Ayub 28
1 “Nitie kama ikunyoe fedha kod kama ilenyoe dhahabu.
| כי יש לכסף מוצא ומקום לזהב יזקו׃ |
2 Chuma ikunyo koa e lowo, kendo mula ilenyo kigolo kuom kite.
| ברזל מעפר יקח ואבן יצוק נחושה׃ |
3 Ji kunyo kite ma nengogi tek kuonde matut mogik kendo motimo mudho, omenyo nyaka ei buche maboyo miwuoro, nyaka kuonde molil ti, mondo onwangʼie kite mabeyo.
| קץ שם לחשך ולכל תכלית הוא חוקר אבן אפל וצלמות׃ |
4 Opowo kor gode modhi mabor gi kuonde ma ji odakie, mochop nyaka kuonde ma ji ok wuothie; ka giliero e tonde marundore koni gi koni.
| פרץ נחל מעם גר הנשכחים מני רגל דלו מאנוש נעו׃ |
5 Lowo e kama chiemo wuokie, to pinyne ibaroe lwendni gi mach.
| ארץ ממנה יצא לחם ותחתיה נהפך כמו אש׃ |
6 Lwendinigo ema kite ma nengogi tek miluongo ni Safir wuokie kendo buru ema otingʼo dhahabu.
| מקום ספיר אבניה ועפרת זהב לו׃ |
7 Kuom winy machamo ringʼo, onge moro amora mongʼeyo yore manie buchego, kendo onge achuth mosenene gi wangʼe.
| נתיב לא ידעו עיט ולא שזפתו עין איה׃ |
8 Ondiegi mager pok nowuotho kuondego, kendo kata sibuor pok oruto kuno.
| לא הדריכהו בני שחץ לא עדה עליו שחל׃ |
9 Ji baro lwanda matek ka chuma kendo thulo gode oko gie tiendegi.
| בחלמיש שלח ידו הפך משרש הרים׃ |
10 Otucho kor lwanda; mi wengene ne mwandu duto manie kor gode.
| בצורות יארים בקע וכל יקר ראתה עינו׃ |
11 Omanyo kuonde ma aore ochakoree, mi okel gik mopandi e lela.
| מבכי נהרות חבש ותעלמה יצא אור׃ |
12 “To rieko to diyud kanye? Koso ere kuma ngʼeyo wuokie?
| והחכמה מאין תמצא ואי זה מקום בינה׃ |
13 Dhano mangima ok ongʼeyo kaka iyude; kendo ok oyudre e piny joma ngima.
| לא ידע אנוש ערכה ולא תמצא בארץ החיים׃ |
14 Kut wacho ni, ‘Oonge e iya;’ to nam wacho ni, ‘Oonge koda ka.’
| תהום אמר לא בי היא וים אמר אין עמדי׃ |
15 Ok nyal ngʼiewe gi dhahabu maler mogik kendo nengone ok nyal pim gi fedha.
| לא יתן סגור תחתיה ולא ישקל כסף מחירה׃ |
16 Ok nyal ngʼiewe gi dhahabu mokuny Ofir, kata gi kite ma nengogi tek kaka Oniks kata Safir.
| לא תסלה בכתם אופיר בשהם יקר וספיר׃ |
17 Dhahabu kata kite mamil ma nengogi tek ok nyal pimego bende ok nyal pime gi gima olos gi dhahabu.
| לא יערכנה זהב וזכוכית ותמורתה כלי פז׃ |
18 Kit nam ma nengone tek kod kit ombo marieny ok di wuo kuomgi nikech nengo rieko oyombo nengo kit rubi maratiglo.
| ראמות וגביש לא יזכר ומשך חכמה מפנינים׃ |
19 Kata mana kit topaz mokuny Kush ok nyal pim kode; ok nyal ngʼiewe gi dhahabu malerie mogik.
| לא יערכנה פטדת כוש בכתם טהור לא תסלה׃ |
20 “To rieko to diyud kanye? Koso ere kuma ngʼeyo wuokie?
| והחכמה מאין תבוא ואי זה מקום בינה׃ |
21 Opondo ne wenge gik mangima duto, kendo opande koda kane winy mafuyo e kor polo.
| ונעלמה מעיני כל חי ומעוף השמים נסתרה׃ |
22 Kethruok gi tho jowacho ni, ‘Humbe kende ema osechopo e itwa!’
| אבדון ומות אמרו באזנינו שמענו שמעה׃ |
23 Nyasaye ema ongʼeyo yo miyudego kendo en kende ema ongʼeyo kama odakie,
| אלהים הבין דרכה והוא ידע את מקומה׃ |
24 nikech wengene okwako tungʼ piny gi tungʼ piny kendo oneno gimoro amora manie bwo polo.
| כי הוא לקצות הארץ יביט תחת כל השמים יראה׃ |
25 Kane oguro teko mar yamo kendo opimo giko nembe,
| לעשות לרוח משקל ומים תכן במדה׃ |
26 kane ogolo chik ne koth kendo ogoro yor mil polo,
| בעשתו למטר חק ודרך לחזיז קלות׃ |
27 e kinde mane onenoe rieko mi opimo berne kaka chalo mi onwangʼo.
| אז ראה ויספרה הכינה וגם חקרה׃ |
28 Kendo nowachone dhano ni, ‘Luoro Ruoth Nyasaye kelo rieko, kendo ka idwaro bedo gi ngʼeyo to nyaka iwe richo!’”
| ויאמר לאדם הן יראת אדני היא חכמה וסור מרע בינה׃ |
