2 Samuel 18
1 Daudi nochano joma ne ni kode kendo noyieronigi jotend lweny mag alufe to gi mag miche.
達味檢閱了跟隨他的人，給他們委派了千夫長和百夫長，
2 Daudi nooro migepe adek mag jolweny: mokwongo notelne gi Joab, mar ariyo notelne gi Abishai ma owadgi Joab wuod Zeruya, mar adek notelne gi Itai ja-Giti. To ruoth nowachone migepego niya, “An bende nyaka adhi kodu.”
將軍人分為三隊：一隊由約阿布率領，一隊由責魯特的兒子，約阿布的兄弟阿彼瑟率領，一隊由加特人依泰率領；然後君王對軍人說：「我自己也要同你們一起出征」。
3 To jogo nowachone niya, “In ok inyal dhi kodwa, nikech ka ochuno ni nyaka waringi, to ok gibi dewowa. Kata ka nuswa otho to ok gidhi dewo nikech in iromri gi ji alufu apar kuomwa. Omiyo ber ka in idongʼ mondo ikonywa gie dala maduongʼ ka.”
軍人回答說：「你萬不可去! 因為若我們逃散，無人對我們介意，既使我們死了一半，也無人對我們介意；但是，你一個卻抵我們一萬，所以，現今你更好留在城內，設法援助我們」。
4 Ruoth nodwoko niya, “Abiro timo gima uneno ni bernu.” Omiyo ruoth nochungʼ but rangach sa ma ne oganda lweny duto ne wuok e migepegi mag miche gi mag alufe.
君王對他們說：「你們看看怎樣好，我就怎樣做」。君王站在門旁，軍人整隊出發，或百人一阻，或千人一組﹖
5 Ruoth nochiko Joab gi Abishai kod Itai niya, “Beduru mangʼwon ne wuoda Abisalom nikech an.” Oganda duto mag jolweny nowinjo ka ruoth chiko jotelo ni kik gihiny Abisalom.
君王命令約阿布、阿阿彼瑟和依泰說：「對少年阿貝沙隆，你們應給我留情」。軍人都聽見了君王關於阿貝沙隆，給眾將領所出的命令。
6 Jolweny nowuok modhi e paw lweny mondo giked gi Israel, kendo lweny nogore e bungu mar Efraim.
軍人出發，來到平原，攻打以色列；在厄弗辣因森林發生了戰事。
7 Jolwenj mag Daudi noloyo jo-Israel kanyo, kendo ji mane otho ne ngʼeny maloyo ji alufu piero ariyo.
以色列人在那裏為達味的臣僕打敗，那天死傷慘重，陣亡的有二萬人。
8 Lweny nolandore mokwako piny, kendo joma notho chiengʼno e bungu ne ngʼeny moloyo joma noneg gi ligangla.
戰爭蔓廷全境，樹林內死的人，比刀劍所殺的人還多。
9 Koro Abisalom nopo koromo gi jolwenj Daudi koidho pundane. To kane oyudo kanyna kadho e bwo yiend ober man-gi tipo malach, wi Abisalom nomoko e bad yadhno, mi nodongʼ koliero e kor yamo, ka kanyna mane oidho to ne dhiyo nyime gi wuoth.
阿貝沙隆正遇上了達味的臣僕，他那時騎著一匹驢子，由大橡樹的叢枝下經過，他的頭髮被橡樹枝纏住，身懸在天地間，所騎的驢子已跑走。
10 Kane achiel kuom jogo noneno ma, nonyiso Joab niya, “Aneno Abisalom koliero e bad yiend ober.”
有一個人看見，就告訴約阿布說：「我看見阿貝沙隆懸在橡樹上」。
11 Joab nowacho ni ngʼat mane onyise wachno niya, “Angʼo! Inene? Angʼo ma nomoni chwowe molwar piny kanyo? To damiyi shekel apar mag fedha gi okanda mar jolweny.”
約阿布對那向他報信的人說：「你看見了，為什麼不把他砍倒在地﹖那麼我必賞你十「協刻耳」銀子和一條腰帶」。
12 To ngʼatno nodwoke niya, “Kata dine unyalo pimo shekel alufu achiel moket e lweta, anto ok datingʼ lweta mondo aket kuom wuod ruoth. Ne wawinjo gi itwa ka ruoth chiko in gi Abishai kod Itai ni, ‘Rituru wuoda Abisalom nikech an.’
