Chakruok 11
1 E kindeno ogendini duto manie piny ne wacho dhok achiel kod weche machal.
온 땅의 구음이 하나이요 언어가 하나이었더라
2 Kane gidhi yo wuok chiengʼ, negiyudo pap moro e piny Shinar mine gidak kanyo.
이에 그들이 동방으로 옮기다가 시날 평지를 만나 거기 거하고
3 Negiwacho e kindgi giwegi niya, “Biuru walosuru matafare kendo wawangʼ-gi mochiek maber.” Negitiyo gi matafare kar kite kendo lowo kar simiti.
서로 말하되 `자, 벽돌을 만들어 견고히 굽자' 하고 이에 벽돌로 돌을 대신하며 역청으로 진흙을 대신하고
4 Eka negiwacho niya, “Biuru wager dala maduongʼ man-gi ohinga mabor machopo nyaka e polo mondo omi walos nyingwa kendo kik wabed moke e kor piny.”
또 말하되 `자, 성과 대를 쌓아 대 꼭대기를 하늘에 닿게 하여 우리 이름을 내고 온 지면에 흩어짐을 면하자' 하였더니
5 To Jehova Nyasaye nolor piny mondo one dala maduongʼ kod ohinga mabor mane dhano gero.
여호와께서 인생들의 쌓는 성과 대를 보시려고 강림하셨더라
6 Jehova Nyasaye nowacho niya, “Ka gin oganda achiel, mawacho dhok achiel ema gisechako timo ma, kara gimoro amora ma gichano timo ok nyal tamogi.
여호와께서 가라사대 이 무리가 한 족속이요, 언어도 하나이므로 이같이 시작하였으니 이후로는 그 경영하는 일을 금지할 수 없으리로다
7 Biuru, kendo wadhi mondo wapog dhogi mondo kik giwinjre dhok ngʼato gi ngʼato.”
자, 우리가 내려가서 거기서 그들의 언어를 혼잡케 하여 그들로 서로 알아듣지 못하게 하자 하시고
8 Omiyo Jehova Nyasaye nokeyogi koa kanyo nyaka e piny duto kendo ne giweyo gero dalano.
여호와께서 거기서 그들을 온 지면에 흩으신 고로 그들이 성 쌓기를 그쳤더라
9 Mano emomiyo ne iluongo dalano ni Babel, nikech kanyo ema Jehova Nyasaye nopogoe dho ogendini kendo okeyogi e pinje duto.
그러므로 그 이름을 바벨이라 하니 이는 여호와께서 거기서 온 땅의 언어를 혼잡케 하셨음이라 여호와께서 거기서 그들을 온 지면에 흩으셨더라
10 Ma e nonro mar joka Shem. Higni ariyo bangʼ ataro ka Shem ja-higni mia achiel nonywolo Arfaksad.
셈의 후예는 이러하니라 셈은 일백세 곧 홍수 후 이년에 아르박삿을 낳았고
11 Bangʼ ka Shem nosenywolo Arfaksad, nodak higni mia abich mi onywolo yawuowi kod nyiri mamoko.
아르박삿을 낳은 후에 오백년을 지내며 자녀를 낳았으며
12 Ka Arfaksad ne ja-higni piero adek gabich nonywolo Shela.
아르박삿은 삼십 오세에 셀라를 낳았고
13 Kendo bangʼ kane osenywolo Shela, Arfaksad nodak kuom higni mia angʼwen gadek kendo nonywolo yawuowi kod nyiri mamoko.
셀라를 낳은 후에 사백 삼년을 지내며 자녀를 낳았으며
14 Kane Shela ja-higni piero adek, nonywolo Eber.
셀라는 삼십세에 에벨을 낳았고
15 Kendo bangʼ kane osenywolo Eber, Shela nodak higni mia angʼwen gadek kendo nonywolo yawuowi kod nyiri mamoko.
에벨을 낳은 후에 사백 삼년을 지내며 자녀를 낳았으며
16 Kane Eber ja-higni piero adek gangʼwen, nonywolo Peleg.
에벨은 삼십 사세에 벨렉을 낳았고
17 Bangʼ kane osenywolo Peleg, Eber nodak kuom higni mia angʼwen gi piero adek kendo nonywolo yawuowi kod nyiri mamoko.
벨렉을 낳은 후에 사백 삼십년을 지내며 자녀를 낳았으며
18 Kane Peleg ja-higni piero adek, nonywolo Reu.
벨렉은 삼십세에 르우를 낳았고
19 Bangʼ kane osenywolo Reu, Peleg nodak higni mia ariyo gochiko kendo nonywolo yawuowi kod nyiri mamoko.
르우를 낳은 후에 이백 구년을 지내며 자녀를 낳았으며
20 Kane Reu ja-higni piero adek gariyo nonywolo Serug.
르우는 삼십 이세에 스룩을 낳았고
21 Kendo bangʼ nywolo Serug, Reu nodak higni mia ariyo gabiriyo kendo nonywolo yawuowi kod nyiri mamoko.
스룩을 낳은 후에 이백 칠년을 지내며 자녀를 낳았으며
22 Kane Serug ja-higni piero adek, nonywolo Nahor.
스룩은 삼십세에 나홀을 낳았고
23 Kendo bangʼ kane osenywolo Nahor, Serug nodak higni mia ariyo kendo nonywolo yawuowi kod nyiri mamoko.
나홀을 낳은 후에 이백년을 지내며 자녀를 낳았으며
24 Kane Nahor ja-higni piero ariyo gochiko nonywolo Tera.
나홀은 이십 구세에 데라를 낳았고
25 Kendo bangʼ kane osenywolo Tera, Nahor nodak higni mia achiel gapar gochiko kendo nonywolo yawuowi kod nyiri mamoko.
데라를 낳은 후에 일백 십 구년을 지내며 자녀를 낳았으며
26 Bangʼ ka Tera nosedak higni piero abiriyo nonywolo Abram, Nahor kod Haran.
데라는 칠십세에 아브람과, 나홀과, 하란을 낳았더라
27 Ma e nonro mar Tera. Tera nonywolo Abram, Nahor kod Haran. Kendo Haran nonywolo Lut.
데라의 후예는 이러하니라 데라는 아브람과, 나홀과, 하란을 낳았고 하란은 롯을 낳았으며
28 Haran notho e dalagi miluongo ni Ur manie piny Kaldea kane Tera wuon mare pod ngima.
하란은 그 아비 데라보다 먼저 본토 갈대아 우르에서 죽었더라
29 Abram kod Nahor nokendo. Nying chi Abram ne Sarai kendo nying chi Nahor ne Milka; mane nyar Haran; wuon Milka kod Iska.
아브람과 나홀이 장가 들었으니 아브람의 아내 이름은 사래며 나홀의 아내 이름은 밀가니 하란의 딸이요 하란은 밀가의 아비며 또 이스가의 아비더라
30 To Sarai ne en migumba; nikech ne ok onywol.
사래는 잉태하지 못하므로 자식이 없었더라
31 Tera nokawo Abram wuode, gi Lut nyakware ma ka wuode Haran kod Sarai, chi Abram mi giwuok Ur e piny Kaldea ka gidhi Kanaan. To kane gichopo Haran, negidak kanyo.
데라가 그 아들 아브람과 하란의 아들 그 손자 롯과 그 자부 아브람의 아내 사래를 데리고 갈대아 우르에서 떠나 가나안 땅으로 가고자 하더니 하란에 이르러 거기 거하였으며
32 Tera nodak higni mia ariyo gabich kendo notho Haran.
데라는 이백 오세를 향수하고 하란에서 죽었더라
