Kwan 10
1 Jehova Nyasaye nowacho ne Musa niya,
| וידבר יהוה אל משה לאמר |
2 Los turumbete ariyo mag fedha mothedhi, kendo ti kodgi kuom choko oganda duto kanyakla mondo mi gichak wuoth.
| עשה לך שתי חצוצרת כסף--מקשה תעשה אתם והיו לך למקרא העדה ולמסע את המחנות |
3 Ka turumbete ariyogi oywak, to ogandagi mondo ochokre e nyimi e dhoranga Hemb Romo.
| ותקעו בהן--ונועדו אליך כל העדה אל פתח אהל מועד |
4 Ka turumbete achiel kende ema oywak, to jotelo mag oganda, jo-Israel nyaka chokre e nyimi.
| ואם באחת יתקעו--ונועדו אליך הנשיאים ראשי אלפי ישראל |
5 Ka turumbete oywak, to dhoudi mantie yo wuok chiengʼ nyaka chak wuoth.
| ותקעתם תרועה--ונסעו המחנות החנים קדמה |
6 Ka turumbete mar ariyo oywak, to dhoudi mantie yo milambo nyaka chak wuoth. Ywak mar turumbeteno ema nobed ranyisi mar chako wuoth.
| ותקעתם תרועה שנית--ונסעו המחנות החנים תימנה תרועה יתקעו למסעיהם |
7 Ka ichoko ji kanyakla, to ywak turumbetego nyaka pogre.
| ובהקהיל את הקהל--תתקעו ולא תריעו |
8 “Yawuot Harun, ma gin jodolo, ema nogo turumbete. Ma en chik mosiko ne un kod tiengʼ mabiro.
| ובני אהרן הכהנים יתקעו בחצצרות והיו לכם לחקת עולם לדרתיכם |
9 Ka udhi kedo gi wasiku ma thirou e pinyu owuon, to nyaka ugo turumbete. Bangʼe Jehova Nyasaye ma Nyasachu noparu kendo noresu e lwet wasiku.
| וכי תבאו מלחמה בארצכם על הצר הצרר אתכם--והרעתם בחצצרת ונזכרתם לפני יהוה אלהיכם ונושעתם מאיביכם |
10 Bende e kinde ma un gi mor, ma gin kinde sewni moyier kaka nyasi mar Dwe Manyien, nyaka ugo turumbete e kinde muchiwoe misengini miwangʼo pep kod misengini mag lalruok, nikech ginibednu rapar e nyim Nyasachu nimar An e Jehova Nyasaye ma Nyasachu.”
| וביום שמחתכם ובמועדיכם ובראשי חדשיכם--ותקעתם בחצצרת על עלתיכם ועל זבחי שלמיכם והיו לכם לזכרון לפני אלהיכם אני יהוה אלהיכם |
11 E odiechiengʼ mar piero ariyo mar dwe mar ariyo e higa mar ariyo, bor polo nowuok ewi Hemb Romo mar Sandug Muma mar Singruok.
| ויהי בשנה השנית בחדש השני--בעשרים בחדש נעלה הענן מעל משכן העדת |
12 Eka jo-Israel nowuok koa e Thim mar Sinai kendo ne giwuotho kuonde duto nyaka bor polo nopie e Thim mar Paran.
| ויסעו בני ישראל למסעיהם ממדבר סיני וישכן הענן במדבר פארן |
13 Chako wuodhgi mokwongo notimore bangʼ ka Jehova Nyasaye nosegolo chik kokalo kuom Musa.
| ויסעו בראשנה על פי יהוה ביד משה |
14 Jo-Juda ema ne okwongo wuok ka gin e bwo bandechgi, kotelnegi gi Nashon wuod Aminadab.
| ויסע דגל מחנה בני יהודה בראשנה--לצבאתם ועל צבאו--נחשון בן עמינדב |
15 Dhood Isakar notelnegi gi Nethanel wuod Zuar,
| ועל צבא--מטה בני יששכר נתנאל בן צוער |
16 to Eliab wuod Helon notelo ne dhood Zebulun.
| ועל צבא--מטה בני זבולן אליאב בן חלן |
17 Bangʼe ne gibano Hemb Romo, kendo joka Gershon kod joka Merari mane otingʼe, nochako wuoth.
| והורד המשכן ונסעו בני גרשון ובני מררי נשאי המשכן |
18 Dhood joka Reuben nowuok bangʼ-gi ka gin e bwo bandechgi, kotelnegi gi Elizur wuod Shedeur.
| ונסע דגל מחנה ראובן--לצבאתם ועל צבאו--אליצור בן שדיאור |
19 Dhood Simeon notelnegi gi Shelumiel wuod Zurishadai,
| ועל צבא--מטה בני שמעון שלמיאל בן צורישדי |
20 to Eliasaf wuod Dewel notelo ne dhood Gad.