那人對約阿布說：「即使交在我手裏一千「協刻耳」銀子，我也不願伸手加害君王的兒子，因為我們親聽見君王吩咐你、阿彼瑟和依泰說：你們應為了我，保全少年阿貝沙隆。
13 To ka dine atim mano, to dine aketo ngimana e chandruok nikech onge gima opondo ne ruoth bende dine ok ikonya.”
並且，若我冒性命的危險，做錯了事，也決不能瞞過君王，那時你也許不會保護我」。
14 Joab nowacho niya, “Anto ok abi rito kamano.” Ka Abisalom ne pod oliero e bad yiend ober kangima, nokawo tonge adek e lwete mochwoyo dho chuny Abisalom.
約阿布說：「不願在你面前這樣耽擱時間! 」他就手裏拿了三根短箭，射在阿貝沙隆心中，那時，他在橡樹上還著。
15 Kendo ji apar matingʼo gige lweny mag Joab nolworo Abisalom, negigoye, ma ginege.
約阿布的十個少年圍上前來，將阿貝沙隆擊斃。
16 Eka Joab nogoyo turumbete mi jolweny noweyo lawo jo-Israel nikech Joab nokwerogi.
約阿布遂次起號角，軍人便回來，不再追趕以色列人，因為約阿布願顧惜人民。
17 Negikawo Abisalom ma giwito e bugo maduongʼ manie bungu, mi gibiwo kite madongo dongo kuome. E kindeno jo-Israel duto noringo modhi e miechgi.
人們取下阿貝沙隆，將他塊在樹林中的一個大坑內，在他上面堆了一大堆石頭。眾以色列人各自回本家去了。
18 Ka Abisalom ne pod ngima nokawo siro mochungo e Holo mar Ruoth kaka rapar mare owuon nimar noparo niya, “Aonge wuowi manyalo tingʼo wiya malo kata ma dichaka.” Nochako sirono nyinge owuon, mi oluonge ni Rapar mar Abisalom nyaka chil kawuono.
阿貝沙隆活著時，在君王山谷就為自己建立一石柱說：「我沒有兒子，來懷念我的名字；」所他給那石柱起了自己的名字。直至今日，人還稱那石柱為阿貝沙隆記念碑。
19 Koro Ahimaz wuod Zadok nowacho niya, “We aring ater wachni ne ruoth ni Jehova Nyasaye oserese e lwet jowasike.”
匝多克的兒子阿希瑪茲對約阿布說：「讓我跑去，將上主對王的仇敵替王伸冤的喜信，稟報給君王」。
20 Joab nowachone niya, “In ok niter wach kawuono. Inyalo mana tero wach chiengʼ machielo, nikech wuod ruoth otho.”
約阿布卻對他說：「今日你不是報喜的人，改天再去報吧! 因為君王的兒子死了，今日你不可去報信」。
21 Eka Joab nowachone ja-Kush niya, “Dhiyo mondo inyis ruoth gima ineno.” Ja-Kush nokulore piny e nyim Joab bangʼe noringo modhi.
約阿布遂對一個雇士人說：「你去將所見的事報告君王」。雇士人就拜別約阿布跑去信。
22 Ahimaz wuod Zadok nochako wacho ne Joab niya, “Kata bed ni angʼo matimore, to yiena alaw ja-Kush.” To Joab nodwoke niya, “Wuoda, angʼo momiyo idwaro dhi? Ionge gi wach maber manyalo keloni mich.”
匝多克的兒子阿希瑪茲又對約阿布說：「無論如何，我得跟著雇士人去! 」約阿布答說：「為什麼你要去﹖我兒，為這喜訊你得到什麼報酬! 」
23 En to nowacho niya, “Kata angʼo matimore, to nyaka aring adhi.” Omiyo Joab nowachone niya, “Ringi idhi.” Eka Ahimaz noringo odhi koluwo yor pap moyombo ja-Kush.
