Rapar Mar Chik 2
1 Eka ne wachako wuoth kwangʼado thim kwachomo Nam Makwar mana kaka Jehova Nyasaye nochika. Kuom kinde mangʼeny ne wadigni e piny gode mag Seir.
以後，我們照上主對我吩咐，的轉向紅海出發，往曠野進行，我們圍著色依爾山地繞行了很久。
2 Eka Jehova Nyasaye ne owachona niya,
那時上主對我說：「
3 “Usedigni bangʼ kinde mangʼeny kulwororu e pinyni, omiyo wuothuru kuchomo yor nyandwat.
你們繞行這山地已夠久了，如今該轉向北方。
4 Nyis ji wechegi kiwachonegi ni, ‘Uchiegni kalo e piny joweteu ma nyikwa Esau modak Seir. Gibiro bedo gi kibaji nikech un, to beduru motangʼ.
你吩咐人民說：你們要經過你們的兄弟厄撒烏子孫所住的色依爾地區；他們必畏懼你們，但你們卻應小心，
5 Kik udwar kodgi lweny nimar ok anamiu pinygi kata mana kama uketo e tiendu kende. Asemiyo Esau pinje mag gode man Seir kaka girkeni mare.
不要與他們挑戰，因為他們的地，連腳掌那麼大的一塊地，我也沒有給你們，因為我已將色依爾山地給了厄撒烏作產業。
6 Ubiro chulogi fedha kuom chiemo ma uchamo kod pi ma umodho.’”
你們應用錢向他們買糧吃，用錢向他們買水喝。
7 Jehova Nyasaye ma Nyasachu osegwedho tich lwetu. Oseritou ka uwuotho e thim malichni kendo kuom higni piero angʼwen-gi duto Jehova Nyasaye ma Nyasachu osebedo kodu mi ok uchando gimoro.
的確，上主你的天主祝福了你所作的一切，護衛你經過了這遼闊的曠野，這四十年來，上主你的天主常與你同在，使你什麼也不曾缺少。」
8 Eka ne wakalo Seir kama jowetewa ma nyikwa Esau nodakie. Bangʼe ne waa Araba kwachomo Elath kod Ezion Geber mi wawuotho kwachomo thim Moab.
於是我們繞過了我們的兄弟厄撒烏的子孫所住的色依爾，沿阿辣巴路到了厄拉特，和厄茲雍革貝爾，然後轉向摩阿布曠野進發。
9 Eka Jehova Nyasaye ne owachona niya, “Kik umonj jo-Moab kata kwinyogi mondo gitug lweny kodu, nimar ok anamiu dir pinygi moro amora. Kanyo asemiyo joka Ar ma nyikwa Lut kaka girkeni margi.”
那時上主對我說：「不要擾亂摩阿布人，不要與他們挑戰，他們的土地我一點也不會給你作產業，因為我已將阿爾給了羅特子孫作產業。 [
10 (Jo-Emi osebedo ka odak kanyo, ma gin joma rateke, mangʼeny kendo ma roboche mana ka jo-Anak.
原先住在那裏的，是強大眾多，身材魁偉像阿納克人的厄明民族。
11 Jo-Emi kod jo-Anak ji ne luongogiga ni jo-Refai, to jo-Moab to ne luongogi ni jo-Emi.
他們像阿納克人一樣，也算是勒法因人，但摩阿布人卻稱他們為厄明人。
12 Chon jo-Hori nodak e piny Seir, to nyikwa Esau noriembogi oko. Negitieko jo-Hori mane ni kanyo mi gidak kuondegi mana kaka jo-Israel notimo e piny mane Jehova Nyasaye omiyogi kaka girkeni.)
同樣，在色依爾原先住有曷黎人；但厄撒烏的子孫侵佔了他們的產業，消滅了他們，住在他們境內，就如以色列人對上主賜給他們作產業的土地所做的一樣。]
13 Kendo Jehova Nyasaye nowacho niya, “Koro chungi mondo ingʼad Holo mar Zered.” Omiyo ne wangʼado holono.
你們現在起身，過則勒得溪。」我們就過了則勒得溪。
14 E kinde mane wawuok Kadesh Barnea nyaka wangʼado Holo mar Zered nokawowa higni piero adek gaboro. E kindeno tiengʼ mar jolweny duto notho e kambi, mana kaka Jehova Nyasaye ne osesingorenegi.
從離開卡德士巴爾乃亞到我們過則勒得溪所用的時間，共計三十八年，直到能作戰的那一代，照上主對他們所起的誓，由營中完全消滅。
15 Lwet Jehova Nyasaye ne mon kodgi nyaka ne otiekogi duto e kambi.
實在是上主的手攻擊了他們，使他們由營中完全消滅。
16 Kane joma odongʼ ma jolweny osetho,
所有的戰士由民中死盡以後，
17 Jehova Nyasaye ne owachona niya,
上主吩咐我說：「
18 “Kawuononi ubiro kalo e gwenge mag Moab manie piny Ar.
你今天路過摩阿布的領土，即阿爾，
19 Ka ubiro ir jo-Amon, to kik uchandgi kata dwaro tugo kodgi lweny, nimar ok anamiu gimoro amora e piny jo-Amon. Asechiwe kaka girkeni ne nyikwa Lut.”
就要面臨阿孟子民；但不要擾亂他們，不要與他們挑戰，阿孟子民的土地我一點也不會給你作產業，因為我已將這地給了羅特子孫作產業。 [
20 (Pinyno bende ne okwan kaka piny jo-Refai mane osebedo kodak kuno, to jo-Amon to ne luongogi ni jo-Zamzumi.
