Zaburi 10
1 Angʼo momiyo ichungʼ gichien, yaye Jehova Nyasaye? Angʼo momiyo ipondo ne ji e ndalo mag chandruok?
| למה יהוה תעמד ברחוק תעלים לעתות בצרה |
2 Ngʼat ma timbene richo goyo apedha ni joma onge nyalo kendo omakogi e otegu mage mosechiko.
| בגאות רשע ידלק עני יתפשו במזמות זו חשבו |
3 Dwache maricho mopando e chunye omiyo osungore; jowuoche ema ogwedho to Jehova Nyasaye to ochayo.
| כי-הלל רשע על-תאות נפשו ובצע ברך נאץ יהוה |
4 Sunga omake ma ok onyal manye; onge thuolo kata matin mochiwo ne Nyasaye e chunye.
| רשע--כגבה אפו בל-ידרש אין אלהים כל-מזמותיו |
5 Yorene dhi maber kinde duto, okawore omiyo chikeni ni mabor moyombe; ojaro wasike duto.
| יחילו דרכו בכל-עת--מרום משפטיך מנגדו כל-צורריו יפיח בהם |
6 Owacho ne en owuon niya, “Onge gima nyalo yienga; abiro dak gi kwe kinde duto kaonge gima thaga.”
| אמר בלבו בל-אמוט לדר ודר אשר לא-ברע |
7 Dhoge opongʼ gi miriambo kod weche mag kwongʼ; chandruok gi weche maricho ni e bwo lewe.
| אלה פיהו מלא--ומרמות ותך תחת לשונו עמל ואון |
8 Okiyo ji e bath yore mag gwengʼ, onego ji apoya koa kuonde moponde, osiko ongʼicho mondo wangʼe omaki joma onge ketho mondo ohiny.
| ישב במארב חצרים--במסתרים יהרג נקי עיניו לחלכה יצפנו |
9 Okiyo ji kokichore ka sibuor mopondo; okichore mar mako joma ok nyal mondo ohinygi, omako joma ok nyal kendo oywayogi oko gi tonde mar meko.
| יארב במסתר כאריה בסכה-- יארב לחטוף עני יחטף עני במשכו ברשתו |
10 Joma hapgi rach momako otieko kendo podho chuth, gipodho e bwo tekone.
| ודכה (ידכה) ישח ונפל בעצומיו חלכאים (חל כאים) |
11 Owachone en owuon niya, “Nyasaye wiye osewil; opando wangʼe kendo onge gima oneno.”
| אמר בלבו שכח אל הסתיר פניו בל-ראה לנצח |
12 Aa malo yaye Jehova Nyasaye! Tingʼ badi malo, yaye Nyasaye. Kik wiyi wil gi joma ok nyal.
| קומה יהוה--אל נשא ידך אל-תשכח עניים (ענוים) |
13 Angʼo momiyo ngʼama timbene richo jaro Nyasaye? Angʼo momiyo owacho e chunye ni, “Ok obi keta piny mopenja gima asetimo?”
| על-מה נאץ רשע אלהים אמר בלבו לא תדרש |
14 To in, yaye Nyasaye, ineno chandruok gi kuyo, ikawogi kaka mari kendo itingʼogi e lweti. Ngʼat ma ok nyal; chiwore ne in; in e jakony mar joma onge wuonegi.
| ראתה כי-אתה עמל וכעס תביט-- לתת בידך עליך יעזב חלכה יתום אתה היית עוזר |
15 Tur bad ngʼama rach ma timbene richo; luonge mondo onyis ji gik maricho mosetimo lingʼ-lingʼ, ma ji ok nyal fwenyo mi ngʼe.
| שבר זרוע רשע ורע תדרוש-רשעו בל-תמצא |
16 Jehova Nyasaye en Ruoth mochwere manyaka chiengʼ; ogendini biro lal nono e pinye.
| יהוה מלך עולם ועד אבדו גוים מארצו |
17 Yaye Jehova Nyasaye, in iwinjo kwayo mar joma chandore; ijiwogi, kendo ichiko iti ni ywakgi,
| תאות ענוים שמעת יהוה תכין לבם תקשיב אזנך |
18 Ichwako nyithi kiye kod joma isando, mondo dhano ma ochwe gi lowo, kik dhi nyime gi bwogo ji.
| לשפט יתום ודך בל-יוסיף עוד--לערץ אנוש מן-הארץ |
