Ayub 15
1 Eka Elifaz ja-Teman nopenjo niya,
| ויען אליפז התימני ויאמר |
2 “Bende ngʼama riek nyalo dwoko ji gi paro manono kata pongʼo it ji gi weche ma ok nikare?
| החכם יענה דעת-רוח וימלא קדים בטנו |
3 Bende onyalo mino wach gi weche maonge tiendgi, kata gi mbekni maonge gi konyruok?
| הוכח בדבר לא-יסכון ומלים לא-יועיל בם |
4 In to inyoso chuny ji mondo kik giluor Nyasaye kendo imonogi lame.
| אף-אתה תפר יראה ותגרע שיחה לפני-אל |
5 Richo ma isetimo ema omiyo iwuoyo alanda kamano; kendo ilony e wacho miriambo.
| כי יאלף עונך פיך ותבחר לשון ערומים |
6 Wecheni iwuon ema ngʼadoni bura, to ok an, kendo gik ma lewi wacho ema nyiso kiti marach.
| ירשיעך פיך ולא-אני ושפתיך יענו-בך |
7 “Iparo ni in e ngʼat mane okuong nywol e piny? Koso ne intie kapok Nyasaye ochweyo gode?
| הראישון אדם תולד ולפני גבעות חוללת |
8 Bende ichiko iti ne rieko mar Nyasaye? Koso iloko rieko giri iwuon?
| הבסוד אלוה תשמע ותגרע אליך חכמה |
9 Angʼo mingʼeyo ma wan ok wangʼeyo? Paro matut mage ma in-go, ma wan waongego?
| מה-ידעת ולא נדע תבין ולא-עמנו הוא |
10 Joma yie wigi otwi lwar kod joma hikgi ngʼeny moingo kata mana wuonu gin jokorwa.
| גם-שב גם-ישיש בנו-- כביר מאביך ימים |
11 Hoch ma Nyasaye hoyigo kod weche mosebedo kinyisi gi ngʼwono, donge oromi?
| המעט ממך תנחומות אל ודבר לאט עמך |
12 Angʼo momiyo iseweyo chunyi oteri mabor, mi ibedo gi wangʼ teko,
| מה-יקחך לבך ומה-ירזמון עיניך |
13 momiyo koro iwuoyo gi Nyasaye ka in gi mirima kendo iwacho weche machalo kamano gi dhogi?
| כי-תשיב אל-אל רוחך והצאת מפיך מלין |
14 “Dhano to en angʼo madimi obed ngʼama ler, koso dhano ma dhako onywolo, to en angʼo madimi obed ngʼama kare?
| מה-אנוש כי-יזכה וכי-יצדק ילוד אשה |
15 Ka Nyasaye ok ogeno kata malaika mage, kendo kata mana polo bende ok ler e nyime,
| הן בקדשו לא יאמין ושמים לא-זכו בעיניו |
16 to koro ere kaka dodew dhano adhana ma timbene richo kendo okethore, mamodho richo ka pi!
| אף כי-נתעב ונאלח איש-שתה כמים עולה |
17 “Chikuru itu uwinja mondo olernu tiend wach; we anyisu gik ma aseneno,
| אחוך שמע-לי וזה-חזיתי ואספרה |
18 gik ma joma riek osehulo, ka ok gipando gimoro amora mane giyudo kuom kweregi,
| אשר-חכמים יגידו ולא כחדו מאבותם |
19 ma gin jogo mane omi piny kendgi giwegi kinde mane onge jopinje mamoko mane kadho e diergi.
| להם לבדם נתנה הארץ ולא-עבר זר בתוכם |
20 Ngʼat ma timbene richo kendo mathiro ji neno chandruok e kinde duto mag ngimane.
| כל-ימי רשע הוא מתחולל ומספר שנים נצפנו לעריץ |
21 Koko mag masiche opongʼo ite kendo jomecho biro monje e kinde moparo ni gik moko dhi maber.
| קול-פחדים באזניו בשלום שודד יבואנו |
22 Ok onyal tony mowuogi e mudho; nikech okane ne ligangla.
| לא-יאמין שוב מני-חשך וצפו (וצפוי) הוא אלי-חרב |
23 Orundore koni gi koni nimar en chiemb achudhe adier; ongʼeyo ni odiechieng mudho ni machiegni.
| נדד הוא ללחם איה ידע כי-נכון בידו יום-חשך |
24 Masiche malich ogoye gi kihondko, gigi duto omake, mana ka ruoth moikore mar dhi e lweny,
| יבעתהו צר ומצוקה תתקפהו כמלך עתיד לכידור |
25 mano ema notimre ne ngʼat ma kamano nikech othiano ni Nyasaye kendo opiem gi Jehova Nyasaye Maratego,
| כי-נטה אל-אל ידו ואל-שדי יתגבר |
26 koringo mondo odhi omonje kotingʼo kuot mapek kendo motegno.
| ירוץ אליו בצואר בעבי גבי מגניו |
27 “Kata obedo ni ngʼatni chwe kendo en jamoko,
| כי-כסה פניו בחלבו ויעש פימה עלי-כסל |
28 to obiro dak e mier mokethore, kendo e udi maonge joma odakie, ma gin udi mosemukore molokore gunda.
| וישכון ערים נכחדות--בתים לא-ישבו למו אשר התעתדו לגלים |
29 Koro ok obi bedo gi mwandu, kendo gik ma en-go ok bi dongʼ ne nyikwaye.
| לא-יעשר ולא-יקום חילו ולא-יטה לארץ מנלם |
30 Ok notony e masira, enochal gi yath ma mach owangʼo ite, kendo much Nyasaye biro keyo thiepene mi olal nono.
| לא-יסור מני-חשך--ינקתו תיבש שלהבת ויסור ברוח פיו |
31 Kik ogalre koketo genone kuom gima onge tich nikech onge ohala mobiro yudo kuom timo kamano.
| אל-יאמן בשו נתעה כי-שוא תהיה תמורתו |
32 Obiro neno makne kapod ndalone oromo, kendo bedene ok bi siko ka ngʼich.
| בלא-יומו תמלא וכפתו לא רעננה |
33 Obiro chalo gi yiend mzabibu motengʼ olembene mapok ochiek piny mana ka yiend zeituni ma maupege two kendo lwar piny.
| יחמס כגפן בסרו וישלך כזית נצתו |
34 Nikech riwruok mar joma ok lem ok nyal nyago gimoro kendo mach biro wangʼo hembe mag joma ohero asoya mitiek pep.
| כי-עדת חנף גלמוד ואש אכלה אהלי-שחד |
35 Gin joma kelo chandruok kendo timo timbe maricho; kendo chunygi opongʼ gi miriambo kinde duto.”
| הרה עמל וילד און ובטנם תכין מרמה |