| ועל צבא מטה בני גד אליסף בן דעואל |
21 Bangʼe jo-Kohath nochako wuoth ka gitingʼo gik maler nikech Hemb Romo nyaka ne gur kapok gichopo.
| ונסעו הקהתים נשאי המקדש והקימו את המשכן עד באם |
22 Bangʼe jo-Efraim nochako wuoth ka gin e bwo bandechgi kotelnegi gi Elishama wuod Amihud.
| ונסע דגל מחנה בני אפרים--לצבאתם ועל צבאו--אלישמע בן עמיהוד |
23 Dhood Manase notelnegi gi Gamaliel wuod Pedazur,
| ועל צבא--מטה בני מנשה גמליאל בן פדהצור |
24 to Abidan wuod Gideoni notelo ne dhood Benjamin.
| ועל צבא--מטה בני בנימן אבידן בן גדעוני |
25 Dhood Dan ema ne ochako wuoth mogik e bwo bandechgi kotelnegi gi Ahiezer wuod Amishadai.
| ונסע דגל מחנה בני דן--מאסף לכל המחנת לצבאתם ועל צבאו--אחיעזר בן עמישדי |
26 Dhood Asher notelne gi Pagiel wuod Okran,
| ועל צבא--מטה בני אשר פגעיאל בן עכרן |
27 to Ahira wuod Enan notelo ne dhood Naftali.
| ועל צבא--מטה בני נפתלי אחירע בן עינן |
28 Ma e kaka chenro mar jo-Israel nobet kane gichako wuoth.
| אלה מסעי בני ישראל לצבאתם ויסעו |
29 Musa nowacho ne Hobab wuod Reuel ja-Midian, ma en jaduongʼne niya, “Wawuok wadhi kama Jehova Nyasaye nowacho ni obiro miyowa. Kuom mano bi kodwa mondo wadhi e piny maber mane Jehova Nyasaye osingo ne jo-Israel kendo wabiro miyi kar dak.”
| ויאמר משה לחבב בן רעואל המדיני חתן משה נסעים אנחנו אל המקום אשר אמר יהוה אתו אתן לכם לכה אתנו והטבנו לך כי יהוה דבר טוב על ישראל |
30 Nodwoke niya, “Ooyo, ok anadhi kodu; to adok thurwa ir jowa.”
| ויאמר אליו לא אלך כי אם אל ארצי ואל מולדתי אלך |
31 Musa to nowachone niya, “Ka iyie to kik iwewa. In ema ingʼeyo kambi monego wadhi wadagie thimni, kendo in e wangʼwa.
| ויאמר אל נא תעזב אתנו כי על כן ידעת חנתנו במדבר והיית לנו לעינים |
32 Ka idhi kodwa, to wabiro pogoni gimoro amora maber ma Jehova Nyasaye omiyowa.”
| והיה כי תלך עמנו והיה הטוב ההוא אשר ייטיב יהוה עמנו--והטבנו לך |
33 Omiyo ne giwuok ka gia e got mar Jehova Nyasaye kendo ne giwuotho kuom ndalo adek. Sandug Muma mar Jehova Nyasaye nodhi nyimgi e ndalo adekgo mondo oiknegi kama ginyalo yweyoe.
| ויסעו מהר יהוה דרך שלשת ימים וארון ברית יהוה נסע לפניהם דרך שלשת ימים לתור להם מנוחה |
34 Bor polo mar Jehova Nyasaye noumogi godiechiengʼ kane giwuok e kargi mar bworo.
| וענן יהוה עליהם יומם בנסעם מן המחנה ] |
35 Pile kane gisechako wuoth gi Sandug Muma, Musa ne wacho niya, “Yaye Jehova Nyasaye, aa malo! Mad wasiki okee; kendo jomamon kodi oringi oa e nyimi!”
| ויהי בנסע הארן ויאמר משה קומה יהוה ויפצו איביך וינסו משנאיך מפניך |
36 Kinde duto mane oyie Sandug Muma piny, Musa ne wacho niya, “Yaye Jehova Nyasaye, duogi ir oganda jo-Israel mangʼenygi.”
| ובנחה יאמר שובה יהוה רבבות אלפי ישראל ] |
