2 Timotheo 2

1 To in, Wuoda, bed motegno kuom ngʼwono ma wan-go kuom Kristo Yesu.

Thou therefore, my child, be strong in the grace which [is] in Christ Jesus.

2 Weche mane iwinjo ka apuonjo e nyim joneno mathoth keti e lwet joma inyalo geno, manyalo puonjo joma moko bende.

And the things thou hast heard of me in the presence of many witnesses, these entrust to faithful men, such as shall be competent to instruct others also.

3 Bed modhil e chandruok kaachiel kodwa kaka jalweny maber mar Kristo Yesu.

Take thy share in suffering as a good soldier of Jesus Christ.

4 Onge jalweny ma dwodore gi weche mag dala nimar odwaro mondo obed malongʼo kowinjo jatende ma chike.

No one going as a soldier entangles himself with the affairs of life, that he may please him who has enlisted him as a soldier.

5 Kamano bende e kaka jangʼwech mapiem e ngʼwech ok nyal yudo mich mar jaloch ka ok oringo kaluwore gi chike moketi.

And if also any one contend [in the games], he is not crowned unless he contend lawfully.

6 Japur matiyo matek bende ema owinjore ocham nyak mokwongo mar cham.

The husbandman must labour before partaking of the fruits.

7 Par matut kuom gima awacho. Ruoth biro miyi rieko mar winjo tiend weche duto.

Think of what I say, for the Lord will give thee understanding in all things.

8 Injili malando en ni Yesu Kristo ma Nyakwar Daudi ne ochier oa kuom joma otho.

Remember Jesus Christ raised from among [the] dead, of [the] seed of David, according to my glad tidings,

9 Wach maberno emomiyo isanda kendo itweya ka ngʼat matimo richo. To wach Nyasaye ok otwe.

in which I suffer even unto bonds as an evil-doer: but the word of God is not bound.

10 Omiyo adhil kuom duto nikech adwaro ni joma Nyasaye oyiero bende oyudie warruok miyudo kuom Kristo Yesu, kendo makelo duongʼ mochwere. (aiōnios g166)

For this cause I endure all things for the sake of the elect, that they also may obtain the salvation which [is] in Christ Jesus with eternal glory. (aiōnios g166)

11 Ma e wach mar adier: Ka wasetho kode, to wanabed mangima kode bende;

The word [is] faithful; for if we have died together with [him], we shall also live together;

12 to ka watimo kinda, to wanalochi kode bende; to ka wakwede, to en bende nokwedwa;

if we endure, we shall also reign together; if we deny, he also will deny us;

13 to ka ok wabedo jo-adiera, en pod obedo mana ja-adiera, nikech ok onyal kwedore owuon.

if we are unfaithful, he abides faithful, for he cannot deny himself.

14 Par nigi wechegi kisiemogi e nyim Nyasaye ni giwe dhawo kuom weche maonge ohala maketho mana chuny joma winjogi.

Of these things put in remembrance, testifying earnestly before the Lord not to have disputes of words, profitable for nothing, to the subversion of the hearers.

15 Tem matek mondo ichiwri ne Nyasaye kaka jatich molony ma wiye ok kuodi kendo mapuonjo Wach mar adiera e yo makare.

Strive diligently to present thyself approved to God, a workman that has not to be ashamed, cutting in a straight line the word of truth.

16 Pogri kod mbekni manono mag piny nikech jok moketo chunygi e gik ma kamago medo bedo mabor moloyo gi Nyasaye.

But profane, vain babblings shun, for they will advance to greater impiety,

17 Puonj mag joma kamago biro landore ka adhola malandore. Achiel kuomgi gin Humenayo gi Fileto,

and their word will spread as a gangrene; of whom is Hymenaeus and Philetus;

18 mosebayo yo moweyo adiera. Giseweyo adiera ka gipuonjo ni chier osetimore, kendo giketho yie mar ji moko.

[men] who as to the truth have gone astray, saying that the resurrection has taken place already; and overthrow the faith of some.

19 Kata kamano mise mongirore mar Nyasaye ochungʼ motegno kendo ondikie ndiko ma ok ruchre mawacho niya, “Ruoth ongʼeyo joge,” kendo niya, “Ngʼato ka ngʼato maluongo nying Ruoth nyaka pogre gi timbe maricho.”

Yet the firm foundation of God stands, having this seal, [The] Lord knows those that are his; and, Let every one who names the name of [the] Lord withdraw from iniquity.

20 Ongʼere in e ot moro amora maduongʼ nitie gige tedo molos gi dhahabu kata fedha, to bende nitie moko molosi gi bao kata lowo. Mokwongogo itiyogo tije mogen, to mokogo itiyogo tich aticha.

But in a great house there are not only gold and silver vessels, but also wooden and earthen; and some to honour, and some to dishonour.

21 Omiyo ka ngʼato opwodhore kuom puonj mochido to enobed kaka gir tich mitiyogo tije mogen. Enodok ngʼat maler ma Ruoth oyiego kaka jatichne makare kendo moikore tiyo tich moro amora maber.

If therefore one shall have purified himself from these, [in separating himself from them], he shall be a vessel to honour, sanctified, serviceable to the Master, prepared for every good work.

22 Ring iwe gombo maricho mag jomatindo kendo ket chunyi mar luwo ngima maler, gi yie, gihera, kod kwe, kaachiel gi joma lamo Ruoth Nyasaye gi chuny maler.

But youthful lusts flee, and pursue righteousness, faith, love, peace, with those that call upon the Lord out of a pure heart.

23 Pogri chuth gi mbekni mofuwo maonge rieko, kingʼeyo ni gikelo dhawo.

But foolish and senseless questionings avoid, knowing that they beget contentions.

24 To jatich Ruoth ok owinjore bed makwiny, to onego obed mangʼwon gi ji duto kendo onego obed japuonj molony ma hore mos.

And a bondman of [the] Lord ought not to contend, but be gentle towards all; apt to teach; forbearing;

25 Joma dagi puonjne nyaka orie gi muolo, ka en gi geno ni Nyasaye nyalo miyogi thuolo mar lokruok mar weyo richo mi gingʼe adiera,

in meekness setting right those who oppose, if God perhaps may sometime give them repentance to acknowledgment of [the] truth,

26 kendo kogeno ni pachgi nyalo yawore mi gitony gia e obadho mar Satan moseketogi e twech mar timo dwarone.

and that they may awake up out of the snare of the devil, [who are] taken by him, for his will.