Ayub 12
1 Eka Ayub nodwoko kama:
| ויען איוב ויאמר׃ |
2 “Ayie ni un joma lich kendo angʼeyo ni ka utho to rieko bende nyalo tho kodu!
| אמנם כי אתם עם ועמכם תמות חכמה׃ |
3 Kata kamano an bende an gi paro machal gi ma un-go; kik upar ni afuwo. Uparo ni en ngʼa ma ok ongʼeyo weche ma uwachogi?
| גם לי לבב כמוכם לא נפל אנכי מכם ואת מי אין כמו אלה׃ |
4 “Asedoko gima inyiero e dier osiepena, kata obedo ni an ngʼama kare kendo maonge ketho; to chon an ema ne Nyasaye winjo ywakna kendo dwoka!
| שחק לרעהו אהיה קרא לאלוה ויענהו שחוק צדיק תמים׃ |
5 Kuom mano, joma onge gi thagruok chayo joma thagore, kendo podho mar joma thagore ok lichnigi.
| לפיד בוז לעשתות שאנן נכון למועדי רגל׃ |
6 Hembe mag jomecho onge ngʼama monjo, kendo joma jaro Nyasaye winjo maber, mana ka joma otingʼo nyasachgi e lwetgi.
| ישליו אהלים לשדדים ובטחות למרגיזי אל לאשר הביא אלוה בידו׃ |
7 “To penj kata mana le kendo gibiro puonji, kata winy manie kor polo, to gibiro nyisi;
| ואולם שאל נא בהמות ותרך ועוף השמים ויגד לך׃ |
8 kata wuo gi piny, to obiro puonji, kata inyalo yiene rech manie i nam mondo gipuonji.
| או שיח לארץ ותרך ויספרו לך דגי הים׃ |
9 Mane kuom gigi duto mokia ni lwet Jehova Nyasaye ema osetimo ma?
| מי לא ידע בכל אלה כי יד יהוה עשתה זאת׃ |
10 Ngima gimoro amora mochwe ni e lwete kaachiel gi much dhano duto.
| אשר בידו נפש כל חי ורוח כל בשר איש׃ |
11 Donge it ema pimo kit weche mana kaka lep bende pimo mit chiemo?
| הלא אזן מלין תבחן וחך אכל יטעם לו׃ |
12 Rieko donge yudore e dier joma osedak amingʼa? Koso dak amingʼa donge kelo winjo tiend weche maber?
| בישישים חכמה וארך ימים תבונה׃ |
13 “Nyasaye e wuon rieko gi teko; ngʼado rieko gi winjo tiend weche gin mage.
| עמו חכמה וגבורה לו עצה ותבונה׃ |
14 Gima omuko mogoyo piny ok nyal ger kendo; kendo ngʼat motweyo ok nyal gony.
| הן יהרוס ולא יבנה יסגר על איש ולא יפתח׃ |
15 Ka omako pige to oro mako piny; to koweyogi thuolo to giketho piny.
| הן יעצר במים ויבשו וישלחם ויהפכו ארץ׃ |
16 En e wuon teko gi loch; joma iwuondo gi joma wuondo ji gin mage kargi duto.
| עמו עז ותושיה לו שגג ומשגה׃ |
17 Omiyo jongʼad rieko bedo gi wichkuot kendo omiyo jongʼad bura doko joma ofuwo.
| מוליך יועצים שולל ושפטים יהולל׃ |
18 Ogolo oko osimbo ma ruodhi orwako kendo otweyo pien gugru e nungogi.
| מוסר מלכים פתח ויאסר אזור במתניהם׃ |
19 Omiyo jodolo bedo gi wichkuot kendo omiyo joma keregi osengirore podho.
| מוליך כהנים שולל ואתנים יסלף׃ |
20 Omiyo jongʼad rieko mogen dhogi lingʼ thi kendo ogolo kuom jodongo rieko mar ngʼeyo tiend weche mopondo.
| מסיר שפה לנאמנים וטעם זקנים יקח׃ |
21 Ochayo ruodhi kendo omayo roteke gigegi mag lweny.
| שופך בוז על נדיבים ומזיח אפיקים רפה׃ |
22 Ofwenyo gik matut mopondo ei mudho kendo okelo ler kuonde motimo mudho.
| מגלה עמקות מני חשך ויצא לאור צלמות׃ |
23 Omiyo ogendini bedo gi teko, to bangʼe oloyogi mi otiekgi.
| משגיא לגוים ויאבדם שטח לגוים וינחם׃ |
24 Omiyo jotend piny bedo mofuwo; bangʼe to gibayo abaya ma girweny nono.
| מסיר לב ראשי עם הארץ ויתעם בתהו לא דרך׃ |
25 Gidangʼni ei mudho maonge ler; kendo omiyo gikwangʼ ka joma omer.”
| ימששו חשך ולא אור ויתעם כשכור׃ |
