Ngeche 16
1 Chuny dhano chano gik modwaro timo, to dwoko margi aa kuom Jehova Nyasaye.
| לאדם מערכי-לב ומיהוה מענה לשון |
2 Yore duto mag dhano nenorene ni longʼo, to Jehova Nyasaye ema ongʼeyo mopondo mag chuny.
| כל-דרכי-איש זך בעיניו ותכן רוחות יהוה |
3 Ket gimoro amora mitimo e lwet Jehova Nyasaye, to chenrogi biro dhi maber.
| גל אל-יהוה מעשיך ויכנו מחשבתיך |
4 Gik moko duto ma Jehova Nyasaye timo oseketo gikogi, kendo giko mar joricho en tho.
| כל פעל יהוה למענהו וגם-רשע ליום רעה |
5 Jehova Nyasaye odagi ji duto man-gi sunga e chunygi. Ngʼe ma malongʼo: Ok ginitony ni kum.
| תועבת יהוה כל-גבה-לב יד ליד לא ינקה |
6 Nikech hera kod adiera ema omiyo richo otimne misango, kuom luoro Jehova Nyasaye miyo ngʼato kwedo richo.
| בחסד ואמת יכפר עון וביראת יהוה סור מרע |
7 Ka yore ngʼato moro Jehova Nyasaye, to omiyo kata wasike dak kode gi kwe.
| ברצות יהוה דרכי-איש גם-אויביו ישלם אתו |
8 Ber bedo gi matin kod tim makare, moloyo mangʼeny kod tim ma ok kare.
| טוב-מעט בצדקה-- מרב תבואות בלא משפט |
9 E chuny dhano ochano yore, to Jehova Nyasaye ema telone ondamo mage.
| לב אדם יחשב דרכו ויהוה יכין צעדו |
10 Ruoth wuoyo kaka chik mar Nyasaye dwaro, to dhoge ok onego ndhog bura makare.
| קסם על-שפתי-מלך במשפט לא ימעל-פיו |
11 Rapim mopogore opogore makare aa kuom Jehova Nyasaye, to gik mipimogo manie mifuke gin meke moloso.
| פלס ומאזני משפט--ליהוה מעשהו כל-אבני-כיס |
12 Ruodhi mon gi timbe maricho, nikech kom mar loch obedo mana kuom tim makare.
| תועבת מלכים עשות רשע כי בצדקה יכון כסא |
13 Ruodhi ohero joma wacho adiera kendo gigeno ngʼat mawacho adiera.
| רצון מלכים שפתי-צדק ודבר ישרים יאהב |
14 Mirimb ruoth en jaote mar tho, to ngʼat mariek biro hoye.
| חמת-מלך מלאכי-מות ואיש חכם יכפרנה |
15 Ka wangʼ ruoth nenore mamor to nitiere ngima, ngʼwonone chalo gi rumbi mag koth e ndalo chwiri.
| באור-פני-מלך חיים ורצונו כעב מלקוש |
16 To ber maromo nade yudo rieko moloyo dhahabu, yiero ngʼeyo tiend wach moloyo fedha!
| קנה-חכמה--מה-טוב מחרוץ וקנות בינה נבחר מכסף |
17 Yor ngʼat moriere tir kwedore gi richo; ngʼat manono yorene orito ngimane!
| מסלת ישרים סור מרע שמר נפשו נצר דרכו |
18 Sunga kelo masira, chuny mar ngʼayi kelo chwanyruok.
| לפני-שבר גאון ולפני כשלון גבה רוח |
19 Ber bedo gi chuny mobolore e dier jochan, moloyo pogo gik moyaki gi josunga.
| טוב שפל-רוח את-עניים (ענוים) מחלק שלל את-גאים |
20 Ngʼato angʼata mawinjo puonj dhi maber, to ojahawi ngʼatno moketo genone kuom Jehova Nyasaye.
| משכיל על-דבר ימצא-טוב ובוטח ביהוה אשריו |
21 Ngʼat man-gi paro en ngʼat mariek, kendo weche mowacho gin mana puonj.
| לחכם-לב יקרא נבון ומתק שפתים יסיף לקח |
22 Winjo wach en soko mar ngima ne jogo man kode, to fuwo kelo kum ne joma ofuwo.
| מקור חיים שכל בעליו ומוסר אולים אולת |
23 Ngʼat mariek rito weche mawuok e dhoge, kendo wechene mowinjore kelo puonj makare.
| לב חכם ישכיל פיהו ועל-שפתיו יסיף לקח |
24 Weche mag mor chalo gi mor kich gimit ne chuny kendo gikelo ngima ni choke.
| צוף-דבש אמרי-נעם מתוק לנפש ומרפא לעצם |
25 Nitie yo manenore ne dhano ni nikare, to gikone otero mana ngʼato e tho.
| יש דרך ישר לפני-איש ואחריתה דרכי-מות |
26 Miluma ma jatich nigo miyo otiyo matek, kendo kech makaye miyo omedo tiyo matek.
| נפש עמל עמלה לו כי-אכף עליו פיהו |
27 Ngʼat marach chano timo timbe maricho, to wechene chalo mach mager.
| איש בליעל כרה רעה ועל-שפתיו (שפתו) כאש צרבת |
28 Ngʼat ma timbene richo kelo mana miero, to jakwoth pogo osiepe moherore.
| איש תהפכות ישלח מדון ונרגן מפריד אלוף |
29 Ngʼat ma ja-mahundu wuondo jabute mi otere e yorno ma ok ber.
| איש חמס יפתה רעהו והוליכו בדרך לא-טוב |
30 Tangʼ gi ngʼat ma buonjo kodi nikech onyalo bet ni ochano timoni marach, ngʼatno maluwo dhoge ochomo timbe maricho.
| עצה עיניו לחשב תהפכות קרץ שפתיו כלה רעה |
31 Lwar en osimbo mar duongʼ to iyude gi ngʼat man-gi ngima makare.
| עטרת תפארת שיבה בדרך צדקה תמצא |
32 Ngʼat ma terore mos ber moloyo jalweny, ngʼat makweyo mirimbe ber moloyo ngʼat mamonjo dala maduongʼ.
| טוב ארך אפים מגבור ומשל ברוחו מלכד עיר |
33 Igoyo ombulu mondo ongʼe gima ditim, to kuom ngʼado weche duto Jehova Nyasaye ema tieko.
| בחיק יוטל את-הגורל ומיהוה כל-משפטו |
