Ngeche 8
1 Donge rieko luongo? Donge ngʼeyo tiend wach tingʼo dwonde ka goyo koko?
Donge rieko luongo? Donge ngʼeyo tiend wach tingʼo dwonde ka goyo koko?
2 Ochungʼ e kuonde motingʼore e bath yo, e akerkeke mag yore.
Ochungʼ e kuonde motingʼore e bath yo, e akerkeke mag yore.
3 Oywak matek e bath dhorangeye midonjogo e dala maduongʼ,
Oywak matek e bath dhorangeye midonjogo e dala maduongʼ,
4 kowacho niya, “Aluongou, yaye un ji, aluongou un ji duto manie piny.
kowacho niya, “Aluongou, yaye un ji, aluongou un ji duto manie piny.
5 Un joma ngʼeyogi tin, nwangʼuru rieko; to un joma ofuwo, nwangʼuru ngʼeyo.
Un joma ngʼeyogi tin, nwangʼuru rieko; to un joma ofuwo, nwangʼuru ngʼeyo.
6 Winjuru, nikech an gi gik mabeyo mangʼeny madwaro nyisou; ayawo dhoga mondo awach gima kare.
Winjuru, nikech an gi gik mabeyo mangʼeny madwaro nyisou; ayawo dhoga mondo awach gima kare.
7 Dhoga wacho gima adiera nikech dhoga kwedo gik maricho.
Dhoga wacho gima adiera nikech dhoga kwedo gik maricho.
8 Weche duto mawuok e dhoga gin kare, onge moro kuomgi mobam kata modwanyore.
Weche duto mawuok e dhoga gin kare, onge moro kuomgi mobam kata modwanyore.
9 Ne jogo mongʼeyo pogo tiend wach, gigi duto nikare, giber ni jogo man-gi ngʼeyo.
Ne jogo mongʼeyo pogo tiend wach, gigi duto nikare, giber ni jogo man-gi ngʼeyo.
10 Yier puonjna kar fedha kendo ngʼeyo kar dhahabu mowal,
Yier puonjna kar fedha kendo ngʼeyo kar dhahabu mowal,
11 nikech rieko ber moloyo kite ma nengogi tek, kendo gimoro amora madiher ok nyal romo kode.
nikech rieko ber moloyo kite ma nengogi tek, kendo gimoro amora madiher ok nyal romo kode.
12 “An, rieko, wadak kaachiel gi ngʼado bura makare; an-gi ngʼeyo kod pogo tiend wach.
“An, rieko, wadak kaachiel gi ngʼado bura makare; an-gi ngʼeyo kod pogo tiend wach.
13 Luoro Jehova Nyasaye en sin gi richo; amon gi sunga kod ngʼayi, timbe maricho kod wuoyo mochido.
Luoro Jehova Nyasaye en sin gi richo; amon gi sunga kod ngʼayi, timbe maricho kod wuoyo mochido.
14 Ngʼado rieko kod ngʼado bura malongʼo gin maga; an-gi winjo tiend wach kod nyalo.
Ngʼado rieko kod ngʼado bura malongʼo gin maga; an-gi winjo tiend wach kod nyalo.
15 An ema amiyo ruodhi locho kendo joloch loso chike makare.
An ema amiyo ruodhi locho kendo joloch loso chike makare.
16 Nikech an, amiyo yawuot ruodhi loch kod joka ruodhi duto marito pinje.
Nikech an, amiyo yawuot ruodhi loch kod joka ruodhi duto marito pinje.
17 Ahero jogo mohera, to jogo ma manya yuda.
Ahero jogo mohera, to jogo ma manya yuda.
18 Mwandu gi luor ni kuoma, mwandu mochwere kod mewo.
Mwandu gi luor ni kuoma, mwandu mochwere kod mewo.
19 Olemba ber moloyo dhahabu maber, gino machiwo oloyo fedha moyier.
Olemba ber moloyo dhahabu maber, gino machiwo oloyo fedha moyier.
20 Awuotho e yo mobidhore makare, e yore mag bura makare,
Awuotho e yo mobidhore makare, e yore mag bura makare,
21 kachiwo mwandu ni jogo mohera kendo amiyo kuondegi mag keno bedo mopongʼ chutho.
kachiwo mwandu ni jogo mohera kendo amiyo kuondegi mag keno bedo mopongʼ chutho.
22 “Jehova Nyasaye nokwongo chweya kaka tichne mokwongo motelo ni tijene machon.
“Jehova Nyasaye nokwongo chweya kaka tichne mokwongo motelo ni tijene machon.
23 Noyiera aa chakruok manyaka chiengʼ, kapok piny kobetie.
Noyiera aa chakruok manyaka chiengʼ, kapok piny kobetie.
24 Kapok nembe kobetie, nonywola kata ka sokni mopongʼ gi pi ne onge.
Kapok nembe kobetie, nonywola kata ka sokni mopongʼ gi pi ne onge.
25 Nonywola ka gode madongo ne pok obedo kuonde ma gintie, bende ka gode matindo ne pod onge,
Nonywola ka gode madongo ne pok obedo kuonde ma gintie, bende ka gode matindo ne pod onge,
26 kapok ne ochweyo piny kaachiel gi pewene kata mana lowo mar piny.
kapok ne ochweyo piny kaachiel gi pewene kata mana lowo mar piny.
27 Ne antie kane oketo polo kama entie, kata kane oketo giko mar nembe,
Ne antie kane oketo polo kama entie, kata kane oketo giko mar nembe,
28 kane oketo boche polo malo, kendo kane oketo sokni mag nembe mogurore motegno,
kane oketo boche polo malo, kendo kane oketo sokni mag nembe mogurore motegno,
29 kane ochiwo kuonde giko mag nam matin mondo pi kik okadh kama oketee, kendo kane oloso mise mar piny.
kane ochiwo kuonde giko mag nam matin mondo pi kik okadh kama oketee, kendo kane oloso mise mar piny.
30 Ne an jatich molony mobedo bute. Napongʼ gi mor mogundho odiechiengʼ ka odiechiengʼ kamor e nyime kinde duto,
Ne an jatich molony mobedo bute. Napongʼ gi mor mogundho odiechiengʼ ka odiechiengʼ kamor e nyime kinde duto,
31 ka amor e pinye mangima kendo ail gi ji duto.
ka amor e pinye mangima kendo ail gi ji duto.
32 “Omiyo koro yawuota, winjauru; gin johawi jogo morito yorena.
“Omiyo koro yawuota, winjauru; gin johawi jogo morito yorena.
33 Winjuru puonjna mondo ubed mariek, kik uchagi.
Winjuru puonjna mondo ubed mariek, kik uchagi.
34 En jahawi ngʼat mawinja, marito pile e dhoutena korito e dhorangaya.
En jahawi ngʼat mawinja, marito pile e dhoutena korito e dhorangaya.
35 Nimar ngʼat monwangʼa oyudo ngima kendo oyudo ngʼwono kuom Jehova Nyasaye.
Nimar ngʼat monwangʼa oyudo ngima kendo oyudo ngʼwono kuom Jehova Nyasaye.
36 To ngʼatno ma odaga hinyore kende owuon; jogo duto mamon koda ohero tho.”
To ngʼatno ma odaga hinyore kende owuon; jogo duto mamon koda ohero tho.”
