Ngeche 18
1 Ngʼat ma ok jahera dwaro mana gige ok owinj puonj moro amora.
| לתאוה יבקש נפרד בכל תושיה יתגלע׃ |
2 Ngʼat mofuwo ok mor kod winjo wach to omor mana gi wacho paroge owuon.
| לא יחפץ כסיל בתבונה כי אם בהתגלות לבו׃ |
3 Ka richo biro, e kaka achaya biro, to wichkuot kelo duwruok.
| בבוא רשע בא גם בוז ועם קלון חרפה׃ |
4 Weche mag dho ngʼato tut ka nam, to soko mar rieko en aora mabubni kamol.
| מים עמקים דברי פי איש נחל נבע מקור חכמה׃ |
5 Ok en gima ber chwako ngʼat ma timbene richo kata ketho buch ngʼato maonge ketho.
| שאת פני רשע לא טוב להטות צדיק במשפט׃ |
6 Lew ngʼat mofuwo kelone dhawo, to dhoge luongo goch.
| שפתי כסיל יבאו בריב ופיו למהלמות יקרא׃ |
7 Dho ngʼat mofuwo ema tieke, to lewe ema bedo obadho ne ngimane.
| פי כסיל מחתה לו ושפתיו מוקש נפשו׃ |
8 Weche mag kuoth chalo gi chiemo mamit; gidhiyo e chuny dhano ma iye.
| דברי נרגן כמתלהמים והם ירדו חדרי בטן׃ |
9 Ngʼat ma jasamuoyo e tich en owadgi ngʼat maketho gik moko.
| גם מתרפה במלאכתו אח הוא לבעל משחית׃ |
10 Nying Jehova Nyasaye en ohinga maratego, ngʼat makare ringo ma pond kanyo kendo yud resruok.
| מגדל עז שם יהוה בו ירוץ צדיק ונשגב׃ |
11 Mwandu mar jomoko e ohinga mochiel motegno ma gigengʼorego, giparo ni en ohinga maonge ngʼama nyalo muko.
| הון עשיר קרית עזו וכחומה נשגבה במשכיתו׃ |
12 Kapok ngʼato opodho, to sunga bedo e chunye, to muolo kelo pak.
| לפני שבר יגבה לב איש ולפני כבוד ענוה׃ |
13 Chik iti kapok idwoko wach; ka ok itimo kamano to ibedo mofuwo kendo ikelo wichkuot.
| משיב דבר בטרם ישמע אולת היא לו וכלמה׃ |
14 Chuny ngʼato sire e tuo, to chuny mool, en ngʼa manyalo konyo?
| רוח איש יכלכל מחלהו ורוח נכאה מי ישאנה׃ |
15 Chuny ma weche donjone yudo ngʼeyo; to it mariek dwaro mondo weche odonjne.
| לב נבון יקנה דעת ואזן חכמים תבקש דעת׃ |
16 Chiwo yawo yo ne ngʼat machiwo kendo tere e nyim jomadongo.
| מתן אדם ירחיב לו ולפני גדלים ינחנו׃ |
17 Ngʼat mokwongo keto wachne nenore ni en kare, nyaka ngʼat machielo bi maket penjo ne wachneno.
| צדיק הראשון בריבו יבא רעהו וחקרו׃ |
18 Goyo ombulu tieko larruok kendo thego joma roteke.
| מדינים ישבית הגורל ובין עצומים יפריד׃ |
19 Kiketho ne owadu to duoge iri tek mana kadonjo e dala maduongʼ mochiel motegno; to larruok chalo gi dhorangeye mag dala modin gi lodi.
| אח נפשע מקרית עז ומדונים כבריח ארמון׃ |
20 Wach mawuok e dho ngʼato ema miyo ngʼato yiengʼ; keyo mar dhoge ema miyo oyiengʼ.
| מפרי פי איש תשבע בטנו תבואת שפתיו ישבע׃ |
21 Lep nigi teko mar ngima kod tho, to jogo mohere biro chamo olembe.
| מות וחיים ביד לשון ואהביה יאכל פריה׃ |
22 Ngʼatno moyudo dhako onwangʼo gima ber kendo oyudo ngʼwono moa kuom Jehova Nyasaye.
| מצא אשה מצא טוב ויפק רצון מיהוה׃ |
23 Ngʼat ma jachan ywak kokwayo ngʼwono, to ngʼat ma jamoko dwoko gi gero.
| תחנונים ידבר רש ועשיר יענה עזות׃ |
24 Ngʼat man-gi osiepe mangʼeny nyalo chopo e kethruok to nitie osiep moro masiko buti machiegni maloyo owadu.
| איש רעים להתרעע ויש אהב דבק מאח׃ |
