< Ayub 4 >

1 Eka Elifaz ja-Teman nodwoke kama:
Then Eliphaz the Temanite answered and said,
2 “Bende chunyi nyalo doko malit ka ngʼato okeloni wach moro nimar ok anyal lingʼ mak awuoyo?
If we assay to commune with thee, wilt thou be grieved? but who can withhold himself from speaking?
3 Parie kaka isepuonjo ji mangʼeny, kendo isejiwo joma chunygi onyosore.
Behold, thou hast instructed many, and thou hast strengthened the weak hands.
4 Wechegi osekonyo joma opodho; kendo isejiwo joma tekogi orumo.
Thy words have upholden him that was falling, and thou hast strengthened the feeble knees.
5 To koro chandruok osechoponi kendo chunyi onyosore omiyo ionge gi kwe.
But now it is come upon thee, and thou faintest; it toucheth thee, and thou art troubled.
6 Luor miluorogo Nyasaye dak koro miyi chir koso ngimani moriere dak koro miyi geno?
Is not this thy fear, thy confidence, thy hope, and the uprightness of thy ways?
7 “Koro par ane: En ngʼa mosekum maonge ketho? Koso joma kare mage minyalo tieki?
Remember, I pray thee, who ever perished, being innocent? or where were the righteous cut off?
8 Gima aseneno en ni joma chwoyo richo gi chandruok kayo mana richo.
Even as I have seen, they that plow iniquity, and sow wickedness, reap the same.
9 Itiekogi apoya nono gi much Nyasaye; kendo sa ma mirimbe obiro to gilal nono.
By the blast of Eloah they perish, and by the breath of his nostrils are they consumed.
10 Sibuoche nyalo ruto kendo sibuoche mager nyalo goyo asumbi, to kata kamano leke sibuoche maroteke osemuki.
The roaring of the lion, and the voice of the fierce lion, and the teeth of the young lions, are broken.
11 Sibuor koro tho nikech gima ocham onge, kendo nyithi sibuor oringo ma oke.
The old lion perisheth for lack of prey, and the stout lion's whelps are scattered abroad.
12 “Ne okuodhna wach moro mos, to ne awinje mana marach rach.
Now a thing was secretly brought to me, and mine ear received a little thereof.
13 Wachni nobirona gotieno e yor lek, e sa ma nindo goye ji ngoga,
In thoughts from the visions of the night, when deep sleep falleth on men,
14 kendo luoro gi kibaji nogoya momiyo denda duto onyosore.
Fear came upon me, and trembling, which made all my bones to shake.
15 Eka muya nokudho wangʼa, mi yier denda duto nojuol.
Then a spirit passed before my face; the hair of my flesh stood up:
16 Nochungʼ molingʼ thi, to ne ok anyal ngʼeyo ni en angʼo. Kido moro nobiro mochungʼ e nyim wangʼa, kendo nawinjo dwol moro machil, kawacho niya:
It stood still, but I could not discern the form thereof: an image was before mine eyes, there was silence, and I heard a voice, saying,
17 ‘Bende dhano mangima nyalo bedo makare moloyo Nyasaye? Dhano bende dibed maler moloyo jachwechne?
Shall mortal man be more just than Eloah? shall a man be more pure than his maker?
18 Ka Nyasaye ok nyal geno jotichne, ma kata malaika bende joketho e nyime,
Behold, he put no trust in his servants; and his angels he charged with folly:
19 to koro ere kaka dodew dhano molos gi lowo, ma mise mag-gi en mana buru, ma inyalo duny marum mana ka oguyo!
How much less in them that dwell in houses of clay, whose foundation is in the dust, which are crushed before the moth?
20 Chakre kogwen nyaka odhiambo inyalo turgi matindo tindo ka ok ongʼeyo, kendo gilal nyaka chiengʼ.
They are destroyed from morning to evening: they perish for ever without any regarding it.
21 Donge tondegi ma gitweyogo hema igonyo, mondo omi githo ka gionge rieko?’
Doth not their excellency which is in them go away? they die, even without wisdom.

< Ayub 4 >