這地也算是勒法因人地，勒法因人先前住在那裏，阿孟人稱他們為「匝默組明。」
21 Gin oganda marateke, mangʼeny kendo ma roboche mana ka jo-Anak. Jehova Nyasaye ne otiekogi e nyim jo-Amon, mane oriembogi mi gidak kuondegigo.
他們像阿納克人一樣，是強大眾多，身材魁偉的民族；但上主卻由阿孟人面前消滅了他們，使阿孟人佔有他們的產業，住在他們境內，
22 Jehova Nyasaye ne osetimo mano ne nyikwa Esau, mane odak Seir, e kinde mane otieko jo-Hori ka gineno. Negiriembogi oko kendo gidak kanyo nyaka chil kawuono.
正如上主為住在色依爾的厄撒烏子孫所做的一樣：即由他們面前消滅了曷黎人，使厄撒烏的子孫佔有他們的產業，住在他們的境內，直到今日。
23 To jo-Kaftor mane oa Kaftor noriembo jo-Avi mabor nyaka e gwenge mag Gaza, mi koro gidak kanyo.)
同樣，阿威人原先住在迦薩附近各村莊內，有加非托爾人由加非托爾來，將他們消滅，住在他們境內。]
24 “Koro ikreuru kendo ukadh holo mar Arnon. Neuru, asechiwo e lwetu Sihon ja-Amor ma ruodh Heshbon kod pinye. Chakuru kedo kodgi mondo ukawe.
你們起身出發，過阿爾農河。看，我已將阿摩黎人赫市朋王息紅和他的土地交在你手中；進軍佔領，與他交戰。
25 Kochakore odiechiengni abiro kelo luoro kod kibaji ne ogendini duto modak e piny. E kinde ma giniwinjie humbu, gibiro kirni kendo kihondko biro makogi.”
從今日起，我要使天下萬民在你面前驚慌害怕，使他們一聽見你的消息就戰慄；一看見你的面目就發抖。」
26 Koa e thim mar Kedemoth, ne aoro joote ne Sihon ma ruodh Heshbon kakwaye mondo kwe obedie kawachone niya,
我於是由刻德摩特曠野，派遣使者到赫市朋王息紅那裏，和平談判說：
27 “Yienwauru wakal e pinyu nikech wabiro luwo yo tir kendo ok wanabar e bat korachwich kata koracham.
讓我從你國內經過，我只走大道，不偏右也不偏左。
28 Yie iusnwa chiemo mwachamo kod pi mwamodho nikech nengogi romre gi fedha, kendo iwewa aweya wakadhi kwawuotho gi tiendwa,
你按價錢賣給我糧吃，按價錢供給我水喝；只讓我步行過去，──
29 mana kaka nyikwa Esau mane odak Seir kod jo-Moab modak Ar ne jotimonwa, negiweyo wangʼado Jordan miwadonjo e piny ma Jehova Nyasaye ma Nyasachwa miyowa.”
如住在色依爾的厄撒烏子孫和住在阿爾的摩阿布人，對我所做的一樣，──好使我過約但河，進入上主我們的天主賜給我們的地方。
30 To Sihon ruodh Heshbon ne otamowa kadho e pinygi nimar Jehova Nyasaye ma Nyasachwa nosemiye wich teko, kendo chunye odoko matek mondo ochiwe e lwetu mana kaka osetimo.
但是赫市朋王息紅，不肯讓我們從他那裏經過，因為上主你的天主使他頑固，使他心硬，好將他交在你手中，就如今日一樣。
31 Jehova Nyasaye nowachona niya, “Neuru, koro achiwo Sihon kod pinye e lwetu, koro monjeuru mondo ukaw pinyeno.”
上主對我說：看我已將息紅和他的土地交給了你，你應進軍佔領他的土地。」
32 Kane Sihon kod jolwenje duto nobiro mondo ochak kodwa lweny e piny Jahaz,
那時息紅和他所有的民眾出來攻擊我們，在雅哈茲與我們交戰；
33 Jehova Nyasaye ma Nyasachwa nochiwe e lwetwa kendo ne watieke gi nyithinde kod jolwenje duto.
但上主我們的天主將他交給了我們，我們擊殺了他，他的兒子和他所有的人民。
34 E kindeno ne wakawo mieche duto, mi wanego, chwo, mon kod nyithindo duto, kendo onge ngʼama ne waweyo kangima.
同時我們也佔領了他所有的城邑，照毀滅律將全城破壞，不論男女或幼童，全都殺死，沒有留下一個，
35 To jamni kod gik moyaki mane oa e miechgi mane wakawo ne wadhi godo.
只留下了牲畜和由佔領的城邑中所奪的財物，作我們的戰利品。
36 Onge dala mane nyalo sirowa e lweny chakre Aroer, e dho holo mar Arnon kod dala manie holo hie nyaka chop Gilead kendo onge kata mana dala achiel mane ok wanyal kawo. Jehova Nyasaye ma Nyasachwa nochiwogi duto e lwetwa.
由阿爾農谷邊的阿洛厄爾和谷中的城直到基肋阿得，沒有一座城不被我們攻下的，上主我們的天主將這一切全交給了我們，
37 To kaluwore gi chik Jehova Nyasaye ma Nyasachwa, ne ok ukawo piny jo-Amon moro amora kata mana piny mokiewo gi Jabok kata mago molworo dalane manie gode.
只有阿孟子孫的土地，即雅波克河一帶和山地的城邑，你沒有進攻，全照上主我們的天主所吩咐的。