他說：「我無論如何要去! 」他答說：「去吧! 」阿希瑪茲就沿著約旦平原的大路跑去，跑過了雇士人。
24 Kane oyudo Daudi obet e kind rangach maiye gi ma oko, jarito noidho wi dhoranga ohinga mar ngʼicho. Kane ongʼiyo oko, noneno ngʼato karingo kende.
那時達味正坐在兩門中間，守衛士兵上了門樓頂。守衛兵舉目一望，見一人獨自跑來，
25 Jarito noluongo ruoth monyise. To ruoth nowacho niya, “Ka en kende to nyaka bed ni en gi wach maber.” Kendo ngʼatno nomedo sudo machiegni koringo.
就大聲喊叫．君王君王。王說：「若是一人，必有喜訊傳報」。他越來越近了。
26 Eka jarito noneno ngʼat machielo karingo, kendo noluongo jarit dhorangach mowachone niya, “Ne ngʼat machielo bende ringo biro ka en kende!” To ruoth nowacho niya, “En bende nyaka bed ni okelo wach maber.”
守衛又看見一個人跑來，守衛兵立刻對看門的大聲喊說：「看，又有一人獨自跑來」。王說：「這也是來報喜信的」。
27 Jarito nowacho niya, “Nenorena ni ngʼat mokwongo ringo ka Ahimaz wuod Zadok.” Ruoth nowacho niya, “En ngʼat maber. Obiro gi wach maber.”
守衛兵說：「我看見前一個人的跑法，像匝多克的兒子阿希瑪茲的跑法」。王說：「他是個好人，必是來報喜信的」。
28 Eka Ahimaz nowuoyo gi ruoth kowacho niya, “Gik moko dhi maber!” Nopodho piny auma e nyim ruoth ka wangʼe ochomo piny mi owacho niya, “Pak obed ni Jehova Nyasaye ma Nyasachi! Osechiwo e lwet ruodha ma en ruoth jogo mosepiem kode.”
阿希瑪茲上前對君王說：「安好! 」就俯首至地，叩拜君王，接著說：「上主，你的天主是可讚美的，因為衪消滅了反抗我主大王的人」。
29 Ruoth nopenjo niya, “Bende wuowi ma Abisalom ngima?” Ahimaz nodwoke niya, “Ne aneno ka mutni nitie maduongʼ e sa ma Joab ne oro jatich ruoth kod an, jatichni, to ok angʼeyo gima ne timore.”
王問說：「少年阿貝沙隆是否無恙﹖」阿希瑪茲答說：「當大王的臣僕約阿布打發你的僕人時，我見有大騷動，但不是什麼事﹖」
30 To ruoth nowachone niya, “Chungʼ e bathe ka kendo iriti.” Omiyo nosudo bathe mochungʼ kanyo.
王說：「你退在一邊，站在那裏」。他便退在一邊，站在那裏。
31 Eka ja-Kush nochopo mowacho niya, “Ruodha ma en ruoth, winj wach maber! Jehova Nyasaye oseresi kawuononi e lwet joma piem kodi duto.”
雇士人也來到了，雇士人說：「有喜信報告給我主大王! 上主今日對一切起來反抗你的的人為你伸了冤」。
32 Ruoth nopenjo ja-Kush niya, “Bende wuowi ma Abisalom ngima?” Ja-Kush nodwoko niya, “Mad wasigu mag ruodha ma en ruoth gi ji duto mane ongʼanyo ka dwahinyi obed kaka wuowino.”
王問雇士人說：「少年阿貝沙隆是否無恙﹖」雇士人答說：「願我主大王的仇敵，以及凡心懷惡意起來反抗你的人，都相似這個少年人! 」
33 Ruoth nobwok motetni. Noidho malo e ot man ewi rangach mi oywak. Noywak kowacho niya, “Yaye wuoda Abisalom, wuoda, wuoda Abisalom! Onego an ema ne atho kari, yaye Abisalom wuoda, wuoda!”
君王一聽這話，不勝悲傷，就上了門樓痛哭；他哭著說：我兒阿貝沙隆! 我兒! 我兒阿貝沙隆，巴不得我替你死了，我兒阿貝沙隆! 我兒! 」
