Ngeche 31
1 Weche mag Ruoth Lemuel, ma gin weche matut ma min mare nopuonje.
The words of king Lemuel, the prophecy that his mother taught him.
2 Yaye wuoda, yaye wuoda mane anywolo! Winja, in wuoda mane anywolo bangʼ ka Nyasaye osewinjo lemo mane atimonego singruok.
What, my son? and what, the son of my womb? and what, the son of my vows?
3 Kik iket tekri kuom mon, kata nyalo mari kuom jogo maketho ruodhi.
Give not thy strength to women, nor thy ways to that which destroyeth kings.
4 Ok en gima owinjore ne ruodhi, yaye Lemuel, mondo ruodhi omadh math makech, kata jotelo ogomb kongʼo gi chunygi duto,
It is not for kings, O Lemuel, it is not for kings to drink wine; nor for princes strong drink:
5 nono ka gimetho to wigi diwil gi gima chik ochiko, ma gihiny joma ok nyal ka gitamogi e ratichgi.
Lest they drink, and forget the law, and pervert the judgment of any of the afflicted.
6 Chiw kongʼo ne jogo ma chunygi ool, to math makech ne jogo ma chunygi lit.
Give strong drink to him that is ready to perish, and wine to those that are of heavy hearts.
7 Wegi mondo gimethi mondo wigi owil gi chan-gi kendo kik gichak gipar chandruokgi kendo.
Let him drink, and forget his poverty, and remember his misery no more.
8 Wuo ka ichwako joma ok nyal wacho wachgi gin giwegi, ka ichwako jogo maonge nyalo.
Open thy mouth for the dumb in the cause of all such as are appointed to destruction.
9 Wuo kendo ngʼad bura kare, chwak ratich jogo ma jochan kod jogo mochando.
Open thy mouth, judge righteously, and plead the cause of the poor and needy.
10 Dhako ma kite longʼo en ngʼa manyalo nwangʼo? Nengone oloyo kite ma nengogi tek.
Who can find a virtuous woman? for her price is far above rubies.
11 Chwore ogenogo chutho kendo onge gima oreme.
The heart of her husband doth safely trust in her, so that he shall have no need of spoil.
12 Okelone mana ber, ok hinyruok ndalo duto mar ngimane.
She will do him good and not evil all the days of her life.
13 Oyiero yie rombe kod tworo kendo otiyo matek gi lwete.
She seeketh wool, and flax, and worketh willingly with her hands.
14 Ochalo gi yiedhi mag ohala, kokelo chiemo moa kuma bor.
She is like the merchant ships; she bringeth her food from afar.
15 Ochiewo aa e nindo ka pod piny mudho, ochiwo chiemo ne joode to moko omiyo nyiri matiyone.
She riseth also while it is yet night, and giveth food to her household, and a portion to her maidens.
16 Omanyo puodho maber mi ongʼiew, kendo kuom ohala moloko opidhogo puothe mag olembe.
She considereth a field, and buyeth it: with the fruit of her hands she planteth a vineyard.
17 Otiyo tijene gi teko duto; kendo oratego e tije motiyo.
She girdeth her loins with strength, and strengtheneth her arms.
18 Oneno ni gik moloso miye ohala to tache ok tho gotieno.
She perceiveth that her merchandise is good: her lamp goeth not out by night.
19 Ei lwete otingʼo yie rombe kendo omako gir chwecho gi lith lwetene.
She layeth her hands to the spindle, and her hands hold the distaff.
20 Oyawo bade ne joma jochan kendo otero lwete ne jogo mochando.
She stretcheth out her hand to the poor; yea, she reacheth forth her hands to the needy.
21 Ka piny ngʼich, oonge luoro ne joode, nikech giduto girwakore gi nengni mapichni.
She is not afraid of the snow for her household: for all her household are clothed with scarlet.
22 Oloso raum ne kitandane, orwakore gi lewni marep-rep maralik ma nengogi tek.
She maketh herself coverings of tapestry; her clothing is silk and purple.
23 Chwore imiyo luor e dhoranga dala maduongʼ, kama obedoe e dier jodongo mag gwengʼ.
Her husband is known in the gates, when he sitteth among the elders of the land.
24 Oloso lewni marep-rep mi ousgi, kendo omiyo johala gik moko.
She maketh fine linen, and selleth it; and delivereth waistbands to the merchant.
25 Orwakore gi teko kod dimbruok; omiyo onyalo bedo mamor e ndalo mabiro.
Strength and honour are her clothing; and she shall rejoice in time to come.
26 Owuoyo gi rieko kendo puonj mar adiera ni e lewe.
She openeth her mouth with wisdom; and on her tongue is the law of kindness.
27 Orito weche mag ode to ok ocham chiemb mifwadhi.
She looketh well to the ways of her household, and eateth not the bread of idleness.
28 Nyithinde chungo kendo luonge ni en ngʼat mogwedhi, chwore bende pake, kawacho niya,
Her children rise up, and call her blessed; her husband also, and he praiseth her.
29 “Mon mangʼeny timo gik mabeyo, to in iloyogi duto.”
Many daughters have done virtuously, but thou excellest them all.
30 Ber mar wangʼ wuondo ji, to chia bende rumo; to dhako moluoro Jehova Nyasaye yudo pak.
Favour is deceitful, and beauty is vain: but a woman that feareth the LORD, she shall be praised.
31 Miye pak moromo kode mondo onwangʼ kendo we mondo tijene okelne pak e dhorangach mar dala maduongʼ.
Give her of the fruit of her hands; and let her own works praise her in the gates.
