweyo nam maduongʼ kendo malach mopongʼ gi le mamol mathoth mokalo akwana, gik mangima madongo gi matindo.
| זה הים גדול-- ורחב ידים שם-רמש ואין מספר חיות קטנות עם-גדלות |
26 Kuno ema meli kwangʼie koni gi koni, kendo ondieg nam mane ichweyo miluongo ni Leviathan tuge.
| שם אניות יהלכון לויתן זה-יצרת לשחק-בו |
27 In ema gigo duto ngʼiyi mondo imigi chiembgi e kinde mowinjore.
| כלם אליך ישברון-- לתת אכלם בעתו |
28 Ka imiyogi chiemo, to gichamo; ka iyawonegi lweti, to giyiengʼ gi gik mabeyo;
| תתן להם ילקטון תפתח ידך ישבעון טוב |
29 ka ipando wangʼi, to githagore; ka igolo muchi kuomgi, to githo kendo gidok e lowo.
| תסתיר פניך יבהלון תסף רוחם יגועון ואל-עפרם ישובון |
30 Ka ioro Roho mari, to gibedo mangima; kendo imiyo piny bedo gi ngima manyien.
| תשלח רוחך יבראון ותחדש פני אדמה |
31 Mad duongʼ mar Jehova Nyasaye sik nyaka chiengʼ; mad Jehova Nyasaye bed mamor gi gik mane ochweyo.
| יהי כבוד יהוה לעולם ישמח יהוה במעשיו |
32 En e ma kongʼiyo piny to piny yiengni, kendo komulo gode to gode dhwolo iro.
| המביט לארץ ותרעד יגע בהרים ויעשנו |
33 Abiro wer ne Jehova Nyasaye e ngimana duto, adier, abiro wero wende pak ne Nyasacha e kinde duto ma pod angima.
| אשירה ליהוה בחיי אזמרה לאלהי בעודי |
34 Mad gik ma aparo e chunya omiye mor, seche duto ma amor kuom Jehova Nyasaye.
| יערב עליו שיחי אנכי אשמח ביהוה |
35 Joricho to owinjore orum e piny; joma timbegi richo ok onego obedie piny kata achiel. Pak Jehova Nyasaye, yaye chunya. Pak Jehova Nyasaye.
| יתמו חטאים מן-הארץ ורשעים עוד אינם-- ברכי נפשי את-יהוה הללו-יה |
