Ywagruok 5
1 Yaye Jehova Nyasaye, parie gima osetimorenwa; rangwa mondo ineye wichkuot ma wan-go.
| זכר יהוה מה היה לנו הביט וראה את חרפתנו׃ |
2 Girkeni mawa osemi jopinje mamoko, to miechwa to osekaw gi ji ma welo.
| נחלתנו נהפכה לזרים בתינו לנכרים׃ |
3 Wasedongʼ kiye, to minewa chalo mon ma chwogi otho.
| יתומים היינו אין אב אמתינו כאלמנות׃ |
4 Nyaka wangʼiew pi mawamodho; yiendwa ma wachwako nyaka wachul nengo eka wayudgi.
| מימינו בכסף שתינו עצינו במחיר יבאו׃ |
5 Jogo malawowa nikodwa machiegni; waol kendo waonge yweyo.
| על צוארנו נרדפנו יגענו לא הונח לנו׃ |
6 Ne wachiwore ni Misri kod Asuria mondo wayud chiemo moromo.
| מצרים נתנו יד אשור לשבע לחם׃ |
7 Kwerewa notimo richo, to koro gionge, to wan ema ikumowa kargi.
| אבתינו חטאו אינם אנחנו עונתיהם סבלנו׃ |
8 Wasumbini ema tinde otelonwa, kendo onge ngʼama resowa e lwetgi.
| עבדים משלו בנו פרק אין מידם׃ |
9 Wayudo chiembwa e yo matek manyalo hinyo ngimawa nikech lweny manie thim.
| בנפשנו נביא לחמנו מפני חרב המדבר׃ |
10 Dendwa owre mana ka mach nikech tuo ma kech kelonwa.
| עורנו כתנור נכמרו מפני זלעפות רעב׃ |
11 Mon osemak githuon e Sayun, to nyiri e miech Juda.
| נשים בציון ענו בתלת בערי יהודה׃ |
12 Jodong gwengʼ oselier gi lwetegi e yien, to jomadongo ok osemi luor.
| שרים בידם נתלו פני זקנים לא נהדרו׃ |
13 Jomatindo tiyo matek kuonde mag rego, to yawuowi chandore ka gitingʼo yien mapek.
| בחורים טחון נשאו ונערים בעץ כשלו׃ |
14 Jodongo onge e dhoranga dala maduongʼ; kendo jomatindo oseweyo wero wendegi.
| זקנים משער שבתו בחורים מנגינתם׃ |
15 Mor oserumo e chunywa; miendwa oselokore ywak.
| שבת משוש לבנו נהפך לאבל מחלנו׃ |
16 Osimbo mar duongʼ oselwar oa e wiwa. Yaye, masira omakowa, nikech wasetimo richo.
| נפלה עטרת ראשנו אוי נא לנו כי חטאנו׃ |
17 Nikech gik ma osetimorenwagi, chunywa ool kendo wengewa osejony,
| על זה היה דוה לבנו על אלה חשכו עינינו׃ |
18 nimar got Sayun, osejwangʼ modongʼ gunda ma ondiegi ema kwayoe.
| על הר ציון ששמם שועלים הלכו בו׃ |
19 Yaye Jehova Nyasaye, lochni osiko manyaka chiengʼ kendo ochwere e tiengʼ ka tiengʼ.
| אתה יהוה לעולם תשב כסאך לדר ודור׃ |
20 Ere gima omiyo wiyi wil kodwa kinde duto? Ere gima omiyo ijwangʼowa kuom kinde malach kamano?
| למה לנצח תשכחנו תעזבנו לארך ימים׃ |
21 Yaye Jehova Nyasaye, dwogwa iri; kendo ndalowa obed manyien kaka ne wan chon.
| השיבנו יהוה אליך ונשוב חדש ימינו כקדם׃ |
22 Ka ok itimonwa kamano, to nyiso ni isedagiwa kendo in gi mirima kodwa ma ok nyal pim.
| כי אם מאס מאסתנו קצפת עלינו עד מאד׃ |
